ភ្នំពេញៈ ប្រព័ន្ធ​តុលាការ​របស់​កម្ពុជា​ទំនង​នឹង​បង្ក្រាប​ជា​លក្ខណៈ​​ប្រព័ន្ធ​លើ​ក្រុម​ប្រឆាំង​នឹង​រដ្ឋាភិបាល​របស់​លោក​នាយក​រដ្ឋមន្ត្រី ហ៊ុន សែន នៅ​មុន​ការ​បោះឆ្នោត​ដ៏សំខាន់​ខាង​មុខ​នេះ ខណៈ​អ្នក​រិះគន់​របប​របស់​លោក​ត្រូវ​​បាន​ដាក់​ពន្ធនាគារ​ដោយ​មិន​មាន​ភ័ស្តុតាង​ ឬ​ការ​ជំនុំជម្រះ​ដោយ​យុត្តិធម៌​។ នេះ​បើ​តាម​អង្គការ​លើកលែង​ទោស​អន្តរជាតិ​ដែល​បាន​ថ្លែង​នៅក្នុង​របាយការណ៍​មួយ​ចេញ​កាលពី​ម្សិលមិញ​។