ភ្នំពេញៈ អត្ថបទ​ដែល​មាន​ចំណង​ជើង​ថា​ «លទ្ធផល​ដ៏​អាក្រក់​នៃ​ការ​វាយប្រហារ​ដោយ​អាស៊ីត» ដែល​និយាយ​ពី​ផល​ប៉ះពាល់​លើ​សម្រស់​​ និង​ដំបៅ​ផ្លូវចិត្ត​របស់​ជនរងគ្រោះ​នៃ​ការ​វាយប្រហារ​ទឹក​អាស៊ីត​​​ក្នុង​ប្រទេស​កម្ពុជា​​​ កាលពី​ថ្ងៃ​ទី​ ១៤ មីនា ២០១៥ ដែល​ជា​ការ​ចុះ​ផ្សាយ​របស់​កាសែត​ភ្នំពេញ​ប៉ុស្តិ៍​ចុង​សប្តាហ៍​បាន​ទទួល​ពាន​រង្វាន់​កំពូល​​ក្នុង​ចំណាត់​ថ្នាក់​អត្ថបទ​យក​ការណ៍​នៃ​​កាសែត​ល្អ​បំផុត​នៅ​ពិធី​​រាត្រី​សមោសរ​ស្តី​អំពី​ពាន​រង្វាន់​​សម្រាប់​ប្រព័ន្ធ​ផ្សព្វផ្សាយ​អាស៊ី​ WAN-IFRA កាលពី​ល្ងាច​ថ្ងៃ​ពុធ​​នៅ​ទីក្រុង​ម៉ានីល​។