បន្ទាយមានជ័យៈ អភិបាលរង​​ខេត្ត​បន្ទាយមានជ័យ​មួយ​រូប​កាលពី​ម្សិលមិញ​សម្រេច​ធ្វើ​កិច្ចសន្យា​ថា​នឹង​រក​ដំណោះ​បញ្ហា​ទំនាស់​ដីធ្លី​ដ៏រ៉ាំរ៉ៃ​មួយ ខណៈ​ពលរដ្ឋ​ប្រមាណ​ ១០០ ​នាក់​តវ៉ា​នៅ​មុខ​សាលាខេត្ត​ចំ​ថ្ងៃ​ឃោសនា បោះឆ្នោត​ឃុំ-សង្កាត់ តែ​ពលរដ្ឋ​មិន​សូវ​មាន​ជំនឿ​ទេ ដោយ​​ពួកគាត់​បាន​ស្នើ​ឲ្យ​ដោះស្រាយ​ភ្លាមៗ​ជា​ជាង​សន្យា​ខ្យល់​ដែល​ធ្លាប់​ធ្វើឲ្យ​ពួកគាត់​ឈឺចាប់​ជាង​ ១០ ​ឆ្នាំ​កន្លង​មក​ហើយ​នោះ​។