ភ្នំពេញៈ អាជ្ញាធរ​រាជធានី​ភ្នំពេញ​កាលពី​ម្សិលមិញ​បាន​ជំរុញ​ឲ្យ​រៀបចំ​កម្មវិធី​កម្សាន្ត​សប្បាយ​នៅ​តាម​ទីវត្តអារាម និង​តំបន់​រមណីយដ្ឋាន​នានា​ទូទាំង​រាជធានី​ភ្នំពេញ​ក្នុង​ឱកាស​បុណ្យ​ចូលឆ្នាំ​ថ្មី​ខាង​មុខ​នេះ​ដើម្បី​ថែរក្សា​ទំនៀម​ទម្លាប់ និង​ប្រពៃណី វប្បធម៌​ដែល​ជា​កេរដំណែល​របស់​បុព្វបុរស​ខ្មែរ​ឲ្យ​បាន​គង់វង្ស​យូរ​អង្វែង​ទៅ​ថ្ងៃ​អនាគត ប៉ុន្តែ​ហាម​លេង​គប់​ទឹក ជះទឹក ប៉ាតម្សៅ និង​ល្បែង​ស៊ីសង​គ្រប់​ប្រភេទ​ផង​ដែរ។