ភ្នំពេញ: ពលករ​ខ្មែរ​ដែល​ធ្វើការ​នៅ​ប្រទេស​ថៃ​ដោយ​ខុស​ច្បាប់​ប្រមាណ​ជា​ជិត​មួយ​ពាន់​នាក់​ត្រូវ​បាន​ក្រុម​មាន​សមត្ថកិច្ច​ថៃ​ចាប់​បញ្ជូន​មក​កម្ពុជា​វិញ​បន្ថែម​ទៀត ​កាលពី​ថ្ងៃ​សៅរ៍ ​សប្ដាហ៍​មុន ក្រោយ​ពី​រដ្ឋាភិបាល​ថៃ​ បាន​កែសម្រួល​ព្រះរាជក្រឹត្យ​ស្ដីអំពី​ការ​គ្រប់គ្រង​ការ​ធ្វើការ​របស់​ពលករ​បរទេស​ឆ្នាំ​ ២០១៧ គឺ​គោល​បំណង​​បន្ថែម​ទម្ងន់​ទោស​ដល់​និយោជក​ដែល​ប្រើប្រាស់​ពលករ​​បរទេស​ដែល​ពុំ​ទាន់​មាន​ឯកសារ​ស្រប​ច្បាប់ និង​ក្រុមហ៊ុន​ដែល​នាំ​ពលករ​បរទេស​មក​ធ្វើការ​នៅ​ក្នុង​ប្រទេស​ថៃ​ដោយ​ខុស​ច្បាប់​តែ​ប៉ុណ្ណោះ​។