ភ្នំពេញៈ កាលពី​ ២០ ​ឆ្នាំ​មុន​នៅ​ក្នុង​ថ្ងៃ​នេះ​រាជធានី​ភ្នំពេញ​កំពុង​មាន​ផ្សែងហុយ​ខ្មួល​ខ្មៅ​ចេញ​ពី​ការ​វាយ​ប្រយុទ្ធ​គ្នា​ដ៏​បង្ហូរឈាម​មួយ​រវាង​កងទ័ព​ដែល​ស្ម័គ្រស្មោះ​នឹង​ព្រះអង្គម្ចាស់​នរោត្តម រណឫទ្ធិ នាយករដ្ឋមន្ត្រី​ទី​ ១ និង​កងទ័ព​ដែល​ស្ម័គ្រស្មោះ​នឹង​លោក ហ៊ុន សែន នាយករដ្ឋមន្ត្រី​ទី ២ ហើយ​ទី​បំផុត​អំណាច​បាន​ធ្លាក់​ចូល​ទៅ​ក្នុង​កណ្ដាប់ដៃ​របស់​លោក ហ៊ុន សែន ដែល​អាច​ធ្វើ​ជា​នាយក​រដ្ឋមន្ត្រី​រហូត​មក​ដល់​ពេល​បច្ចុប្បន្ន ខណៈ​ដែល​អំពើ​ហិង្សា​នេះ​គឺ​គ្រាន់តែ​ជា​ការ​ចាប់ផ្តើម​តែ​ប៉ុណ្ណោះ​។