ភ្នំពេញៈ បើ​ទោះបី​ជា​​មជ្ឈដ្ឋាន​មួយ​ចំនួន​បាន​ចាត់​ទុក​ការ​ជួយ​អន្តរាគមន៍​របស់​លោក​នាយក​រដ្ឋមន្ត្រី ហ៊ុន សែន ឲ្យ​មាន​ការ​ដោះលែង​ប្រជាពលរដ្ឋ​ ២ ​នាក់​នៅ​ខេត្ត​កំពង់ស្ពឺ​ដែល​ជាប់​ឃុំ​ក្នុង​រឿង​វិវាទ​ដីធ្លី​ថា​ជា​ការ​ធ្វើ​ប្រជាភិថុតិ​ដើម្បី​សន្លឹក​ឆ្នោត​ក៏ដោយ ក៏​ថ្មីៗ​នេះ​មាន​ក្រុម​ប្រជាពលរដ្ឋ​មកពី​បណ្តា​ខេត្ត​មួយ​ចំនួន​បាន​ឡើង​មក​ក្រុង​​ភ្នំពេញ​ជា​បន្តបន្ទាប់​ដើម្បី​​សុំ​ឲ្យ​​លោក​នាយក​រដ្ឋមន្ត្រី​ជួយ​អន្តរាគមន៍​ដោះលែង​តំណាង​​ពួកគាត់​ និង​ធ្វើ​យ៉ាង​ណា​ឲ្យ​​តុលាការ​ពិនិត្យ​ឡើង​វិញ​លើ​បណ្តឹង​​ដែល​ប្តឹង​តំណាង​​ពលរដ្ឋ​ពាក់ព័ន្ធ​នឹង​ទំនាស់​ដីធ្លី​។