Search form

Login - Register | FOLLOW US ON

Logo of Phnom Penh Post newspaper Phnom Penh Post - អ្នក​លោតឆត្រ​យោង ៨ នាក់​នឹង​លោត​ចូល​កណ្តាល​ស្តាត

Content image - Phnom Penh Post
អ្នក​លោតឆត្រ​ម្នាក់​បាន​ធ្លាក់​ទៅ​ជាប់​នឹង​បង្គោល​ភ្លើង​។ Youtube

អ្នក​លោតឆត្រ​យោង ៨ នាក់​នឹង​លោត​ចូល​កណ្តាល​ស្តាត

ភ្នំពេញៈ នៅ​រសៀល​ថ្ងៃ​នេះ​ក្រុម​លោតឆត្រ​យោង ៨ នាក់​នឹង​ត្រូវ​លោត​ចូល​ទៅ​ក្នុង​កណ្តាល​ពហុកីឡដ្ឋាន​ជាតិ​អូឡាំពិក​ដើម្បី​អបអរ​កម្មវិធី​កីឡា​ជាតិ​លើក​ទី​មួយ​មិន​ធ្លាប់​មាន​របស់​កម្ពុជា បើ​ទោះបី​ជា​ការ​លោត​សាកល្បង​សម​កាល​ពី​ល្ងាច​ថ្ងៃ​ពុធ​មិន​បាន​ដំណើរការ​ដូច​ការ​គ្រោង​ទុក​ក្តី។

នៅ​វេលា​ម៉ោង​ប្រហែល ៦ ល្ងាច​ថ្ងៃ​ពុធ​អ្នក​លោតឆត្រ​យោង​បាន​ធ្វើការ​លោត សម ប៉ុន្តែ​បាន​ជួប​ស្ថានភាព​អាកាសធាតុ​មិន​ល្អ​ដែល​បាន​ធ្វើឲ្យ​ការ​លោត​ភាគច្រើន​នៃ​ពួកគេ​មិន​បាន​ធ្លាក់​ចំ​ទិសដៅ។ អ្នក​លោតឆត្រ​ម្នាក់​បាន​ធ្លាក់​ទៅ​ជាប់​នឹង​បង្គោល​ភ្លើង​ដែល​បាន​ចំណាយ​ពេល​ប្រហែល ១៥ នាទី​ដើម្បី​ជួយ​យក​គាត់​ចេញ​ពី​បង្គោល​ភ្លើង​នោះ។

លោក សោម សួម ដែល​ជា​សន្តិសុខ​ម្នាក់​នៅ​ស្ថានីយសាំង​មួយ​នៅ​ក្រៅ​ពហុកីឡដ្ឋាន​អូឡាំពិក​ដែល​បាន​នៅ​មុខ​បង្គោល​ភ្លើង​នោះ​បាន​ថ្លែង​ថា៖ «គាត់​មើល​ទៅ​ដូច​គាត់​ចង​ខ្លួន​គាត់»។

លោក ឯម ប៊ុនធឿន ដែល​ជា​បុគ្គលិក​ចាក់សាំង​នៅ​ស្ថានីយ​សាំង​បាន​រៀបរាប់​អំពី​ហ្វូង​មនុស្ស​ដែល​បាន​ព្យាយាម​ចង់​ជួយ​អ្នក​លោតឆត្រ​យោង​មិន​ឲ្យ​ជាប់​បង្គោល​ភ្លើង។ បើ​តាម​លោក​សួម និង សាក្សី​ដទៃៗ​ទៀត​បាន​ឲ្យ​ដឹង​ថា​នៅ​ម្ខាង​ផ្លូវ​ទៀត​អ្នក​លោតឆត្រ​យោង​ម្នាក់​ទៀត​បាន​ធ្វើឲ្យ​មាន​ការ​ជាប់គាំង​ចរាចរណ៍​នៅ​លើ​មហាវិថី​មុនីរ៉េត។

អ្នកនាង ស្រី ទា ដែល​ធ្វើការ​នៅ​ហាង​លក់​ផ្លែឈើ​ដែល​នៅ​ទល់​មុខ​កន្លែង​ចុះ​ចត​របស់​អ្នក​លោតឆត្រ​យោង​ទី​ពីរ​បាន​ថ្លែង​ថា៖ «អ្នក​ធ្វើ​ដំណើរ​ឈប់​ឡាន​ឈប់​ម៉ូតូ​ពួកគេ​ភ័យ​ខ្លាច​បុក​គាត់»។ លោក សួម ដែល​ជា​សន្តិសុខ​បាន​ថ្លែង​ថា​លោក​បាន​ឮ​អ្នក​លោតឆត្រ​យោង​ម្នាក់​បាន​ពន្យល់​ថា​បញ្ហា​គឺ​ដោយសារ​តែ​មាន​ខ្យល់​ខ្លាំង​នៅ​ខាង​លើ និង​ខ្យល់​ខ្សោយ​នៅ​ជិត​ដី៕ PS

0

Comments

Please, login or register to post a comment

ព័ត៌មានពាក់ព័ន្ធ