សៀមរាបៈ រដ្ឋាភិបាល​កម្ពុជា​បាន​គ្រោង​ដាក់​បញ្ចូល​ឧទ្យាន​ជាតិ​ភ្នំ​គូលែន ទៅ​ក្នុង​តំបន់​បេតិកភណ្ឌ​ពិភពលោក​ប្រាសាទ​អង្គរ ដើម្បី​ពង្រីក​តំបន់​អង្គរ​ឲ្យ​ធំ​ជាង​មុន ហើយ​ដែល​ការងារ​នេះ​នឹង​មាន​ការ​ជួយ​ពី​អ្នក​ជំនាញ​របស់​អង្គការ​យូណេស្កូ។ នេះ​បើ​តាម​លោក អ៊ឹម សុខរិទ្ធី នាយក​នៃ​នាយកដ្ឋាន​ទំនាក់​ទំនង​របស់​អាជ្ញាធរ​អប្សរា ដែល​បាន​ប្រាប់ ភ្នំពេញ ប៉ុស្តិ៍ កាល​ពី​ម្សិលមិញ​នៅ​ក្នុង​សន្និសីទ​រយៈ​ពេល​ពីរ​ថ្ងៃ​នៃ​គណៈកម្មាធិការ​សម្រប​សម្រួល​អន្តរជាតិ សម្រាប់​ការពារ​និង​អភិវឌ្ឍ​តំបន់​ប្រវត្តិសាស្រ្ត​អង្គរ (ICC-Angkor)។