ភ្នំពេញៈ គណបក្ស​សង្គ្រោះជាតិ​កំពុង​មន្ទិល​សង្ស័យ​ថា​មាន​ជនបរទេស​​ជិត​ ២៥០០ ​នាក់​​ដែល​ភាគ​ច្រើន​ជា​​ជនជាតិ​វៀតណាម​បាន​ចុះ​ឈ្មោះ​​បោះឆ្នោត​ដោយ​ខុស​ច្បាប់​​​តាំង​ពី​ការ​ចុះ​ឈ្មោះ​បោះឆ្នោត​​បាន​ចាប់ផ្ដើម​ដំណើរការ​រហូត​មក​ទល់​​នឹង​បច្ចុប្បន្ន​ខណៈ​គេ​បាន​រកឃើញ​ភាព​មិន​​ប្រក្រតី​នៅ​តាម​ខេត្ត​មួយ​ចំនួន។ នេះ​បើ​តាម​មន្រ្តី​របស់​គណបក្ស​សង្គ្រោះ​ជាតិ​ម្នាក់​​ដែល​បាន​ថ្លែង​កាលពី​ថ្ងៃ​ម្សិលមិញ។