ភ្នំពេញៈ ការ​ចាប់​ខ្លួន និង​ការ​ឃុំ​ខ្លួន​តំណាង​រាស្រ្ត​ជាប់​ឆ្នោត​គណបក្ស​ប្រឆាំង​ចំនួន ៧ រូប​ក្នុង​រយៈ​កាល​បី​ថ្ងៃ​កន្លង​ទៅ​នេះ​ក្រោម​ការ​ចោទ​ពី​បទ​ដឹក​នាំ​ធ្វើ​កុបកម្ម គឺជា​សញ្ញា​នៃ​យុទ្ធសាស្ត្រ​ចាស់​ដែល​ធ្លាប់​មាន​ជា​យូរ​មក​ហើយ​របស់​គណបក្ស​កាន់​អំណាច​សម្រាប់​ប្រើ​ដើម្បី​បំបិទ​សំឡេង​ក្រុម​អ្នក​ប្រឆាំង​ផ្នែក​នយោបាយ។ នេះ​បើ​តាម​ក្រុម​អ្នក​វិភាគ​ដែល​បាន​ធ្វើ​ការ​កត់​សម្គាល់។ ប៉ុន្តែ​ការ​បង្ក្រាប​នៅ​ក្នុង​សប្តាហ៍​នេះ​គឺ​មាន​លក្ខណៈ​ទ្រង់​ទ្រាយ​ធំ​ដែល​ស្រដៀង​គ្នា​ទៅ​នឹង​ការ​បង្ក្រាប​មួយ​កាល​ពី​ជិត​មួយ​ទសវត្សរ៍​កន្លង​ទៅ។