Search form

Login - Register | FOLLOW US ON

Logo of Phnom Penh Post newspaper Phnom Penh Post - JICA បង្ហាញ​គម្រោង​ផ្លូវ​រថភ្លើង​សម្រាប់​រាជធានី

អ្នក​ធ្វើ​ដំណើរ​តាម​រថយន្ត​ក្រុង ក្នុង​រាជធានី​ភ្នំពេញ។
អ្នក​ធ្វើ​ដំណើរ​តាម​រថយន្ត​ក្រុង ក្នុង​រាជធានី​ភ្នំពេញ។ ផា លីណា

JICA បង្ហាញ​គម្រោង​ផ្លូវ​រថភ្លើង​សម្រាប់​រាជធានី

ភ្នំពេញៈ នៅ​ក្នុង​សន្និសីទ​មួយ​កាល​ពី​ថ្ងៃ​ពុធ ទីភ្នាក់ងារ​សហ​ប្រតិបត្តិការ​អន្តរជាតិ​ជប៉ុន (JICA) ដែល​ជា​អង្គការ​ជំនួយ​បរទេស​របស់​ជប៉ុន​បាន​បង្ហាញ​អំពី​ប្រព័ន្ធ​ផ្លូវ​ដែក​ទំនើប​មួយ​សម្រាប់​រាជធានី​ភ្នំពេញ ដែល​អាច​ចាប់​ផ្តើម​ប្រតិបត្តិការ​នៅ ឆ្នាំ​២០២៣ ជា​ផ្នែក​មួយ​នៃ​ផែនការ​មេ​នៃ​ការ​ដឹក​ជញ្ជូន​ក្នុង​ទីក្រុង​ដែល​មាន​ទឹក​ប្រាក់​រាប់​សិប​ពាន់​លាន​ដុល្លារ។

រថភ្លើង​នឹង​ជួយ​បន្ធូរ​បន្ថយ​ការ​កក​ស្ទះ​ចរាចរណ៍​នៅ​តាម​ផ្លូវ​នានា​ក្នុង​រាជធានី​ភ្នំពេញ​ដែល​បច្ចុប្បន្ន​នេះ មាន​ការ​ខ្វះ​ខាត​ប្រព័ន្ធ​ដឹក​ជញ្ជូន​សាធារណៈ ខណៈ​ដែល​មាន​ខ្សែ​រថយន្ត​ក្រុង​តែ​មួយ​នៅ​តាម​បណ្តោយ​មហាវិថី​ព្រះមុនីវង្ស។

Masato Koto ដែល​ជា​មេ​ដឹក​នាំ​គម្រោង​ផែន​ការ​មេ​នេះ បាន​ប្រាប់ ភ្នំពេញ ប៉ុស្តិ៍ ថា៖ «ប្រសិន​បើ​មិន​មាន​រថភ្លើង​ទីក្រុង​នេះ នឹង​ដូច​ទៅ​នឹង ទីក្រុង​ហ្សាការតា» ដោយ​សំដៅ​ទីក្រុង​របស់ ប្រទេស​ឥណ្ឌូនេស៊ី ដែល​មាន​ការ​កក​ស្ទះ​ចរាចរណ៍​រាប់​គីឡូម៉ែត្រ។ ផ្នែក​ទីមួយ​នៃ​ប្រព័ន្ធ​ផ្លូវ​ដែក ដែល​ស្នើ​ឡើង​នេះ នឹង​ធ្វើ​ឡើង​សម្រាប់​ផ្លូវ​ពី​ខាង​កើត ទៅ​ខាង​លិច​និង​ខាង​លិច​ទៅ​ខាង​កើត គឺ​ពី​ព្រលាន​យន្ត​ហោះ​ភ្នំពេញ មក​កណ្តាល​ទីក្រុង​ដែល​មាន​ពីរ​ខ្សែ​ដែល​នឹង​ចំណាយ​ទឹក​ប្រាក់​សរុប ១,៣៤៥ ពាន់​លាន​ដុល្លារ។

ផ្លូវ​នេះ នឹង​អាច​ដាក់​អ្នក​ធ្វើ​ដំណើរ​ប្រមាណ​ពី ៧២៥០០ ទៅ ៨១៦០០ នាក់​ក្នុង​មួយ​ថ្ងៃ ដែល​មួយ​ផ្នែក​ជា​ផ្លូវ​ក្រោម​ដី ហើយ​នឹង​ភ្ជាប់​ទីប្រជុំជន​ក្នុង​រាជធានី​ទៅ​តំបន់​ភាគ​ខាង​លិច​ដែល​កំពុង​មាន​សកម្មភាព​លូតលាស់​និង​រីក​ចម្រើន​ផ្នែក​នគរូបនីយកម្ម»។ នេះ​បើ​តាម​សៀវភៅ​ណែនាំ​របស់​គម្រោង​នេះ។

ផែនការ​មេ​នេះ​បាន​ស្នើ​ឡើង​នូវ​បណ្តាញ Bus Rapid Transit ផ្លូវ​ដែក​និង​ផ្លូវ​ដឹក​ទំនិញ​ដែល​ត្រូវ​បាន​ប៉ាន់​ប្រមាណ​ថា នឹង​ចំណាយ​អស់​ទឹក​ប្រាក់ ៤,៥ ពាន់​លាន​ដុល្លារ​ក្នុង​រយៈ​កាល ២០ ឆ្នាំ​ដែល​ថវិកា​ដ៏​ច្រើន​នេះ នឹង​ប្រមូល​មក​ពី​ម្ចាស់​ជំនួយ​រដ្ឋាភិបាល និង​វិស័យ​ឯកជន។

លោក Takashi Ito អនុ​ប្រធាន JICA បាន​ថ្លែង​ថា ការ​ប្រមូល​ថវិកា​ដ៏​ច្រើន​បែប​នេះ​នឹង​ទំនង​ជា​តម្រូវ​ឲ្យ​មាន​ការ​ចូល​រួម​ពី​ក្រុម​ហ៊ុន​ឯកជន​បើ​ទោះ​បី​ជា​ការ​អញ្ជើញ​ពួក​គេ​មក​ជជែក​អំពី​ដំណើរការ​នេះ​ហាក់​បី​ដូច​លំបាក​ក៏​ដោយ។

ខណៈ​គម្រោង​នេះ​មាន​មហិច្ឆតា​ខ្ពស់​មាន​បញ្ហា​ប្រឈម​ដោយ​សារ​ការ​ចំណាយ​ខ្ពស់​ក៏​ដោយ ក៏​ការ​អនុវត្ត​ជាក់​ស្តែង​របស់​វា គឺជា​បញ្ហា​ដទៃ​ទាំង​ស្រុង​ទៀត។ នៅ​ពេល​សួរ​ថា តើ​លោក​មាន​ទំនុក​ចិត្ត​ថា រដ្ឋាភិបាល​នឹង​អនុម័ត​គម្រោង​នេះ ឬ​អត់? លោក Takashi Ito បាន​ថ្លែង​ថា «វា​លំបាក​ដើម្បី​បង្កើត​ឲ្យ​មាន​ការ​ឯកភាព​គ្នា ក្នុង​ចំណោម​ភាគី​ពាក់​ព័ន្ធ​ទាំង​អស់»។ ប្រសិន​បើ​គម្រោង​នេះ ត្រូវ​បាន​អនុម័ត​ក្តី​បារម្ភ​ធំ​មួយ​គឺថា ប្រជាជន​មួយ​ចំនួន​នឹង​ត្រូវ​បណ្តេញ​ចេញ​ពី​លំនៅឋាន​ដោយ​សារ​គម្រោង​នេះ។

អនុ​ប្រធាន​ក្រុម​ប្រឹក្សា​រាជធានី​ភ្នំពេញ លោក ត្រាក់ ថៃស៊ាង បាន​ថ្លែង​ថា ប្រសិន​បើ​គម្រោង​នេះ ចេញ​ជា​រូប​រាង​មែន ប្រជាជន​មួយ​ចំនួន​នឹង​ត្រូវ​បង្ខំ​ឲ្យ​ចេញ​ដូច​ជា «អ្នក​លក់​អំពៅ» តាម​ផ្លូវ។ «សម្រាប់​ប្រជាជន​រង​គ្រោះ​យើង​នឹង​រៀបចំ​សាលារៀន មន្ទីរពេទ្យ នៅ​កន្លែង​តាំង​ទីលំនៅ​ថ្មី ដែល​នឹង​ធ្វើ​ឲ្យ​ពួក​គេ រស់​នៅ​ប្រសើរ​ជាង​មុន»៕

0

Comments

Please, login or register to post a comment

ព័ត៌មានពាក់ព័ន្ធ