ភ្នំពេញៈ ជន​ជាប់​ចោទ​ដែល​ជា​មន្ត្រី​នគរបាល​សេដ្ឋកិច្ច​រាជធានី​ភ្នំពេញ​ចំនួន ២​នាក់ កាល​ពី​រសៀល ថ្ងៃ​ទី ១៩ ខែ​សីហា ២០១៤ ត្រូវ​បាន​ចៅក្រម​សាលា​ដំបូង​រាជធានី​ភ្នំពេញ បើក​សវនាការ​ជំនុំ​ជម្រះ​និង​កាត់​ទោស​ពីបទ​«ពុក​រលួយ និង​វីតិក្រម» ជាប់​ពាក់​ព័ន្ធ​នឹង​ករណី​ធ្វើ​សកម្មភាព ជំរិត​ទារ​ប្រាក់ ចំនួន​២៥០$ ពី​អាជីករ អ្នក​លក់​ខោអាវ​កូន​ក្មេង​ម្នាក់​នៅ​ផ្សារ​អូរឡាំពិក ប្រព្រឹត្ត​នៅ​ចំណុច​លើ​ដង​វិថី ព្រះ​មុនីវង្ស នៅ​ក្បែរ​សណ្ឋាគារ​ភ្នំពេញ សង្កាត់​ស្រះចក ខណ្ឌ​ដូន​ពេញ​កាល​ពី​រសៀល​ថ្ងៃទី ១ ខែ​មីនា ២០១៤។