Search form

Login - Register | FOLLOW US ON

Logo of Phnom Penh Post newspaper Phnom Penh Post - តំណាង​ជន​ជាតិ​ជង ដើរ​ដាក់​ញាត្តិ​សុំ​បញ្ឈប់​ទំនប់​វារី​នៅ​ស្ទឹង​អារ៉ែង

តំណាង​ជន​ជាតិ​ជង ដើរ​ដាក់​ញាត្តិ​សុំ​បញ្ឈប់​ទំនប់​វារី​នៅ​ស្ទឹង​អារ៉ែង

20140328_03
ពលរដ្ឋនៅអារ៉ែងតវ៉ាបិទផ្លូវ ធ្វើការតវ៉ាទប់ស្កាត់គ្រឿងចក្រក្រុមហ៊ុន ចិន មិនឲ្យចូលទៅតំបន់ស្ទឹងអារ៉ែង សហការី

ភ្នំពេញៈ តំណាង​ជន​ជាតិ​ដើម​ភាគ​តិច​ជង នៅស្ទឹង អារ៉ែង ចំនួន ៦នាក់​កំពុង​តែ​ដើរ​ដាក់​ញ្ញត្តិ​ទៅ​ការិ​យា​ល័យ​អង្គការ​សហប្រជាជាតិ ស្ថានទូត​ចិន រដ្ឋសភា និងស្ថាប័នរដ្ឋាភិបាល​ចំនួន ៤​ទៀត​ដើម្បី​ស្វះ​ស្វែង​រក​អន្តរាគមន៍​បញ្ឈប់​ក្រុមហ៊ុន Sinohydro កុំ​ឲ្យ​សាង​សង់​ទំនប់​វារី​អគ្គិសនី​នៅ​ស្ទឹង​អារ៉ែង។

នៅព្រឹកថ្ងៃនេះ ក្រោយពីបានយកញាត្តិទៅដាក់ នៅអង្គការ​សហប្រជាជាតិ តំណាង​ជន​ជាតិ​ដើម​ភាគ​តិច​ជង​នឹង​ធ្វើ​ដំណើរ​មក​ដាក់​នៅ​ក្រសួង​បរិស្ថាន​។

ការធ្វើដំណើរមកដាក់ញាត្តិនៅរាជធានីភ្នំពេញ ធ្វើឡើង​បន្ទាប់​ពី​មិន​មាន​ការ​ឆ្លើយ​តប​វិជ្ជា​មាន​ណា​មួយ​ពី​អាជ្ញាធរ និង​ក្រុមហ៊ុន​ក្នុង​អំឡុង​ពេល​តវ៉ា​ជាង កន្លះ​ខែ មក​នេះ ខណៈពេលដែលសប្តាហ៍មុន ​ប្រជា​សហគមន៍ អារ៉ែង ២០០​នាក់ នឹង​ជិះ​ម៉ូតូ ១០០ គ្រឿង​ហែ​ក្បួន​ដាក់​ញត្តិ​ទៅ​សាលា​ខេត្ត និង​ស្ថាប័ន​ពាក់ព័ន្ធ​ផ្សេងៗ​ ដើម្បី​ស្នើ​សុំ​ឲ្យ​បញ្ឈប់​គម្រោង​សាង​សង់​ទំនប់​វារី​អគ្គិសនី​ស្ទឹង អារ៉ែង របស់​ក្រុមហ៊ុន ចិន Sinohydro។

ប្រជាពល​រដ្ឋ​នៅ​អារ៉ែង បាន​​​តវ៉ា​បិទ​ផ្លូវ ​ដើម្បី​ធ្វើ​ការ​តវ៉ា​ទប់​ស្កាត់​គ្រឿង​ចក្រ​ក្រុមហ៊ុន ចិន មិន​ឲ្យ​ចូល​ទៅ​តំបន់​ស្ទឹងអារ៉ែង អស់​ជា​ច្រើន​ថ្ងៃ​មក​ហើយ​។ នៅ​នឹង​ច្រក​ចូល​នោះ​ប្រជា​ពលរដ្ឋ​បាន​ឈរ​លើក​បដា​ដែល​សរសេរ​ថា «ទំនប់​វារី​អគ្គិសនី អារ៉ែង បំផ្លាញ​ជីវភាព​រស់​នៅ​ជនជាតិ​ដើម​យើង» «អ្នក​ចេះ​ពឹង​លើ​ប្រាជ្ញា អ្នក​ស្រែ​ចម្ការ​ពឹង​លើ​ដី និង​ការ​អភិរក្ស» និង «ទំនប់​វារី​អគ្គិសនី​អារ៉ែង បំផ្លាញ​ធនធាន​ធម្មជាតិ» ជាដើម។

លោក វ៉ែន វ៉ន អាយុ ៣៥​ឆ្នាំ តំណាង​សហគមន៍​ជនជាតិ​ដើម បាន​ឲ្យ​ដឹង​ថា គម្រោង​សង់​ទំនប់ អារ៉ែង ប៉ះពាល់​ដល់​ប្រជា​សហគមន៍​ស្រែ​ចម្ការ ធនធាន​ធម្មជាតិ​រាប់​រយ​ប្រភេទ ជា​ពិសេស​គឺ​ប្រភេទ​សត្វ​កម្រ​ជិត​ផុត​ពូជ ដូច​ជា ត្រី​នាគ និង​ក្រពើ​ភ្នំ​ជាដើម។

សហគមន៍ជនជាតិដើមភាគតិចជងនេះ និងមន្ត្រីសង្គមស៊ីវិល ធ្លាប់​បាន​វាយ​តម្លៃ​ផល​ប៉ះ​ពាល់​នៅ​តំបន់​នេះ និង​បាន​ស្នើ​ឲ្យ​រាជ​រដ្ឋាភិបាល​បញ្ឈប់​គម្រោង​វារី​អគ្គិសនី និង​យក​តំបន់​នេះ ធ្វើ​ជា​​តំបន់​ទេសចរណ៍​វិញ។

0

Comments

Please, login or register to post a comment

ព័ត៌មានពាក់ព័ន្ធ