ភ្នំពេញៈ ចៅក្រម​ស៊ើប​សួរ​នៃ​សាលា​ដំបូង​រាជធានី​លោក កែវ មុនី នៅ​ថ្ងៃ​សុក្រ​នេះ​បាន​ចេញ​ដីកា​ឃុំ​ខ្លួន ​បេក្ខជន​ជាប់​ឆ្នោត​ នៃ​គណបក្ស​សង្គ្រោះ​ជាតិ​ចំនួន​២​រូប​ទៀត​និង​បាន​បញ្ជូន​ពួកគេ​ទៅ​ដាក់​ក្នុង​ពន្ធនាគារ​ព្រៃស «ម១» ជា​បណ្តោះ​អាសន្ន​ក្រោម​ការ​ចោទ​ប្រកាន់​ចំនួន ៣​បទល្មើស ជាប់​ពាក់​ព័ន្ធ​នឹង​ការ​ផ្ទុះ​អំពើ​ហិង្សា​ដ៏​សែន​ឃោរ​ឃៅ​មួយ កាល​ពី​ព្រឹក​ថ្ងៃទី​១៥ ខែ​កក្កដា ឆ្នាំ ២០១៤ នៅ​ក្បែរ​ទីលាន​ប្រជាធិបតេយ្យ ស្ថិត​នៅ​ក្នុង​ខណ្ឌ​ ដូនពេញ ដែល​បណ្ដាល​ឲ្យ​ក្រុម​សន្តិសុខ​ខណ្ឌដូន​ពេញ ​យ៉ាង​តិច​ណាស់​ ៣៨​នាក់​រង​របួស​ធ្ងន់​និង​ស្រាល។