Search form

Login - Register | FOLLOW US ON

Logo of Phnom Penh Post newspaper Phnom Penh Post - លោក ហ៊ុន សែន ព្រមាន​អ្នក​នយោបាយ​លូក​ដៃ​រឿង​អាឡិច

Content image - Phnom Penh Post

លោក ហ៊ុន សែន ព្រមាន​អ្នក​នយោបាយ​លូក​ដៃ​រឿង​អាឡិច

ភ្នំពេញៈ ប្រតិកម្ម​ជា​បន្ត​បន្ទាប់​លើ​បណ្តាញ​សង្គម​ហ្វេសប៊ុក ពាក់​ព័ន្ធ​នឹង​ការ​មិន​បន្ត​ទិដ្ឋាការ​របស់​បុរស​ជន​ជាតិ​អេស្ប៉ាញ លោក អាឡិច​ហ្សង់ដ្រូ ហ្គន់​សាឡេស ដេវិតសិន ដែល​ជា​សកម្ម​ជន​ការពារ​ធម្មជាតិ​ក្នុង​តំបន់​ជាយ​អារ៉ែង​នោះ នៅ​ថ្ងៃ​ចន្ទ​នេះ លោក​នាយក​រដ្ឋ​មន្ត្រី ហ៊ុន សែន បាន​ចេញ​មុខ ថ្លែង​ជា​សាធារណៈ ព្រមាន​ទៅ​អ្នក​នយោបាយ​មួយ​ចំនួន​កុំ​ជ្រៀក​ជ្រែក និង​ធ្វើ​ឲ្យ​រវល់ដល់ព្រះមហាក្សត្រ ពាក់​ព័ន្ធ​នឹង​ទិដ្ឋា​ការ​របស់​សកម្មជន​រូប​នេះ និង​បាន​ថ្លែង​​ធ្វើ​ការ​គាំទ្រ​នូវ​ចំណាត់​ការ​ផ្លូវ​ច្បាប់​របស់​ក្រសួង​មហា​ផ្ទៃ លើ​សកម្ម​ជន​បរទេស​រូប​នេះ​ទេ។

លោក​ថ្លែង​ព្រមាន​បែប​នេះ បន្ទាប់​ពី លោក កឹម សុខា អនុប្រធាន​គណបក្ស​សង្គ្រោះ​ជាតិ និង​ជា​អនុប្រធាន​ទី​១​នៃ​រដ្ឋសភា​ បាន​ផ្ញើលិខិត​មួយ​ទៅ​ប្រធានរដ្ឋសភា​លោក ហេង សំរិន និង​មួយទៀត​ផ្ញើ​ថ្វាយ​ព្រះមហាក្សត្រ​ អន្តរាគមន៍​បន្ត​ទិដ្ឋាការ​ឲ្យ​លោក អា​ឡិច ដើម្បី​​​មាន​សិទ្ធិ​បន្ត​ស្នាក់នៅ​​​កម្ពុជា។ កាល​ពីថ្ងៃ​ទី​១៦ ខែ​កុម្ភៈ ប្រធាន​គណបក្ស​សង្រ្គោះជាតិ លោក សម រង្ស៊ី បាន​ផ្ញើ​លិខិត​ជូន​រដ្ឋមន្ត្រី​ក្រសួង​មហាផ្ទៃ លោក ស ខេង ដោយស្នើឲ្យលោក ស ខេង អន្តរាគមន៍​ចំពោះ​រឿង​នេះ​ដែរ។

ថ្លែង​​ក្នុងពិធីចែក​សញ្ញា​បត្រ​ដល់​និស្សិត​សាកល​វិទ្យាល័យ​ជាតិ​គ្រប់​គ្រង លោក​នាយករដ្ឋមន្រ្តី ហ៊ុន សែន មាន​ប្រសាសន៍​ថា ​«គេ (រដ្ឋាភិបាល) ​សុខចិត្ត​ឲ្យ​នៅ​រហូត​ដល់​អស់ទិដ្ឋាការ។ អញ្ចឹង​យើង​ (លោក អាឡិច) ចេញ​ទៅ​សិន​ទៅ រួចហើយ​ចាំ​សុំត្រឡប់​មកវិញ វា​ទាស់​ខុស​អី។ កុំឲ្យ​ស្ថាន​ការណ៍​កាន់​តែ​អាក្រក់ ដែល​អាច​នឹង​នាំ​ឲ្យ​មាន​ការ​បណ្តេញ​ចេញ និង​ត្រូវ​ចូល​បញ្ជី​ខ្មៅ​របស់​រដ្ឋាភិបាល​»។

លោកបន្ត ប្រទេស​កម្ពុជា​ជា​​រដ្ឋអធិបតេយ្យ​មួយ ហើយ​ប្រសិន​បើ​​ជន​បរទេស​ និង​ប្រជាជន​ខ្មែរ​ណា​បំពាន គឺ​ត្រូវ​តែ​មានទោស និង​​បាន​ស្នើ​ឲ្យ​អ្នក​នយោបាយ​មួយ​ចំនួន​ពិចារណា​លើ​ករណី​នេះ ដោយ​លើ​ក​ឡើង​ថាមិន​មាន​ជន​បរទេស​ណា​ដែល​ស្រឡាញ់​ខ្មែរ​ជាង​ប្រជា​ជន​ខ្មែរ​ នោះ​ទេ​​។

លោកបញ្ជាក់ថា «… ​សង្ឃឹម​ថា​រឿង​អស់​ទាំង​នេះ ត្រឹម​តែ​រដ្ឋមន្រ្តី​មហាផ្ទៃ ដោះ​ស្រាយ​បាន​ហើយ។ គេ​ទៅ​រំខាន​ដល់​ព្រះ​មហាក្សត្រ​ណោះ»។

ក្នុង​កម្មវិធី​ដដែល​នេះ លោក​នាយក​រដ្ឋ​មន្ត្រី ហ៊ុន សែន ក៏បានថ្លែងរិះគន់ និង​ច្រាន​ចោល តប​ទៅ​អង្គការ​សង្គម​ស៊ីវិល​មួយ​ចំនួន ដែលថា ​លោកប្រើ​អំណាច​បំពាន​លើ​អំណាច​តុលា​ការ ​ក្នុង​ករណី​ចាប់ខ្លួន​ឪពុក​ម្តាយ​របស់​លោក​ថោង សារ៉ាត់ មក​ដាក់​ពន្ធ​នា​គារវិញ។​​

សូមរង់ចាំអានព័ត៌មានពិស្តារ…

0

Comments

Please, login or register to post a comment

ព័ត៌មានពាក់ព័ន្ធ