នេះជាសំណង់​អគារ​ដ៏​ចាស់​ទ្រុឌ​ទ្រោម​របស់​សាលា​បឋម​សិក្សាជ្រៃ​បាក់​​ដែល​ស្ថិត​នៅ​ក្នុង​ភូមិថ្មី​ ឃុំ​ជ្រៃ​បាក់ ស្រុក​រលាប្អៀរ​ ខេត្ត​កំពង់ឆ្នាំង​ ជាប់​ផ្លូវ​ជាតិ​លេខ​៥​​​។ សព្វ​ថ្ងៃ​សាលា​រៀន​នេះ​ មាន​​គ្រូ​១៨​នាក់ និង​សិស្សចំ​នួន២៩៩​នាក់ បង្រៀន​និង​រៀន​ពី​ថ្នាក់​ទី​១​រហូត​ដល់​ថ្នាក់​ទី​៦​។ លោក​ អ៊ុយ​ ណារិន នាយក​សាលា​បឋម​សិក្សា​​ជ្រៃ​បាក់ ​​ឲ្យ​ដឹង​​ថា អគារ​សាលា​​រៀន​ មានសភាព​ចាស់​ទ្រុឌ​ទ្រោម​ បាក់​ដំបូល​មិន​អាច​​ដំណើរ​ការ​បាន ជាហេតុ​នាំឲ្យ​ជួបការ​លំបាក​ដែល​ត្រូវ​យក​បន្ទប់​រៀន​ធ្វើជា​ទីចាត់​ការ​ផង​និង​ធ្វើបណ្ណាល័យ​សម្រាប់​សិស្ស​អាន​ផង។ រូបថត សំ រិទ្ធ