ភ្នំពេញៈ សាលា​រាជធានី​ភ្នំពេញ បាន​អនុញ្ញាត​គណបក្ស​សង្រ្គោះ​ជាតិ រៀប​ចំ​សន្និបាត​ក្រុម​ប្រឹក្សា​ជាតិ​លើក​ទី ១ នៅ​ថ្ងៃ​អាទិត្យ ទី​២៧ កក្កដា​នេះ នៅ​ទីតាំង​ការ៉ូឡា​ប៉ែក​ខាង​ត្បូង​សួន​ច្បារ​មុខ​វត្ត​បទុមវតី​ តាម​លិខិត​ស្នើ​សុំ​របស់​គណបក្ស​នេះ​កាល​ពី​ថ្ងៃ​ទី ២៣ កក្កដា។ នេះ​បើ​យោង​តាម សេចក្តី​ជូន​ដំណឹង​ដែល​មាន​ចុះ​ហត្ថលេខា​របស់​លោក ប៉ា សុជាតិវង្ស អភិបាល​រាជធានី​ភ្នំពេញ ផ្ញើរ​ទៅ​ប្រធាន​គណៈ​កម្មាធិការ​ប្រតិបត្តិ គណបក្ស​សង្រ្គោះ​ជាតិ​កាល​ពី​ម្សិល​មិញ។