Search form

Login - Register | FOLLOW US ON

Logo of Phnom Penh Post newspaper Phnom Penh Post - កង្កែប​បំពង​ ខ្ទឹមស​ នៅ​ហាង​ត្បាល់​ខ្មែរ

Content image - Phnom Penh Post
កង្កែប​បំពង​ខ្ទឹម​សស្រួយ​ឆ្ងាញ់​ ជ្រលក់​ជាមួយ​អំបិល​ម្រេចម្ទេស​ក្រូច​ឆ្មារ​។ ហុង មិនា

កង្កែប​បំពង​ ខ្ទឹមស​ នៅ​ហាង​ត្បាល់​ខ្មែរ

ភ្នំពេញ: បន្ទាប់ពី​ជោគជ័យ​ចំពោះ​មុខរបរ​លក់យ៉ាវ​ហន និង​បុកល្ហុង ហាង ត្បាល់​ខ្មែរ បានវិវឌ្ឍខ្លួន​ពី​អាជីវកម្ម​ត្រឹមតែ​ផ្ទះមួយ​ល្វែង​នៅម្ដុំ​ទួល​ទំពូង ទៅជា​ភោជនីយដ្ឋាន​មួយទៀត​មានការ​តុបតែង​កាន់តែ​ល្អប្រសើរ​ខុសពី​ទីតាំង​ចាស់។

ស្ថិត​នៅក្រោយ​វិទ្យាល័យ ជា ស៊ីម បឹងកេងកង វិថីលេខ ៧១ កែងផ្លូវ ៣៦០ ភោជនីយដ្ឋាន ត្បាល់​ខ្មែរ ទើបនឹង​ដំណើរការ​ថ្មីថ្មោង ផ្ដល់ឲ្យ​ភ្ញៀវ​ងាយស្រួល​ចត​យានជំនិះ និង​កន្លែង​អង្គុយ​ទូលាយ​អាច​ជួបជុំ​គ្រួសារ ឬ​មិត្តភក្ដិ​ជាក្រុម​ធំ។

អ្វីដែល​ពិសេស​នោះ​គឺតម្លៃ​នៅរក្សា​ដដែល បើទោះបីជា​ទីតាំង​ថ្មី​មានការ​តុបតែង​ស្អាតប្លែក​ជាង​កន្លែងចាស់​ក្ដី។ បន្ថែម​ពីតម្លៃ​មិន​ប្រែប្រួល ទីតាំង​ថ្មី​ក៏មាន​បន្ថែម​មុខម្ហូប​ប្រភេទ​គ្រឿង​បុក ដូចជា បុកល្ហុង​ជាមួយ​មឹក ពោះគោ ខ្យង ស្បែក​កង្កែប ឬក្ដាម ជាមួយ​តម្លៃ​ពី ១ ដល់ ៣,៥ ដុល្លារ។

សម្រាប់​ម្ហូប​គ្រឿង​សមុទ្រ​តម្លៃពី ៣ ទៅ ៦,៥ ដុល្លារ​មាន បង្គា​អាំង​អំបិលម្ទេស មឹក​ឆាបន្ទះ​ដែក ខ្យង​ផ្លិតអប់​មីសួ និង​ខ្យង​ផ្លិតឆា​ស្រាអិចអូ។ ម្ហូបធ្វើ​ពីកង្កែប​តម្លៃ ៦,៥ ដុល្លារ មាន កង្កែប​ប៉ារ៉ា​បំពង កង្កែប​បំពង​ខ្ទឹមស ខកង្កែប​ម្ទេសក្រៀម និង​ខកង្កែប​ខ្ញី។

ត្បាល់​ខ្មែរ មាន​ទូរស័ព្ទ​លេខ ០១២ ៧៧ ៥៨ ៦៨៕

0

Comments

Please, login or register to post a comment