Search form

Login - Register | FOLLOW US ON

Logo of Phnom Penh Post newspaper Phnom Penh Post - ឆ្អឹង​ជំនីរ​ជ្រូក​ខ្ចី​ឆាខ្ញី​ពី​ហាង​ម្ហូប

ម្ហូប ឆ្អឹង​ជំនីរជ្រូក​ខ្ចី​ឆា​ខ្ញី​ដ៏​មាន​ក្លិន​ឈ្ងុយ​​។
ម្ហូប ឆ្អឹង​ជំនីរជ្រូក​ខ្ចី​ឆា​ខ្ញី​ដ៏​មាន​ក្លិន​ឈ្ងុយ​​។ ឈឹម ស្រីនាង

ឆ្អឹង​ជំនីរ​ជ្រូក​ខ្ចី​ឆាខ្ញី​ពី​ហាង​ម្ហូប

សៀមរាប: ដោយ​កែច្នៃ​សំណង់​ផ្ទះ​បែប​ខ្មែរ​ធ្វើ​ជា​ភោជនីយដ្ឋាន ភោជនីយដ្ឋាន «ម្ហូប» ដែល​មាន​ទីធ្លា​ដុះដាល​ដោយ​រុក្ខជាតិ​​បៃតង​ដ៏ត្រជាក់​ភ្នែក​នោះ មាន​មុខម្ហូប​ឆ្ងាញ់​ជាច្រើន។

ថ្ងៃ​នេះ​យើង​សូម​បង្ហាញ​នូវ​ម្ហូប​ «ឆ្អឹង​ជំនីរ​ជ្រូក​ខ្ចី​ឆាខ្ញី» ដ៏​ឈ្ងុយ​ឆ្ងាញ់​ដែល​មាន​គ្រឿងផ្សំ​ងាយៗ។

ម្ហូប​នេះ​យើង​ត្រូវការ​គ្រឿង​គ្រៅ​ដូចជា ឆ្អឹង​ជំនីរ​ជ្រូក (ជាប់​ឆ្អឹង​ខ្ចី) ខ្ញី​ចាស់ ស្លឹក​ក្រូចសើច ស្លឹក​ខ្ទឹម ខ្ទឹមស ម្ទេស ទឹកត្រី​កោះកុង ប្រេងឆា ម្សៅស៊ុប ស្ករស និង​អំបិល។

ចំពោះ​វិធី​ចម្អិន​វិញ​គឺ​ដំបូង​ខ្ញី​ត្រូវ​ហាន់​ជា​សរសៃ​ស្ដើង​វែងៗ​ រួច​យក​ទៅ​បំពង​ជាមួយ​ប្រេងឆា រួច​សឹម​ស្រង់​វា​ទុក​មួយ​អន្លើ។

ឆ្អឹង​ជំនីរ​ជ្រូក​ត្រូវ​កាត់​ជា​កង់ៗ​ហើយ​ប្រឡាក់​ជាមួយ​ខ្ទឹម​ស​ចិញ្ច្រាំ ព្រមទាំង​គ្រឿងផ្សំ​រសជាតិ​មាន​ម្សៅស៊ុប ស្ករស និង​អំបិល តែ​បន្តិចបន្តួច​ប៉ុណ្ណោះ​ហើយ​ផ្អាប់​ទុក​មួយ​សន្ទុះ។ បន្ទាប់មក​ដាក់​ខ្ទះ​ឲ្យ​ក្ដៅ រួច​ចាក់​ប្រេងឆា​ជាមួយ​ខ្ទឹម​ស​ចិញ្ច្រាំ។ ឆា​ឆ្អឹង​ជំនីរជ្រូក​ដោយ​បន្ថែម​ទឹក​បន្តិច​ដើម្បី​កុំ​ឲ្យ​វា​ខ្លោច។

ភោជនីយដ្ឋាន ម្ហូប មាន​ទីតាំង​ជា​ផ្ទះ​បែប​ខ្មែរ​នៅ​សៀមរាប​។
ភោជនីយដ្ឋាន ម្ហូប មាន​ទីតាំង​ជា​ផ្ទះ​បែប​ខ្មែរ​នៅ​សៀមរាប​។ ឈឹម ស្រីនាង

ពេល​ដែល​ឆ្អឹង​ជំនីរ​ឆ្អិន ចាប់ផ្ដើម​ដាក់​ខ្ញី​បំពង​ចូល រួច​បន្ត​រំលីង​ឲ្យ​ស្ងួត​ សឹម​ដាក់​ស្លឹក​ក្រូច​សើច គល់​ខ្ទឹម និង​ម្ទេស ហើយ​ដួស​ដាក់​ចាន។

ចំពោះ​វិធី​លាយ​ទឹកត្រី​កោះកុង​នោះ​គឺ​ដំបូង​ត្រូវ​បុក​ខ្ទឹម​ស​ឲ្យ​ច្រើន​ជាមួយ​នឹង​ម្ទេស​ស្រស់ ហើយ​​ច្របាច់​ក្រូចឆ្មារ មុន​នឹង​ចាក់​ទឹកត្រី​ និង​ស្ករស​កូរ​ឲ្យ​សព្វ​​ជា​ការស្រេច។

ឆ្អឹង​ជំនីរ​ជ្រូក​ខ្ចី​ឆា​ខ្ញី​​នេះ​អាច​ទទួលទាន​ជ្រលក់​ជាមួយ​ទឹកត្រី​កោះកុង។

ភោជនីយដ្ឋាន ម្ហូប ស្ថិត​នៅ​ផ្ទះ​លេខ ១៣៧ ភូមិ​ត្រាំង ក្រុម​ ៣ ម្ដុំ​ផ្លូវ​តំបន់​អភិរក្ស​អង្គរ ខេត្ត​សៀមរាម៕

0

Comments

Please, login or register to post a comment