Search form

Login - Register | FOLLOW US ON

Logo of Phnom Penh Post newspaper Phnom Penh Post - ណែម​នឿង​ ម្ហូប​អត្តសញ្ញាណ​ប្រជាជន​ដង​ទន្លេមេគង្គ ពី​ហាង ល្បាប់

Content image - Phnom Penh Post
ណែម​នឿង​សម្រាប់​ញ៉ាំ​ខ្ចប់​ជាមួយ​បន្លែ និង​បាញ់ត្រាង​។ រូប សហការី

ណែម​នឿង​ ម្ហូប​អត្តសញ្ញាណ​ប្រជាជន​ដង​ទន្លេមេគង្គ ពី​ហាង ល្បាប់

ភ្នំពេញ: ដោយសារ​តែការ​ស្រឡាញ់​ម្ហូប​ខ្មែរ​រសជាតិ​តាម​ដង​ទន្លេមេគង្គ​បាន​ធ្វើ​ឲ្យ​លោក យឿន រិទ្ធ សម្រេច​បើក​ភោជនីយដ្ឋាន​បែប​ខ្មែរ​សម័យ​ដើម មាន​តាំង​បង្ហាញ​ឧបករណ៍​ចាស់ៗ​ជា​គ្រឿង​លម្អ រំលេច​ការតុប​តែង​សម័យ​ថ្មី​មើល​ទៅ​ស្អាត​ប្លែក​ភ្នែក។

ហាង ល្បាប់ មាន​បម្រើ​ម្ហូប​ខ្មែរ វៀតណាម និង​ថៃ។ ក្នុង​ចំណោម​នោះ​ម្ហូប​ដែល​ពេញនិយម​មាន​ដូចជា​ខ្យង​ខ្ចប់​សាច់​ជ្រូក ពង​ក្រួច​ខ្ចប់​សាច់ជ្រូក​ចិញ្ច្រាំ ជាដើម។ ក្រៅ​ពីនេះ​ភ្ញៀវ​ចូលចិត្ត​បំផុត​គឺ​អាម៉ុក​ខ្មែរ និង​ប្រហុក​ខ្ទិះ។ រីឯ​ម្ហូប​វៀតណាម​គឺ​ណែម​នឿង​តែម្ដង។

លោក យឿន រិទ្ធ ម្ចាស់​ហាង​ល្បាប់ បាន​និយាយ​ថា៖ «ខ្ញុំ​បង្កើត​ហាង​នេះ​ឡើង​គឺ​ចង់​ឲ្យ​អ្នករស់​នៅ​កណ្តាល​ក្រុង​ឲ្យគេ​បាន​ស្គាល់​ពី​ម្ហូប​នៃ​តំបន់​ទន្លេមេគង្គ និង​ពី​រចនាប័ទ្ម​នៅ​ក្នុង​ផ្ទះ​ខ្មែរ​បែប​បុរាណ​ប្លែក»។

លោក​បន្តថា៖ «ចាប់តាំង​ពី​បើក​មក​ខ្ញុំ​សង្កេត​ឃើញ​ថា ភ្ញៀវ​គាត់​ចាប់អារម្មណ៍​ខ្លាំង​គឺ​រចនាប័ទ្ម​របស់​ហាង​តែម្តង អ្នកខ្លះ​ទៅ​បាន​សរសើរ​ថា ហាង​នេះ​ផ្តោត​ទៅ​លើការ​តុបតែង​ខ្ពស់​ខ្លាំង និង​គាត់​បាន​រំឭក​អនុស្សាវរីយ៍​ពីមុនៗ​ដែល​គាត់​ធ្លាប់​មាន​កាល​ពី​ក្មេង»។

ចំពោះ​តម្លៃ​វិញ​សម្រាប់​អាហារ​ពេល​ថ្ងៃ ភ្ញៀវ​ម្នាក់​អាច​ចំណាយ​ប្រហែល​ជា​ពី ៦ ទៅ ៨ ដុល្លារ។

ភោជនីយដ្ឋាន ល្បាប់ ស្ថិត​នៅ​លើផ្លូវ​មុនី​វង្ស​ទល់មុខ​អគារ​កាណាឌីយ៉ា នៅ​ជាន់ទី ២ ពីលើ​ឱសថស្ថាន De la Gare និង​ចាប់​បើក​ពី​ម៉ោង ៧ ព្រឹក រហូតដល់​ម៉ោង ២ រសៀល និង​ម៉ោង ៥:៣០ ល្ងាច ដល់ ១០ យប់ ទូរស័ព្ទ​លេខ ០៩៩ ៣៣៥ ៦៦៦៕

0

Comments

Please, login or register to post a comment