.jpg)
ស្រាប៊ីដុង និងស្រាដបក្រឡុក។ ហុង មិនា
ភ្នំពេញ: ហាង The Street ដែលល្បីខ្លាំងនូវប្រភេទជើងមាន់ ឆ្អឹងជំនីរជ្រូកបំពង ស្រួយ ខ្ញោក កាលពី ២ ឆ្នាំមុននោះបច្ចុប្បន្ននេះខ្លួនក៏បានបន្ថែមនូវមុខម្ហូបថ្មីៗជាច្រើនដែលមានរសឆ្ងាញ់ប្លែកមាត់ ដូចជា ក្តាមទឹកកក មឹកក្រឡុក និងកំពឹសលោត ក្នុងកែវជាដើម។
លោក ជា ចាន់សីហា ជាម្ចាស់ហាង The Street បាននិយាយថា៖ «ដោយសារតែហាងរបស់យើងនៅបឹងកេងកងទទួលបានភ្ញៀវច្រើន តែកន្លែងអង្គុយមិនគ្រប់ ជាពិសេសនោះគឺមានភ្ញៀវមកពីទួលគោក គាត់មកញ៉ាំច្រើន ទើបខ្ញុំសម្រេចចិត្តពង្រីកសាខាបន្ថែមនៅម្តុំទួលគោកតែម្តង ដើម្បីងាយស្រួលដល់ពួកគាត់»។
សាខាថ្មីមានការ រចនាបែបធំទូលាយជាងមុន ដែលអាចឲ្យភ្ញៀវអង្គុយជាគ្រួសារ ជុំមិត្តភក្តិបានច្រើន។
ហាង The Street ទួលគោក នៅតែរក្សារសជាតិ និងម្ហូប ដូចនៅសាខាបឹងកេងកងដដែល គ្រាន់តែនៅទួលគោកមានភេសជ្ជៈថ្មីគួរឲ្យទាក់ទាញដូចជា ដោយការច្នៃប្រឌិតដោយយកប៊ីដុងជ័រមកច្រកស្រាក្រឡុកពណ៌ខៀវ និងពណ៌ផ្កាឈូក មើលទៅគួរឲ្យចង់ញ៉ាំ។
កំពីសក្រឡុក និងមាន់អាំងឆ្អឹងស្រួយ នៅហាង The Street។ហុង មិនា
ក្រៅពីអាហារគ្រឿងបំពង អាំងស្រួយខ្ញោក The Street ក៏ល្បីរសជាតិក្តាមទឹកកកត្រជាក់ៗ និងមឹកក្រឡុកហឹរហោះ ញ៉ាំឡើងជក់មាត់មិនចង់ឈប់។ រីឯម្ហូបកំពឹសលោតក្នុងកែវដែលក្រឡុកទាំងរស់ភ្លាមៗ ក៏ស័ក្ដិសមជាគ្រឿងក្លែមនឹងស្រាក្រឡុកផងដែរ។
តោះចង់សាកស្រាក្រឡុក ប៊ីដុងខៀវ (Blue Petrol) ទេ? មួយប៊ីដុងត្រឹមតែ ២៤ ០០០ រៀលប៉ុណ្ណោះ នៅ The Street សាខាទួលគោក ផ្ទះលេខ ០១ ផ្លូវលេខ ៣១៣ សង្កាត់បឹងកក់ ២ ខណ្ឌទួលគោក រាជធានីភ្នំពេញ (ផ្លូវក្រោយផ្សារមាន់អាំង ទល់មុខហាងភូមិស្ទូចបង្កង)។
សូមទាក់ទងតាមទូរស័ព្ទលេខ ០១៥ ២២ ៦៥ ៦៦៕
