Search form

Login - Register | FOLLOW US ON

Logo of Phnom Penh Post newspaper Phnom Penh Post - ពង​ទាកូន​ឆ្ងាញ់​លក់​ជាង ៣០​ឆ្នាំ​ មួយ​ខែ​ចំណូល​ជាង ១ ម៉ឺនដុល្លារ

Content image - Phnom Penh Post
អ្នកនាង សុភាព អ្នកលក់​ពងទាកូន​ឆ្ងាញ់​ផ្សារ​តាប៉ាង​ផ្ទះ​បាក់បែក​ បន្ដ​អាជីវកម្ម​ពីម្ដាយ​ដែល​បើកតាំង​ពីឆ្នាំ ១៩៨៧​​។ រូប សហការី

ពង​ទាកូន​ឆ្ងាញ់​លក់​ជាង ៣០​ឆ្នាំ​ មួយ​ខែ​ចំណូល​ជាង ១ ម៉ឺនដុល្លារ

ភ្នំពេញ: អ្នកណា​ខ្លះ​ចូលចិត្ត​ញ៉ាំ​ពងទា​កូន? បើ​និយាយ​ពីពង​ទាកូន កន្លែង​ណា​ក៏មាន​លក់​ដែរ។ ប៉ុន្តែ​នៅ​កន្លែង​លក់​ដែល​មាន​លក្ខណ​ពិសេស និង​មាន​រសជាតិ​ឆ្ងាញ់​ជាងគេ​អ្នក​ណាៗ​ជិះកាត់​ក៏មិន​ដែល​រំលង​ដែរ។

សិ្ថត​នៅ​ផ្សារ​តាប៉ាង​ក្រោម​ដំបូល​តង់​ពណ៌​ខៀវ ពីមុខ​ផ្ទះ​ចាស់​បាក់​បែក មនុស្ស​ជាច្រើន​កំពុង​អង្គុយ​ជុំគ្នា​ញ៉ាំ​ពង​ទាកូន រីឯ អ្នកខ្លះ​ទៀត​ឈរ​កុម្ម៉ង់​ខ្ចប់​ទៅ​ទទួល​ទាន​នៅ​ផ្ទះ។

អ្នកលក់​មុខស្រស់​អង្គុយ​ដួស​ពង​ទាកូន​ចេញ​ពីឆ្នាំង អ្នកនាង សុភាព និយាយ​ទាំង​ទឹកមុខ​អឹមអៀន​ថា៖ «ម្តាយ​របស់​នាង​លក់​ពង​ទាកូន​នៅ​ផ្សារ​តាប៉ាង​នេះ​យូរឆ្នាំ​មក​ហើយ​គឺ​តាំងពី ១៩៨៧ បាន​រយៈពេល ១០ ឆ្នាំ បន្ទាប់​មក​ខ្ញុំក៏​បន្ត​លក់​ពីគាត់​រហូត​មកដល់​បច្ចុប្បន្ន​នេះ​នៅ​ពីមុខ​ផ្ទះចាស់​បាក់បែក​នេះ​រហូត អ្នកណាៗ​ក៏ស្គាល់​ដែរ​គ្រាន់តែ​និយាយ​ថា​ពង​ទាកូន​ឆ្ងាញ់​ផ្សារ​តាប៉ាង​ផ្ទះ​បាក់បែក»។

ស្ត្រី​អ្នកលក់​រូបនេះ​រៀបរាប់​បន្ត​ថា៖ «ម្តាយ​ខ្ញុំគាត់​ជាស្ត្រី​មេម៉ាយ បាន​អាជីព​លក់​ពង​ទាកូន​នេះ​ហើយ​ជួយ​ចិញ្ចឹម​កូន​បីនាក់ កាល​ជំនាន់​នោះ​គាត់​លក់​មួយ​ថ្ងៃ​បាន ១០០ ទៅ ២០០ គ្រាប់ ហើយ​រហូត​មកដល់​បច្ចុប្បន្ន​នេះ​ខ្ញុំលក់​បាន ៧០០ គ្រាប់​ក្នុង ១ ថ្ងៃ ដោយ ១ គ្រាប់​យើង​លក់ ២០០០ រៀល»។

អ្នកនាង​ថា៖ «ចំពោះ​ពង​ទាកូន​គឺមាន​ម៉ូយ​គាត់​បោះ​ដល់ផ្ទះ ហើយ​យើង​រើសយក​តែពង​ល្អ​លេខ​មួយ អ៊ីចឹង​រសជាតិ​វាឆ្ងាញ់​ជាប់​មាត់​តែម្តង។ ម្យ៉ាង​ទៀត​គឺត្រង់​ទឹកត្រី​ផ្អែម​លាយ​ជាមួយ​នឹង​អំបិលម្រេច​ដែរ​ធ្វើឲ្យ​រសជាតិ​ពង​ទាកូន​ឆ្ងាញ់​ខុស​ពីកន្លែង​ដទៃ»។

Content image - Phnom Penh Post
កន្លែង​លក់​ពងទាកូន​ឆ្ងាញ់​ផ្សារ​តាប៉ាង​ផ្ទះ​បាក់បែក​។ រូប សហការី

ពង​ទាកូន​ឆ្ងាញ់​ផ្សារ​តាប៉ាង​ផ្ទះ​បាក់បែក​នេះ មាន​ភ្ញៀវ​គ្រប់​លំដាប់​ចូល​ញ៉ាំ ទាំង​ភ្ញៀវ​ថ្មើរជើង ជិះ​ម៉ូតូ រហូតដល់​ជិះឡាន​ទំនើប។ អ្នកខ្លះ​វិញ​ញ៉ាំ​តាំងពី​នៅ​រៀន​រហូតដល់​ចូល​ធ្វើការ​គឺ​នៅតែ​មក​ញុំា​ដដែល។

ភ្ញៀវ​ភាគច្រើន​និយាយថា​ពង​ទាកូន​នៅ​ទីនេះ ក្តៅ​ល្អ ជាពិសេស​ពេល​ញ៉ាំ​ជាមួយ​នឹង​អំបិលម្រេច​ទឹកត្រី​ផ្អែម​គឺ​រឹតតែ​ឆ្ងាញ់​ទ្វេដង។ ទឹកត្រី​នេះ​គឺជា​ចំណុច​ពិសេស​នៃ​កន្លែង​ពង​ទាកូន​ផ្សារ​តាប៉ាង​ផ្ទះ​បាក់បែក។

ពង​ទាកូន​ឆ្ងាញ់​ផ្សារ​តាប៉ាង​ផ្ទះ​បាក់បែក មាន​ទូរស័ព្ទ​លេខ ០៩៨ ៩៧៧ ០១៧៕

Content image - Phnom Penh Post
ពងទាកូន​ជ្រលក់​ទឹកម្រេច​ក្រូច​ឆ្មារ និង​ទឹកត្រី​ផ្អែម​។ រូប សហការី

0

Comments

Please, login or register to post a comment

ព័ត៌មានពាក់ព័ន្ធ