Search form

Login - Register | FOLLOW US ON

Logo of Phnom Penh Post newspaper Phnom Penh Post - ភ្លក្ស​សាច់អាំង​ខ្មែរ​ពី​ហាង ដុត Grill

Content image - Phnom Penh Post

ភ្លក្ស​សាច់អាំង​ខ្មែរ​ពី​ហាង ដុត Grill

ភ្នំពេញ: ស្ថិត​នៅ​តាម​មាត់ទន្លេ ហាង​សាច់អាំង ដុត Grill មើល​ទៅ​ដូចជា ភោជនីយដ្ឋាន​បែប​អឺរ៉ុប តែ​ពេល​យើង​ចូល​ដល់​ខាង​ក្នុង ក្លិន​សាច់អាំង​បែប​ខ្មែរ​បាន​ភាយ​ចេញ​មក​ធ្វើឲ្យ​យើង​កូរ​ពោះ​ចង់​ទទួលទាន​តែ​ម្ដង។

បុគ្គលិក​ហាង​បង្ហាញ​សាច់អាំង​បែប​ខ្មែរ​។
បុគ្គលិក​ហាង​បង្ហាញ​សាច់អាំង​បែប​ខ្មែរ​។ ឈឹម ស្រីនាង

នៅ​ហាង ដុត Grill ភ្ញៀវ​អាច​កុម្ម៉ង់​សាច់​ដូចជា សាច់គោ សាច់ជ្រូក កង្កែប មឹក សាច់មាន់ ត្រី ហើយ​បុគ្គលិក​ប្រចាំ​ហាង​នឹង​យក​សាច់​នោះ​ទៅ​ប្រឡាក់​គ្រឿង​បែប​ខ្មែរ រួច​អាំង មុន​នឹង​រៀបចំ​ដាក់​ចាន​ប្រកប​ដោយ​សោភណភាព​ទាន់​សម័យ​ថ្មី​តែ​ម្ដង។

ទាក់ទិន​នឹង​គំនិត​បង្កើត​ហាង​សាច់អាំង​រសជាតិ​ខ្មែរ​ស្ទីល​បរទេស​ម្ចាស់​ហាង​លោក អាឡិចសង់ឌើរ ស្កាយប៊ល (​Alexander Scheible) បាន​ឲ្យ​ដឹង​ថា៖ «​ខ្ញុំ​ចង់​ឲ្យ​ជនបរទេស​មក​ដើរ​លេង​នៅ​ទី​នេះ​បាន​ភ្លក្ស​សាច់អាំង​បែប​ខ្មែរ​ដែល​មាន​គ្រឿង​បុក​គល់ស្លឹកគ្រៃ និង​គ្រឿងទេស​ធ្វើ​ដោយ​ចុងភៅ​ខ្មែរ​ពិតៗ ជាមួយ​អនាម័យ​ខ្ពស់​ព្រមទាំង​ការ​តុបតែង​ចាន​ផង​ដែរ ជាពិសេស​គឺ​កន្លែង​ស្អាត និង​មាន​ផាសុកភាព​សម្រាប់​ញ៉ាំ​សាច់អាំង ហើយ​អ្នក​ញ៉ាំ​អាច​មើល​ចុងភៅ​ចម្អិន​ម្ហូប​បាន​ផ្ទាល់​ផង​ដែរ»។

សាច់អាំង​ក្នុង​មួយ​ចង្កាក់​តម្លៃ​ប្រមាណ​១១​ដុល្លារ ដោយ​មាន​សាច់​៦​ដុំ​អាច​ញ៉ាំ​បាន​គ្នា​ពីរ​នាក់​។ ក្នុង​នោះ​ក៏​មាន​អម​មក​ជាមួយ​នូវ​ពោត ក្រឡានដុត ដំឡូងជ្វា​បំពង ជ្រក់ និង​ទឹកជ្រលក់​រស់ជាតិ​ហឹរ។

ហាង ដុត Grill ស្ថិត​នៅ​ផ្ទះ​លេខ​៨ ផ្លូវ​១៤៤​កាច់ជ្រុង​ហាង​ឌីប្លូផាំឃីន មាត់ទន្លេ ទាក់ទង​ទូរស័ព្ទ​លេខ ០៩២ ៤២១ ៩៤៨៕

នៅក្នុង​ហាង​មាន​ការ​រចនា​ទាន់សម័យ សូម្បីតែ​សាច់អាំង​ចម្អិន​រសជាតិ​បែប​ខ្មែរ​ក៏​ត្រូវ​បាន​តុបតែង​រៀបចំ​បែប​ទំនើប​ដែរ​។
នៅក្នុង​ហាង​មាន​ការ​រចនា​ទាន់សម័យ សូម្បីតែ​សាច់អាំង​ចម្អិន​រសជាតិ​បែប​ខ្មែរ​ក៏​ត្រូវ​បាន​តុបតែង​រៀបចំ​បែប​ទំនើប​ដែរ​។ ឈឹម ស្រីនាង

0

Comments

Please, login or register to post a comment

ព័ត៌មានពាក់ព័ន្ធ