Search form

Login - Register | FOLLOW US ON

Logo of Phnom Penh Post newspaper Phnom Penh Post - មាន់ដុត​ទឹកដូង​ សំដិល​លើកញ្ច្រែង ​ពី​រមណីយដ្ឋាន​ធម្មជាតិ​ភ្នំ​ក្រោម

Content image - Phnom Penh Post
បុគ្គលិក​រីហ្សត​បង្ហាញ​មាន់ដុត​ទឹក​ដូង​ដ៏​ឆ្ងាញ់ពិសា​​។ ផា លីណា

មាន់ដុត​ទឹកដូង​ សំដិល​លើកញ្ច្រែង ​ពី​រមណីយដ្ឋាន​ធម្មជាតិ​ភ្នំ​ក្រោម

សៀមរាប: ក្រោម​ស្នាដៃ​ផ្សំ​គ្រឿង​រសជាតិ​ពិសេស​របស់​ចុងភៅ​ប្រចាំ​ផ្ទះបាយ រមណីយដ្ឋាន​ធម្មជាតិ​ភ្នំក្រោម មាន់​ដុត​ទឹកដូង ឬ​កូកា បាន​ក្លាយ​ជា​មុខម្ហូប​ដែល​ភ្ញៀវ​ពេញ​និយម​កុម្ម៉ង់​ជាច្រើន​បំផុត សម្រាប់​ឱកាស​ជួបជុំ​ក្រុម​គ្រួសារ ក្រុម​ការងារ មិត្ដភក្ដិ​និង​មនុស្ស​ជាទី​ស្រឡាញ់។

ស្ថិត​ក្នុងភូមិ​ក្រសាំង​រលើង​សង្កាត់​សៀមរាប ក្រុង​សៀមរាប (ផ្លូវ​ទៅកាន់​រមណីយដ្ឋាន​ភ្នំក្រោម) ក្យូស​លម្ហែ​ធំៗ​សង់​លើ​ផ្ទៃស្រះ​សម្បូរ​ឈូក​និងត្រី​សម្រាប់​ភ្ញៀវ​ស្ទូច​កម្សាន្ដ ភ្ញៀវ​ភាគច្រើន​មិន​បាច់​មើល​តារាង​មុខម្ហូប​ដោយ​គ្រាន់តែ​បន្លឺ​ឡើង​ថា «មាន់​ដុត​មួយ​សិន» ក្រៅពី​មុខម្ហូប​ត្រីឆ្ពឹន​ហៀរ​ពង ដែល​ស្ទូច​ពីស្រះ​ភ្លាម​ចម្អិន​ភ្លាម។

លោក ជីន ឌីណា ជាអ្នក​គ្រប់គ្រង​នៅ​រមណីយដ្ឋាន​ធម្មជាតិ​ភ្នំក្រោម បាន​ឲ្យ​ដឹងថា៖ «ក្រៅពី​គ្រឿងផ្សំ​រសជាតិ​ទូទៅ​ដូចជា​គ្រឿង​ប្រឡាក់ ព្រមទាំង​រំដេង​និង​ស្លឹក​ក្រូច​សើច​អី​ជាដើម មេ​ចុងភៅ​របស់​យើង​ក៏មាន​រូបមន្ដ​ពិសេស​ផ្ទាល់​ប្រចាំ​ហាង​ផងដែរ»។

Content image - Phnom Penh Post
អង្គុយ​ក្នុង​ក្យូស​ប្រក់ស្បូវ​លើ​ស្រះ​ឈូក ភ្ញៀវអាច​គយគន់​ទេសភាព​ពេល​រង់ចាំ​មាន់ដុត​។ ផា លីណា

លោក​បន្ដថា ខណៈពេល​ដែល​កុម្ម៉ង់​រួច​និង​រង់ចាំ​មុខម្ហូប​ចម្អិន​ប្រមាណ ៣០ នាទី​នេះ ភ្ញៀវ​អាច​ស្រូប​យក​ខ្យល់​អាកាស​បរិសុទ្ធ និង​ថតរូប​នៅឯ​សួនផ្កា​ដ៏ធំ​ល្វឹងល្វើយ។ មាន់ដុត​ទឹកដូង ឬកូកា ជ្រលក់​ទឹក​ប្រហុក ឬ​ទឹកត្រី​កោះកុង​ហឹរៗ ផ្ទាប់​អន្លក់ ស្វាយ​ខ្ចី ប៉េងប៉ោះ សណ្ដែក​កួរ និង​ត្រកួន មួយ​ឈុត​តម្លៃ ៥៦០០០ រៀល អាច​ញ៉ាំ​បានគ្នា​បីនាក់​ឆ្អែត​ល្មម។

ក្រៅពី​មាន់​ដុត​រមណីយដ្ឋាន​ធម្មជាតិ​ភ្នំ​ក្រោម មានមុខ​ម្ហូប​ពិសេស​មួយ​ចំនួន​ទៀត​រួមមាន​ត្រី​ដុត​អំបិល​សម្ល​ម្ជូរព្រៃ​ស្ងោរ​ជ្រក់ និង​ទាកាញ់។

យ៉ាងណា​មិញ លោក ខាំ សេរី​ចន្ថា​អនុប្រធាន​គ្រប់គ្រង​ផ្នែក​ប្រតិបត្ដិ​នៃ​សម្ព័ន្ធ​អេមប្រីសហ៊ោស្ពីត​ថលលីតធីគ្រុប​បាន​ឲ្យ​ដឹងថា៖ «ដោយ​សារតែ​បរិវេណ​រីសត​ធំ​ទូលាយ​ពេក​ដែល​អ្នកបម្រើ​ម្ហូប​ត្រូវ​ការដើរ​លើក​អាហារ​ឆ្ងាយ ខណៈ​ក្យូស​លម្ហែ​មាន​ចំនួន​ច្រើន យើងខ្ញុំ​សុំការ​យោគយល់​អធ្យាស្រ័យ​ចំពោះការ​យឺតយ៉ាវ​ដោយ​ប្រការ​ណាមួយ​ជាពិសេស​នៅ​ថ្ងៃ​បុណ្យទាន​ផ្សេង»៕

0

Comments

Please, login or register to post a comment