Search form

Login - Register | FOLLOW US ON

Logo of Phnom Penh Post newspaper Phnom Penh Post - មាន់​លាក់​ខ្លួន ហាង​កាហ្វេ​ដី ល្បី​រសជាតិ​ស្រួយ​ឆ្ងាញ់

Content image - Phnom Penh Post
មាន់​លាក់​ខ្លួន មួយ​ថាស​មាន​បន្លែ និង​ទឹកត្រី​ផ្អែម។ ហេង ជីវ័ន

មាន់​លាក់​ខ្លួន ហាង​កាហ្វេ​ដី ល្បី​រសជាតិ​ស្រួយ​ឆ្ងាញ់

ភ្នំពេញ: ភោជនីយដ្ឋាន «កាហ្វេដី» មាន​ជំនាញ​ក្នុងការ​ចម្អិន​មាន់​ច្នៃជា​ម្ហូប​ខុសៗ​គ្នា​បានជា​ច្រើន​មុខ ដូចជា​មាន់ដុត​ក្នុង​ពាង ដែលជា​ម្ហូប​មានការ​ពេញ​និយម​ខ្លាំង។

សប្តាហ៍​នេះ​កាហ្វេដី​បាន​បង្ហាញ​មុខម្ហូប​មួយ​ប្រភេទ​ទៀត​ដែល​ចម្អិន​ពីមាន់​ដដែល ក៏ប៉ុន្តែ​គឺ​ខុសគ្នា​បន្តិច​ត្រង់​ថា លើក​នេះ​ជា «មាន់មក​លាក់ខ្លួន​ក្នុង​បាយ​វិញម្តង»។

មាន់​លាក់​ខ្លួន ហាង​កាហ្វេ​ដី ល្បី​រសជាតិ​ស្រួយ​ឆ្ងាញ់

មាន់​លាក់ខ្លួន ស្តាប់​ទៅ​ចម្លែក​ម្យ៉ាង​គឺត្រង់​ថា ចុងភៅ​បាន​យក​មាន់​ដែល​ដុត​រួចមករុំខ្ចប់​ជាមួយ​បាយ​ដំណើប​ចំហុយ។ បាយ​ដំណើប​នេះ​ស្រួយ ល្អ។

ខណៈ​បាយ​ជ្រាយ​ពិបាក​ក្នុងការ​យកមក​រុំ​ជាមួយ​មាន់ និង​មិនសូវ​មាន​រសជាតិ​ឆ្ងាញ់។ បន្ទាប់ពី​ចុងភៅ​រុំមាន់​ជាមួយ បាយ​ដំណើប​រួច​គឺគេ​យកវា​មកបំពង​នៅក្នុង​ប្រេងឆា​ក្ដៅ​ខ្លាំង​ធ្វើឲ្យ​បាយ​ដំណើប​ស្រួយ​ឆ្ងាញ់​ទៀតផង។

បន្ទាប់ពី​បំពង​រួច គឺ​ទុក​វាឲ្យ​ស្រក់់​ប្រេង​អស់​ទើប​បំបែក​បាយ​ដំណើប​ចេញ​ជា​បំណែក​តូចៗ កាប់​មាន់​ជាដុំៗ​រៀប​ដាក់​ក្នុង​ថាស ដែល​មាន​អន្លក់​ដូច​សាលាដ សណ្តែក​បណ្តុះ ជីរ​គ្រប់មុខ ត្រសក់ ការ៉ុត ប៉េងប៉ោះ ទឹកត្រី​ផ្អែម និង​ចាយ៉។

ទោះបីជា​មានការ​លក់​ដាច់​ខ្លាំង​យ៉ាងណា​ក៏ដោយ​ចំពោះមុខ​ម្ហូប​ប្រភេទ​មាន់​នេះគឺ​នៅ​តែមាន​រសជាតិ​ឆ្ងាញ់ មិន​ប្រែប្រួល ឬ​ថយ​គុណភាព​នោះទេ។

ក្នុង​មួយថ្ងៃ ហាង​កាហ្វេដី​មានការ​កំណត់​ការលក់​មាន់​គឺ​ចន្លោះ​ពី ៦០ ទៅ ៨០ ក្បាល ដើម្បី​ចង់​ពង្រឹង​រសជាតិ និង​គុណភាព​របស់​វាឲ្យ​បានល្អ។

កាហ្វេដី​បាន​បន្ថែម​មុខម្ហូប​ថ្មី​មួយ​ទៀត​គឺ​ពពែ​អាំង និង​ស្រា​ក្រឡុក​ផ្លែឈើ។

កាហ្វេ​ដី ស្ថិត​នៅ​ផ្ទះ​លេខ ២០ ផ្លូវ ៥៩០ ទូរស័ព្ទ លេខ ០៧៧ ៨៥ ៩៩ ៥៩ និង ០១៥ ៨៥ ៩៩ ៥៩៕

0

Comments

Please, login or register to post a comment