សៀមរាប: អ្នកទេសចរ​ដែល​បាន​ធ្វើ​ដំណើរ​មក​ពី​កំពង់​ភ្លុក​ឬក៏​ប្រាសាទ​បឹង​មាលា អាច​ឆៀង​ចូល​ទៅ​សម្រាក​ញ៉ាំ​បាយ​ថ្ងៃ​ត្រង់​នៅ ភោជនីយដ្ឋាន The Hut ជា​កន្លែង​ស្រស់​ស្រូប​បែប​ធម្មជាតិ សម្បូរ​ដោយ​ដើម​ត្នោត​ធំៗ ផ្កា​ស្បៃ​រឿង និង​រុក្ខជាតិ​បៃតង ធ្វើ​ឲ្យ​យើង​មាន​អារម្មណ៍​ដូចជា​នៅ​ក្នុង​ព្រៃ។ ក្យូស​ប្រក់​ស្បូវ មាន​ដើម​ចេក ដើម​ត្នោត​ព័ទ្ធ​ជុំវិញ ផ្ដល់​នូវ​ខ្យល់​អាកាស​ត្រជាក់​ស្រស់​ស្រាយ​បែប​ធម្មជាតិ។