Search form

Login - Register | FOLLOW US ON

Logo of Phnom Penh Post newspaper Phnom Penh Post - សាច់អាំង​បែប​ជប៉ុន​ផ្ទាប់​នឹង​គីមឈី​ភាយ​ក្លិន​ឈ្ងុយ​ស្រក់​ទឹកមាត់

សាច់អាំង​បែប​ជប៉ុន​ផ្ទាប់​នឹង​គីមឈី​ភាយ​ក្លិន​ឈ្ងុយ​ស្រក់​ទឹកមាត់

130917_22b
ឈុតសាច់អាំងដ៏ឈ្ងុយឆ្ងាញ់របស់ហាង Japanese BBQ Kazu ឈឹម ស្រីនាង

ភ្នំពេញៈ តាម​បណ្តោយ​ផ្លូវ​លេខ​៣០២​សង្កាត់​បឹងកេងកង គេ​ឃើញ​ហាង​ជប៉ុន​មួយ​ដែល​មាន​តុបតែង​យ៉ាង​ទំនើប​និង​ទាន់សម័យ​ដោយ​មាន​បិទ​កញ្ចក់​ធំ​ៗ​ធ្វើ​ជា​ជញ្ជាំង​ដែល​យើង​អាច​មើល​ឃើញ​ភ្ញៀវ​នៅ​ខាង​ក្នុង​និង​ឆ្លុះ​ពី​ទិដ្ឋភាព​ហាង​យ៉ាង​ច្បាស់។

គ្រាន់តែ​ឈាន​ជើង​ចូល​ក្នុង​ហាង​Japanese​BBQ​Kazu​ភ្លាម​អ្នក​បម្រើ​ទាំង​ស្រីប្រុស​លើក​ដៃ​សំពះ​យ៉ាង​ទន់ភ្លន់​ហើយ​នំា​យើង​ទៅ​អង្គុយ។​បន្ទាប់មក​អ្នកបម្រើ​ភ្ញៀវ​បាន​យក​ម៉ឺនុយ​មក​បង្ហាញ​ពី​ប្រភេទ​មុខម្ហូប​នីមួយ​ៗ​ដែល​នៅ​ទី​នោះ​គឺ​ផ្តោត​សំខាន់​ទៅលើ​ប្រភេទ​សាច់អាំង​ជប៉ុន​ដែល​មាន​រសជាតិ​ដើម​ពិត​ៗ​និង​មុខម្ហូប​ប្រភេទ​ជា​បាយ​ឈុត​ផង​ដែរ។​អ្នកបម្រើ​បាន​ប្រាប់​ពី​ប្រភេទ​សាច់អាំង​ឆ្ងាញ់​ប្រចាំ​ហាង​ដែល​ជា​ឈុត​សម្រាប់​ញុំា​ម្នាក់​ៗ​ហើយ​ប្រសិន​ជា​ចង់​បន្ថែម​នូវ​សាច់​ឬ​បន្លែ​ផ្សេង​ទៀត​គឺ​យើង​អាច​កុម្ម៉ង់​បាន​យ៉ាង​ងាយស្រួល។

ខ្ញុំ​បាន​ជ្រើសរើស​ឈុត​សាច់អាំង​ជប៉ុន​មួយ​ឈុត។ ក្នុង​ឈុត​នោះ​ឃើញ​មាន​សាលាដ គីមឈី​ស្ពៃចង្គឹះ​ស្រុស​ទឹក​ស៊ុប​បាយ​ទឹកស៊ីអ៊ីវ​និង​សាច់ជ្រូក​ប្រឡាក់​គ្រឿង​បែប​ជប៉ុន​ដែល​ឃើញ​មាន​ល្ង​នៅក្នុង​នោះ​ផង​ដែរ។​ពេល​ចាប់​សាច់ជ្រូក​ដាក់​អាំង​នៅលើ​ចង្ក្រាន​ក្លិន​ឈ្ងុយ​ភាយ​ចេញ​មក​គឺ​ពិតជា​មិន​អាច​ទប់ទឹក​មាត់​បាន​ឡើយ​រសជាតិ​របស់​វា​ផ្អែម​ផុយ​ងាយស្រួល​ទំពា។​យើង​ញុំា​សាច់អាំង​នេះ​ផ្ទាប់​ជាមួយ​គីមឈី​និង​ដាក់​បាយ​បន្តិច​ចូល​ទៅ​គឺ​ពិតជា​មាន​រសជាតិ​ប្លែក​ហើយ​បើ​បន្ថែម​ស៊ុប​សារាយសមុទ្រ​ទៀត​គឺ​រឹត​តែ​ឆ្ងាញ់។​សាច់ជ្រូក​អាំង​មួយ​ឈុត​មាន​តម្លៃ​៦,៥​ដុល្លារ រីឯ​ឈុត​សាច់គោ​មាន​តម្លៃ​៩,៨​ដុល្លារ។

Japanese BBQ Kazu មាន​អាសយដ្ឋាន​ផ្ទះ​លេខ​២​A​ផ្លូវ​៣០២​សង្កាត់​បឹងកេងកង​១​ទាក់ទង​ទូរស័ព្ទ​លេខ​០២៣​២១១​៩៤៩៕

0

Comments

Please, login or register to post a comment