Search form

Login - Register | FOLLOW US ON

Logo of Phnom Penh Post newspaper Phnom Penh Post - អយស្ទ័រ​ចំហុយ​ខ្ទឹម​ស ស្លឹក​ខ្ទឹម ​ប៉ូវ​កម្លាំង​ពី​ភោជនីយដ្ឋាន Mr.Mab

Content image - Phnom Penh Post
អយស្ទ័រ​ចំហុយ​ខ្ទឹមស​ស្លឹក​ខ្ទឹម​ ​រសជាតិ​ឆ្ងាញ់ និង​ក្លិនឈ្ងុយ​។ ឈឹម ស្រីនាង

អយស្ទ័រ​ចំហុយ​ខ្ទឹម​ស ស្លឹក​ខ្ទឹម ​ប៉ូវ​កម្លាំង​ពី​ភោជនីយដ្ឋាន Mr.Mab

ភ្នំពេញ: អយស្ទ័យ​ដែល​គេច្រើន​ទទួលទាន​ស្រស់ជាមួយ​ទឹកត្រីបុក ស្លឹក​ក្ទម្ពទេស​ និង​ខ្ទឹម​បំពង ឬមួយ​ក៏​យក​វា​មក​អាំង​ជាដើម។

ដោយឡែក ​ភោជនីយដ្ឋាន​ Mr. Mab ដែលមាន​ឈ្មោះ​ល្បី​នៅ​ខេត្ដ​កែប​ថា​មាន​លក់​នូវ​អាហារ​គ្រឿង​សមុទ្រស្រស់ៗ និង​ឆ្ងាញ់ បានមក​បើក​នៅ​ទីក្រុ​ភ្នំពេញ​ដែលមាន​អាសយដ្ឋាន​នៅ​ផ្លូវ​លេខ ៣៦០ ហួស​ម្លប់​ដូង បាន​យកអយស្ទ័រ​ស្រស់ មក​ ចំហុយ​ខ្ទឹមស​ស្លឹកខ្ទឹម​វិញម្ដង ដើម្បី​ធ្វើឲ្យ​មាន​រស​ជាតិ​កាន់តែ​ប្លែក។

គ្រឿងផ្សំ​សម្រាប់​ធ្វើ​អយស្ទ័រខ្ទឹមស​មានដូចជា អយស្ទ័រស្រស់ ខ្ទឹមស ស្លឹក​ខ្ទឹម ជី​រវ៉ាន់ស៊ុយ ក្រូចឆ្មារ ម្សៅ​ស៊ុប ស្ករស និង​ប្រេងខ្យង។

របៀប​ធ្វើ មុនដំបូង​ចិញ្ច្រាំ​មើម​ខ្ទឹម​ឲ្យ​​ម៉ដ្ឋល្មម។ ស្លឹកខ្ទឹម​ហាន់​ជា​កង់​ខ្លីៗ។ បន្ទាប់មក​យើង​ដាក់ខ្លាញ់ចូល​ខ្ទះ​ឲ្យ​ក្តៅ​ល្មម ហើយ​ថែម​ទឹក​បន្តិច​ឲ្យ​ពុះបន្ទាប់​មកចាក់​មើម​ខ្ទឹម​ចិ​ញ្ច្រាំ ​និង​ស្លឹកខ្ទឹម​ចូល ដោយ​ថែម​គ្រឿង​ស៊ុប ស្ករស និង​ប្រេងខ្យង​រួច​ឆា​ចូលគ្នា ហើយ​ចាក់​ពីលើអយស្ទ័រ​ស្រស់ រួចសឹម​យកទៅ​ចំហុយប្រមាណ​មួយ​នាទី​ជាការ​ស្រេច។

ភោជនីយដ្ឋាន Mr. Mab មានមុខ​ម្ហូបឆ្ងាញ់ៗដទៃទៀត​ដូចជា ឆា​មីសួរបង្គា ខ្យង​ប៉ា​រ៉ា​លីង​អំបិលម្ទេស បុក​ល្ហុង​ក្បាល​ត្រីសាល់ម៉ុន​ចៀន ក្ដាម​ឆា​ម្រេច​ខ្ចី សម្លម្ជូរអង្រ្កង និង​បង្គា​អាំង​​ចង្ក្រា​ក់​ជាដើម ក្នុងតម្លៃ​ពី ៦ ទៅ ១០ ដុល្លារសម្រាប់ម្ហូបមួយ​មុខ​ៗ​។

ភោជនីយដ្ឋាន​ស្ថិតនៅ​ផ្ទះ​លេខ ១១០ ដេ ផ្លូវ ៣៦០ កាច់ជ្រុង​ផ្លូវ ១៦៣ រាជធានី​ភ្នំពេញ៕

0

Comments

Please, login or register to post a comment