ក្រុងតូក្យូ: ជប៉ុនមានភាពល្បីល្បាញខាងការថែរក្សាប្រពៃណី និងបច្ចេកវិទ្យាទំនើបចុងក្រោយបំផុត ហើយវត្ថុច្នៃប្រឌិតថ្មីនេះ វាល្បាយបញ្ចូលគ្នារវាងគំនិតបុរាណ និងសម័យ នោះគឺជា ស្បែកជើងស៊ក (ពាក់ក្នុងផ្ទះ) ដើរដោយស្វ័យប្រវត្ដិ។
ក្រុមហ៊ុន Nissan Motor Co. បានអភិវឌ្ឍប្រព័ន្ធមួយដែលស្បែកជើងស៊កនេះអាចស្វែងរកទីកន្លែងទុកដាក់ត្រឹមត្រូវនៅក្បែរមាត់ទ្វារនៃសណ្ឋាគារបុរាណមួយ ដោយហៅថា «ProPilot Park Ryokan» ដោយចេះរង់ចាំភ្ញៀវមកប្រើវាពេលពួកគេមកដល់ផ្ទះ។
ពេលភ្ញៀវឈប់ប្រើ (ពាក់) ស្បែកជើងក្នុងផ្ទះនេះ នឹងអូសខ្លួនទៅរកកន្លែងដើមវិញដោយស្វ័យប្រវត្ដិ។ វាត្រូវបានបំពាក់កង់តូចៗ ម៉ូទ័រមួយ និងសេនស័រអាចបរឆ្លងកាត់កម្រាលឈើដោយប្រើបច្ចេកវិទ្យាProPilot Park របស់ក្រុមហ៊ុន។
សណ្ឋាគារ ដែលស្ថិតនៅក្នុងរមណីយដ្ឋានក្រុងហាកូណេ ចម្ងាយប្រមាណ ៧៥ គីឡូម៉ែត្រភាគនិរតីក្រុងតូក្យូ កំពុងទទួលបានប្រជាប្រិយជាទីឋានគយគន់ភ្នំហ្វូជី ដ៏ល្បីល្បាញ។
យ៉ាងណាមិញ ស្បែកជើងបររកកន្លែងទុកដាក់ដោយស្វ័យប្រវត្ដិ ដែលនឹងត្រូវដាក់លក់ដោយក្រុមហ៊ុន Nissan នៅខែមីនា ខាងមុខ នឹងបង្ហាញវត្ដមាននៅតាមសណ្ឋាគារប្រណីត។
បន្ថែមពីបន្ទប់ស្នាក់ក្រាលកម្រាល តាតាមិ បែបប្រពៃណី បំពាក់កម្រាលពូកលើឥដ្ឋ និងតុប្រពៃណីទាបៗ ស្បែកជើងស្វ័យប្រវត្ដិ នឹងចេះរកទីតាំងទុកដាក់ដោយខ្លួនឯងថែមទៀត។
កាលពីឆ្នាំ ២០១៦ ក្រុមហ៊ុន បានណែនាំកៅអីការិយាល័យស្វ័យប្រវត្ដិដែលមិនចាំបាច់រៀបចំ៕HR