ក្រុងតូក្យូ: ស្មើនឹងនារីអាយុ ២៣ ឆ្នាំ ពិធីការិនីព័ត៌មានចុងក្រោយបំផុតរបស់ជប៉ុន នឹងធ្វើឲ្យឪពុកម្ដាយមានមោទនភាព បើនាងជាមនុស្សដូចគេឯង។
អេរីកា ជារ៉ូបូតប៉ុនមនុស្សពិតដែលរចនាឡើងស្មើនឹងនារីអាយុ ២៣ ឆ្នាំ នឹងក្លាយជាពិធីការិនីផ្សាយព័ត៌មានលើកញ្ចក់ទូរទស្សន៍នៅប្រទេសជប៉ុន។ នេះបើយោងតាមព្រឹត្តិបត្រ Wall Street Journal។
យោងតាមលោក ហ៊ីរ៉ូស៊ិ អ៊ីស៊ីហ្គូរុ ជានាយកមន្ទីរពិសោធខួរក្បាលរ៉ូបូត នៅសាកលវិទ្យាល័យ អូសាកា និងជាអ្នកផលិត អេរីកា រ៉ូបូត នឹងជំនួសអ្នកអានព័ត៌មានជាមនុស្សចាប់ពីខែមេសាខាងមុខនេះហើយ។ នេះបើយោងតាម Daily Mail។
អេរីកា ច្បាស់ជាស័ក្ដិសមចំពោះការងារអានព័ត៌មានមួយនេះ។ សម្រាប់ការចាប់ផ្ដើមដំបូង នាងអាចអានសំណេរព័ត៌មាន និងអង្គុយលើកៅអីមុខកាមេរ៉ាដូចជាអ្នកអានព័ត៌មានជាមនុស្សដែរ។
លោក អ៊ីស៊ីហ្គូ បាននិយាយថា អ្វីដែលធ្វើឲ្យ អេរីកា ខុសប្លែកពីរ៉ូបូតដទៃនោះគឺ អំណោយទានចំពោះរូបសម្បត្ដិ។
អេរីកា អាចធ្វើការសន្ទនាជាមួយមនុស្ស ដោយប្រើបច្ចេកវិទ្យានិយាយ ស្គាល់មុខ និងសេនស័រអ៊ីនហ្រ្វាអនុញ្ញាតឲ្យនាងអាចរំពៃមុខមនុស្សក្នុងបន្ទប់ទាំងមូល។ ខណៈនាងមិនទាន់អាចធ្វើចលនាដៃនៅឡើយ អេរីកា អាចលេងទឹកមុខ កម្រើកក ស្មា និងចង្កេះដោយឯករាជ្យ ដែលអនុញ្ញាតឲ្យនាងឆ្លើយឆ្លងជាមួយសម្ដីមនុស្ស។
មិនច្បាស់ថា រ៉ូបូតពិធីការិនី អេរីកា កាយវិញ្ញាណលើវេទិកាពូកែជាងមិត្ដភក្ដិនាងជារ៉ូបូតមកពីអារ៉ាប៊ីសាអ៊ូឌីត ឬយ៉ាងណានោះទេ៕HR