.jpg)
តុ Ferrari ផុសចេញពីតួ អាលុយមីញ៉ូម តម្លៃចាប់ពី ២ ម៉ឺនដុល្លារ។
ក្រុងញូវយ៉ក: វាពិតជាវត្ថុដ៏ទាក់ទាញសម្រាប់បន្ទប់ទទួលភ្ញៀវរបស់អ្នក។ ការស្វែងរកវត្ថុតុបតែងផ្ទៃក្នុងបែបក្លាស៊ិកដែលបង្ហាញពីក្ដីស្រឡាញ់ចំពោះរថយន្ដ ពិតជាមិនងាយស្រួលទេ។
ប៉ុន្ដែតុរចនាប័ទ្មរថយន្ដប្រណីតពី Discommon មានភាពទាក់ទាញខ្លាំងលើសពីសិល្បៈជាមួយនឹងតម្លៃចាប់ពី ២ ម៉ឺនដុល្លារឡើង។ វារាងថ្លៃបន្ដិចមែន សម្បត្ដិត្រឹមតុដ៏តូចប៉ុណ្ណឹង។
ការឌីហ្សាញតុកាហ្វេនេះយកលំនាំរាងតាមរថយន្ដដែលហាក់បីដូចជាផុសឡើងពីផ្ទៃទឹកដោយបង្ហាញយ៉ាងច្បាស់នូវម៉ូដែលកំពូលរថយន្ដ Terminator T-1000។
ចំពោះការផលិតតុនេះត្រូវការពេល ១០០ ម៉ោង ដោយ ៥០ ម៉ោងចំណាយលើគំរូមុនពេលចាក់ពណ៌។ សម្ភារគឺអាលុយមីញ៉ូម លំដាប់យានអវកាស ៦០៦១ កម្រាល ៤ អ៊ិញ (១០ សង់ទីម៉ែត្រ) មុនពេលដែលផលិតជាផលិតផលសម្រេច។
តម្លៃ ២ ម៉ឺនដុល្លារ គ្រាន់តែជាចំណុចចាប់ផ្ដើមប៉ុណ្ណោះ។ តម្លៃសរុបអាស្រ័យលើភាពស្មុគស្មាញនៃរថយន្ដដែលត្រូវប្រើរចនាប័ទ្មតាមការកុម្ម៉ង់របស់ភ្ញៀវ។ Discommon កំណត់ស៊េរីផលិតផលត្រឹម ១០ តុទេ។
បច្ចុប្បន្ន តុ Ford GT និងតុ Ferrari F40 ត្រូវបានបញ្ចប់រួចរាល់ហើយ។ អតិថិជនអាចកុម្ម៉ង់រចនាតុទៅតាមចិត្ដ រួមទាំង យន្ដហោះ ឬទូកផងដែរ។
Ferrari F40 មានរូបរាងគួរឲ្យទាក់ទាញ ជាពិសេស ពណ៌ប្រផេះងងឹតបែបក្លាស្ស៊ិក។ ច្បាស់ណាស់ កុំសង្ឃឹមថាកុម្ម៉ង់តុលំនាំរថយន្ដម៉ូដែល 1993 Chevy Impala បើគ្មានប្រាក់ ២ ម៉ឺនដុល្លារនោះ៕HR
