Search form

Login - Register | FOLLOW US ON

Logo of Phnom Penh Post newspaper Phnom Penh Post - បច្ចេកវិទ្យា​សាកថ្ម​ឥត​ខ្សែ​​ អាច​ធ្វើឲ្យ​អ្នក​និយម iPhone8 ខកចិត្ដ

Content image - Phnom Penh Post
រូបភាព​ទូរស័ព្ទ iPhone 8 ដែល​សាកថ្ម​ជាមួយ​ឧបករណ៍​ឥតខ្សែ Qi។

បច្ចេកវិទ្យា​សាកថ្ម​ឥត​ខ្សែ​​ អាច​ធ្វើឲ្យ​អ្នក​និយម iPhone8 ខកចិត្ដ

ក្រុងញូវយ៉ក: ទូរស័ព្ទ​ជំនាន់​ថ្មី​របស់ Apple អាច​ធ្វើឲ្យ​អ្នកនិយម iPhone ខកចិត្ដ ចំពោះ​បញ្ហា (hardware) ដែល​នាំឲ្យ​មានការ​ពន្យារ​ពេល​ចេញ​លក់​ម៉ូដែល​ថ្មី​ដែល​ហៅថា iPhone 8 នោះ។

ចំណុច​ទាក់ទាញ​ខ្លះៗ​របស់​ទូរស័ព្ទ​ជំនាន់​ថ្មី​គឺជា​បច្ចេកវិទ្យា​ថ្មី​ដែល​ក្រុមហ៊ុន Apple នឹង​ណែនាំ​ឲ្យប្រើ​ជាមួយ iOS។ iPhone 8 គួរតែ​មាន​អ្វីប្លែកៗ​ដើម្បី​ឲ្យ​វាមាន​សមត្ថភាព​លើស​ពីទូរស័ព្ទ​តម្លៃ​ថោកៗ និង​សែស្រឡាយ iPhone 7S និង iPhone 7S Plus ជាដើម។

បច្ចេកវិទ្យា​ថ្មីមួយ​ដែល​ក្រុមហ៊ុន​គួរតែ​ដាក់​បញ្ចូល​នោះ​គឺជា​ការ​សាកថ្ម​ដោយ​ឥត​ប្រើ​ខ្សែ។ លោក ធីម ឃុក អគ្គនាយក​ក្រុមហ៊ុន Apple និង​ក្រុម​ការងារ​របស់​លោក​ចង់​បន្ថែម​បច្ចេកវិទ្យា​នេះ​ក្នុង​ទូរស័ព្ទ​ជំនាន់​ទី ១០ តែ​មិនទាន់​អីផង មាន​បញ្ហា​ជាច្រើន​កើត​ឡើង។

តាមពិត iPhone 8 គ្រោង​នឹង​ដាក់​លក់​ស្របពេល​ជាមួយ​នឹង​ម៉ូដែល iPhone 7S និង iPhone 7S Plus ក្នុង​ខែ​កញ្ញា។ ប៉ុន្ដែ​អ្នក​រង់ចាំ iPhone 8 ទំនង​ជាត្រូវ​បន្ដ​រង់ចាំ ខណៈ​ម៉ូដែល​ថ្មីនេះ​ត្រូវ​បាន​ពន្យារពេល​លក់។

បើ Apple ប្រើ​បច្ចេកវិទ្យា​សាកថ្ម​ស្ដង់ដារ​ណាមួយ ដូចជា Qi អ៊ីចឹង iPhone 8 ក៏អាច​ប្រើ​ជាមួយ​ឆ្នាំង​សាក​ដទៃ​ទៀត​ដែល​មាន​លក់​លើ​ទីផ្សារ​ព្រោងព្រាត​ដែរ។

ការ​សាកថ្ម​ឥតខ្សែ​នឹងមិន​ត្រូវ​បញ្ជូល​ជាមួយ​ប្រអប់​ទូរស័ព្ទ ដោយ​ក្រុមហ៊ុន​នឹងដាក់​លក់​នៅ​ឆ្នាំ​ក្រោយ​ទៀត។ ប៉ុន្ដែ​ឆ្នាំង​សាក​វេទមន្ដ​នេះ​គួរតែ​ដាក់ឲ្យ​ប្រើ​ស្របពេល​ជាមួយ​កាសប្ល៊ូធូស​ឥតខ្សែ​លើ​ម៉ូដែល iPhone 7៕HR

0

Comments

Please, login or register to post a comment