Search form

Login - Register | FOLLOW US ON

Logo of Phnom Penh Post newspaper Phnom Penh Post - មួក​សុវត្ថិភាព​វៃ​ឆ្លាត​ចេះ​ប្រាប់​ម្ចាស់​កម្រិត​ល្បឿន និង​ជូន​ដំណឹង​សង្គ្រោះ​

Content image - Phnom Penh Post
មួកសុវត្ថិភាពមាន​បំពាក់​ភ្លើង​ហ្រ្វាំង ឆ្លាតវៃ មាន​តម្លៃ​ពី ១២៩ ដល់ ២៧០ ដុល្លារ​។

មួក​សុវត្ថិភាព​វៃ​ឆ្លាត​ចេះ​ប្រាប់​ម្ចាស់​កម្រិត​ល្បឿន និង​ជូន​ដំណឹង​សង្គ្រោះ​

ក្រុងញូវយ៉ក: ហ្រ្វាំង​បន្ថែម​ដែល​បញ្ចេញ​ពន្លឺ​លើ​មួក​សុវត្ថិភាព​ទំនង​ជាវិធី​ល្អ​ក្នុងការ​ជំរុញ​បង្កើន​សុខ​សុវត្ថិភាព​សម្រាប់​អ្នកជិះ​ម៉ូតូ​ ដោយ​វាជះ​ពន្លឺ​ផ្ទាល់​ទៅ​កាន់​អ្នកប្រើ​ប្រាស់​លើ​ដង​ផ្លូវ​ដទៃ​ទៀត​ និង​អាច​ក្រើន​រំឭក​ពួកគេ​ឲ្យ​បន្ថយ​ល្បឿន​ ទោះបី​ជាមិន​ទាន់​ជាន់​ហ្រ្វាំង​ក៏ដោយ។

Cosmo Connected បាន​បោះ​ជំហាន​មួយ​ទៅមុខ​ដោយ​អរគុណ​ដល់​សមត្ថភាព​ដឹង​ពី​ហេតុការណ៍​គ្រោះ​ថ្នាក់​អាច​កើត​ឡើង​ចំពោះ​មុខ​ និង​សុំ​រក​ជំនួយ​បន្ទាន់​។

ពេល​មុខងារ​ភ្លើង ​ហ្រ្វាំង​ត្រូវ​បាន​ភ្ជាប់ ឈុត​មួក Cosmo Connected បំពាក់​សេនស័រ​ឧបករណ៍​ស្ទង់​ល្បឿន​ដើម្បី​ឲ្យ​បាន​ដឹង​ពីការ​បន្ថយ​ល្បឿន​ មិនថា​ការ​ជាន់​ ហ្រ្វាំង​ សាង​លេខ ឬ​បន្ថយ​ហ្គែរ​នោះ​ទេ​។ ទោះ​ស្ថិត​ក្នុង​ករណី​ណា​ក៏ដោយ ក៏​ពន្លឺ​ភ្លើង​ LED ១២ គ្រាប់​ជះ​ពន្លឺ​ឡើង​ដើម្បី​ផ្ដល់​សញ្ញា​ចរាចរណ៍​ថា យាន​យន្ដ​នៅ​ខាង​មុខ​កំពុង​បន្ថយ​ល្បឿន​ហើយ​។

វាបំពាក់​ថ្ម 900 mAh Li-Ion ​អាច​សាក​ភ្លើង​បាន​ ដែល​គេ​ជឿ​ថា វា​អាច​ដំណើរការ​បាន​ ៨ ម៉ោង​ ទោះ​ប្រើ​បន្ដបន្ទាប់ ឬ​ជះ​ពន្លឺ​ភ្លើង​អាសន្ន​ដែល​អាច​ប្រើ​បាន​ ៣ ម៉ោង​។

បន្ថែម​លើ​ជំនួយ​នៃការ​វាស់​ស្ទង់​ល្បឿន​ក្នុងការ​កំណត់​អត្រា​គ្រោះ​ថ្នាក់​ចំពោះ​មុខ​ ឧបករណ៍​នេះ​ប្រើ​ភ្ជាប់​ជាមួយ​កម្មវិធី​ទូរស័ព្ទ​តាមរយៈ Bluetooth Low Energy រួច​ផ្ញើ​សញ្ញា​អាសន្ន​ទៅ​មនុស្ស​ជិត​ដិត ៣ នាក់​។

វាមាន​ពណ៌​ស និង​ខ្មៅ ៣ ប្រភេទ (រលោង រលោង​​លាយ​ស្រអាប់ និង​ពណ៌​ស្រអាប់) ​តម្លៃ ១២៩ ដុល្លារ​ ខណៈ​ពណ៌​ប្រាក់​ថ្លៃ​ ១៦២ ដុល្លារ និង​ម៉ូដែល​កាបោន​ក្រែប​បច្ចេកវិទ្យា​ចុងក្រោយ​ថ្លៃ ២៧០ ដុល្លារ​៕HR

0

Comments

Please, login or register to post a comment