Search form

Login - Register | FOLLOW US ON

Logo of Phnom Penh Post newspaper Phnom Penh Post - ម៉ូតូ​យ៉ាម៉ាហា ​អនាគតកាល​បំពាក់​ខួរ​ក្បាល​ ​ស្គាល់​ម្ចាស់​ដូច​សត្វ​ជំនិះ

Content image - Phnom Penh Post
ម៉ូតូ Motoroid របស់​យ៉ាម៉ាហា ដែល​បំពាក់​ខួរក្បាល​អាច​ស្គាល់​ម្ចាស់​។ AFP

ម៉ូតូ​យ៉ាម៉ាហា ​អនាគតកាល​បំពាក់​ខួរ​ក្បាល​ ​ស្គាល់​ម្ចាស់​ដូច​សត្វ​ជំនិះ

ក្រុងតូក្យូ: ក្រុមហ៊ុន​យ៉ាម៉ាហា បាន​បង្ហាញ​ម៉ូតូ Motoroid ជា​ម៉ូតូ​នា​អនាគតកាល​ថ្មី​សន្លាង ដែល​អាច​ប្រាស្រ័យ​ទាក់ទង​ជាមួយ​អ្នកជិះ​ដោយ​ប្រើ​បច្ចេកវិទ្យា​ខួរក្បាល​សិប្បនិម្មិត​ដ៏​វៃឆ្លាត។

ដោយ​បង្ហាញ​នៅ​ពិព័រណ៍​យានយន្ដ​ក្រុង​តូក្យូ ម៉ូតូ​ថ្មី​នេះ​បំពាក់​នូវ​បច្ចេកវិទ្យា AI ដែល​ក្រុមហ៊ុន​បាន​ឲ្យដឹង​ថា វា​អាច​ផ្ដល់​បទពិសោធ Kando (កានដុ) ដល់​អ្នកជិះ ជា​ទស្សនវិស័យ​ជប៉ុន ចំពោះ​ផ្លូវ​អារម្មណ៍​ដ៏​ជ្រាល​ជ្រៅ និង​ការ​ពេញចិត្ដ​ពេញ​ថ្លើម។

ដូច​បាន​ឃើញ​រូប​ស្រាប់ ម៉ូតូ Motoroid ថាមពល​អគ្គិសនី ប្រើ​អាគុយ​ដែល​មាន​លក្ខណៈ​ស្រដៀង​នឹង​ហឹប​បញ្ឈរ​ស្ថិត​នៅ​ក្រោម​កែប ដែល​ត្រូវ​បាន​រចនា​ម៉ូដ​ស្ទើរ​តែ​មើល​មិន​ស្គាល់។

យ៉ាម៉ាហា បាន​បង្ហាញ​ម៉ូតូ​អនាគតកាល ២០ គ្រឿង​ខុសៗ​គ្នា ដោយ​មួយ​ប្រភេទ​ឈ្មោះ Motoroid ក្នុង​ពិព័រណ៍​យានយន្ដ​ក្រុង​តូក្យូ នា​ចុង​ខែ​តុលា។

Motoroid ស្គាល់​ម្ចាស់ និង​អាច​បើកបរ​ដោយ​ស្វ័យប្រវត្ដិ (ក្នុង​ល្បឿន​យឺត) តាម​តម្រូវការ។

ថាមពល​កម្លាំង​ម៉ាស៊ីន​របស់​ម៉ូតូ​មាន​ម៉ាស៊ីន​ម៉ូទ័រ​នៅ​កង់​ក្រោយ រួម​នឹង​អាគុយ​មួយ។ ដើម្បី​បង្កើត​បទពិសោធ​ថ្មី «កានដុ» ម៉ូតូ​អនាគតកាល​ទទួល​បាន​ជោគជ័យ​ការ​ធ្វើ​តេស្ដ​សាកល្បង បាន​បំពាក់​បច្ចេកវិទ្យា​ខួរក្បាល​វៃឆ្លាត ដែល​អាច​អនុញ្ញាត​ឲ្យ​អ្នកបើកបរ​សហការ​ជាមួយ​គ្រឿង​ម៉ាស៊ីន​បាន​យ៉ាង​ល្អ។

ទស្សនវិស័យ នៃ​ការអភិវឌ្ឍ Motoroid គឺជា «គំរូ​សេរី» ហើយ​វា​អាច​ស្គាល់​ម្ចាស់​របស់​វា និង​ប្រាស្រ័យ​ទាក់ទង​គ្នា មិន​ខុស​ពី​សត្វ​មាន​ជីវិត​ទេ។

ការសម្រេច​ឈាន​ដល់ការ​អភិវឌ្ឍ​នេះ ក្រុមហ៊ុន​យ៉ាម៉ាហា មាន​បំណង​យក​បច្ចេកវិទ្យា​នេះ រំលេច​ជា​បទពិសោធ កានដុ ជា​អារម្មណ៍​ពេញចិត្ដ​ពេញ​ថ្លើម និង​រំភើប​រីករាយ​របស់​បុគ្គល​ម្នាក់​ដែល​ជួប​ប្រទះ​អ្វី​គួរ​ឲ្យ​ភ្ញាក់ផ្អើល៕HR

0

Comments

Please, login or register to post a comment