Search form

Login - Register | FOLLOW US ON

Logo of Phnom Penh Post newspaper Phnom Penh Post - រថយន្ត​ល្បឿន​កាំជ្រួច ​គ្រោង​បំបែក​ឯតទគ្គ​កម្ម ១៦០០Km/h

Content image - Phnom Penh Post
រថយន្ដ​កាំជ្រួច​ដែល​អាច​បង្កើន​ល្បឿន​រហូត​ជាង ១ ពាន់​គីឡូម៉ែត្រ​ក្នុង ១ ម៉ោង។

រថយន្ត​ល្បឿន​កាំជ្រួច ​គ្រោង​បំបែក​ឯតទគ្គ​កម្ម ១៦០០Km/h

ក្រុងឡុងដ៍: រថយន្ត​ដ៏លឿន​បំផុត​ក្នុង​ប្រវត្តិសាស្ត្រ​មនុស្ស នឹង​ត្រូវ​ដាក់​ឲ្យធ្វើ​តេស្ត​សាកល្បង​សមត្ថភាព​នៅ​ថ្ងៃទី ២៦ ខែ​តុលា ខាងមុខ​នេះ។

ក្រុមហ៊ុន Bloodhound Supersonic Car (SSC) ដែល​បាន​លះបង់​ពេល​វេលា​ជាង ១០ ឆ្នាំ​ក្នុង​ការច្នៃ​ផលិត​រថយន្ត​កាំជ្រួច​នេះ កំពុងតែ​ព្យាយាម​បំបែក​ឯតទគ្គ​កម្ម​រថយន្ត​ល្បឿន​កាំជ្រួច ជាមួយ​ថាមពល​ម៉ាស៊ីន​ប្រភេទ​យន្តហោះ​ចំបាំង Eurofighter Typhoon។

គេ​រំពឹង​ថា ម៉ាស៊ីន​នេះ​នឹង​អាច​ធ្វើ​ឲ្យវា​បង្កើន​ល្បឿន​ដល់ ១៦០០ គីឡូម៉ែត្រ​ក្នុង ១ ម៉ោង​ឯណោះ។ សម្រាប់​ការសាកល្បង​ដំណើរការ​រថយន្ត​កាំជ្រួច​នឹង​ត្រូវ​កំណត់​ជា ៣ ដំណាក់កាល​គឺបរ​ក្នុង​ល្បឿន ៣៥៤ គីឡូម៉ែត្រ​ក្នុង ១ ម៉ោង បន្ទាប់​មក ឡើង​ដល់ ១២៨៧ គីឡូម៉ែត្រ​ក្នុង ១ ម៉ោង និង​ចុងក្រោយ​គឺ ១៦០០ គីឡូម៉ែត្រ​ក្នុង ១ ម៉ោង​ជា​គោលដៅ​នៃក្ដី​ប្រាថ្នា។

សម្រាប់​កំណត់ត្រា​រថយន្ត​ល្បឿន​កាំជ្រួច​បច្ចុប្បន្ន​គឺ ១២២៧ គីឡូម៉ែត្រ​ក្នុង ១ ម៉ោង ដែល​បង្កើត​ដោយ​ក្រុម​ការងារ Thrust SSC របស់​ចក្រភព​អង់គ្លេស និង​បញ្ជា​ដោយ​លោក អេនឌី ហ្រ្គីន។

រថយន្ត​នេះ ត្រូវបាន​បង្កើត​ឡើង​ដោយ​ក្រុម​រថយន្ត​ប្រណាំង Formula 1 សហការ​ជាមួយ​អ្នកជំនាញ​យាន​អវកាស ព្រមទាំង​ទទួល​ជំនួយ​ពីវិស្វករ និង​អ្នកបច្ចេកទេស​ផ្នែក​បច្ចេកវិទ្យា​អេឡិចត្រូនិក​យោធា។

រថយន្ត​ល្បឿន​កាំជ្រួច​មុននោះ​បំពាក់​ម៉ាស៊ីន​បីផ្គួប​គ្នា​គឺ Rolls-Royce EJ200, សំណុំ​ម៉ាស៊ីន​កាំជ្រួច​កូនកាត់ Nammo hybrid rockets និង​ម៉ាស៊ីន 550bhp Supercharged Jaguar V8 ដែល​អាច​ឲ្យវា​បរ​លើ​គោក​យ៉ាង​លឿន​បំផុត​ក្នុង​លោក៕

0

Comments

Please, login or register to post a comment