Search form

Login - Register | FOLLOW US ON

Logo of Phnom Penh Post newspaper Phnom Penh Post - រថយន្ត​ស្ព័រ​បារាំង A110 តម្លៃ $៦៨ ៦០០ មាន​តែ ១៩៥៥ គ្រឿង

Content image - Phnom Penh Post
រថយន្ដ Alpine A110 បង្ហាញ​វត្ដមាន​នៅ​ក្រុង​ហ្សឺណែវ ប្រទេស​ស្វ៊ីស កាលពី​ថ្មីៗ​នេះ​។ AFP

រថយន្ត​ស្ព័រ​បារាំង A110 តម្លៃ $៦៨ ៦០០ មាន​តែ ១៩៥៥ គ្រឿង

ក្រុងឡុងដ៍: ក្រោយ​ពី​ស្វាគមន៍​កំណើត​ទីពីរ​របស់​រថយន្ដ នៅ​ពិព័រណ៍​រថយន្ដ​ទីក្រុង​ហ្សឺណែវ ក្នុង​ខែ​មីនា ឆ្នាំ​នេះ ក្រុមហ៊ុន​បាន​ត្រៀម​បង្ហាញ​វត្ដមាន​ម៉ូដែល​ថ្មី A110 Premiere Edition ក្នុង​ព្រឹត្ដិការណ៍ the Salon Prive នៅ​អគារ​ប្រវត្ដិសាស្ដ្រ Blenheim Palace។

ក្រោយ​ពិព័រណ៍​ចាប់ពី​ថ្ងៃទី ៣១ ខែ​សីហា ដល់​ថ្ងៃ​ទី ២ ខែ​កញ្ញា​ខាងមុខ រថយន្ដ នឹង​ត្រូវបាន​បញ្ជូន​ទៅ​កាន់​ទីផ្សារ​ទូទាំង តំបន់​អឺរ៉ុប​ដោយ​មិន​លើស​ពី ១៩៥៥ គ្រឿង នៅ​ឆ្នាំ​ក្រោយ។

គំរូ​ម៉ូដែល​ទាំង ១៩៥៥ គ្រឿង​អាច​នឹង​មាន​តម្លៃ​ចាប់ពី ៦៨៦០០ ដុល្លារ​នៅ​ប្រទេស​កំណើត​បារាំង និង​ម៉ូដែល​ពិសេស​នេះ​ត្រូវបាន​បំពាក់​បរិក្ខារ​ប្រណីតៗ ដូចជា កៅអី Sabelt ស្រោប​ស្បែក កង់​ទំហំ ១៨ អ៊ិញ និង​ប្រព័ន្ធ​ស្ដេរ៉េអូ Focal។

យ៉ាងណា​មិញ ក៏មាន​ម៉ូដែល A110 ស្ដង់ដារ រចនាប័ទ្ម​បុរាណ តែ​ទាន់​សម័យ​និយម​ដោយ​ផលិត​ឡើង​ពី​បច្ចេកវិទ្យា​ទម្ងន់​ស្រាល។

ការប្រើប្រាស់​តួ​អាលុយ​មីញ៉ូម រថយន្ដ​ស្ព័រធុន​តូច​នេះ នឹង​មាន​ទម្ងន់​កាន់តែ​ស្រាល គឺ ១០៨០ គីឡូក្រាម ដោយ​ក្រុមហ៊ុន​ផលិត​រថយន្ដ​បារាំង​ផ្ដោត​សំខាន់​លើ​សមត្ថភាព​នៃការ​បើកបរ និង​លំនឹង ដោយសារ​កម្ពស់​ពីដី​ដ៏ទាប និងការ​បែងចែក​ទម្ងន់​កង់​មុខ និង​ក្រោយ ៤៤ ទល់នឹង ៥៦។

Content image - Phnom Penh Post
ការ​រចនា​តួ​ខាង​ក្រោយ​រថយន្ដ Alpine A110។ AFP

ចំពោះ​សមត្ថភាព​ថាមពល​ល្បឿន Alpine A110 បំពាក់​ម៉ាស៊ីន​ទែរបូ V4 ចំណុះ ១,៨ លីត្រ កម្លាំង ២៥២ សេះ និង​ថាមពល​បង្វិល ២៣៦ ផោនហ្វីត (៣២០ ញូវតុនម៉ែត្រ) ដោយ​ប្រើ​ប្រអប់​លេខ​ពីរ​ប្រភេទ ៧ ល្បឿន​ដើម្បី​បញ្ជូន​ថាមពល​ទៅ​កាន់​ប៉ុង​ក្រោយ។ វា​មាន​សម្ទុះ​ល្បឿន​ពី ០ ទៅ ១០០ គីឡូម៉ែត្រ​ក្នុង​មួយ​ម៉ោង​នៅ​ថិរវេលា ៤,៥ វិនាទី ហើយ​វា​ក៏មាន​ល្បឿន​កំពូល ២៥០ គីឡូម៉ែត្រ​ក្នុង​មួយ​ម៉ោង​ផងដែរ។

ការដឹកជញ្ជូន​ដំបូង​របស់​ម៉ូដែល Alpine A110 នៅ​ចក្រភព​អង់គ្លេស នឹង​ធ្វើ​ឡើង​នៅ​ក្នុង​ឆ្នាំ ២០១៨។ វាជា​ព្រឹត្ដិការណ៍​វិល​វិញ​ចំពោះ​យីហោ Alpine ហើយ​ទីបំផុត​វា​កើត​ចេញ​ជា​រូបរាង​ក្រោយ​ការអភិវឌ្ឍ​រយៈពេល ៣ ឆ្នាំ។

ជា​អកុសល ទាំង ១៩៩៥ គ្រឿង​របស់​ម៉ូដែល A110 Premiere Edition នឹង​គ្មាន​វត្ដមាន​នៅ​ទឹកដី​អាមេរិក​ឡើយ តែ​វាអាច​មាន​វិធី​ស្មុគស្មាញ​បន្តិច​ដែល​អាច​នាំយក​ម៉ូដែល​ពិសេស​ទាំងនេះ​មកកាន់​ដី​អាមេរិក។

ការ​នាំចូល​រថយន្ដ​មក​លើ​ទីផ្សារ​បែប​នេះ មានន័យ​ថា អតិថិជន នឹងត្រូវ​ចំណាយ​ប្រាក់​ច្រើន​សន្ធឹក​ទិញ Alpine ណាមួយ។

បើកសម្ពោធ​ក្នុង​ឆ្នាំ ១៩៦១ A110 គឺជា​រថយន្ដ​ស្ព័រ​ដែល​ផលិត​ឡើង​ដោយ​ក្រុមហ៊ុន​បារាំង Alpine ពី​ឆ្នាំ ១៩៦១ ដល់​ឆ្នាំ ១៩៧៧៕HR

0

Comments

Please, login or register to post a comment