ក្រុងតូក្យូ: ខណៈជប៉ុនប្រារឰពិធីបុណ្យអបអរឆ្នាំថ្មីឆ្នាំច ក្រុមហ៊ុនអេឡិចត្រូនិកយក្ស Sony កាលពីថ្ងៃព្រហស្បតិ៍ បានបង្ហាញសម្លាញ់យន្ដជើង ៤ ថ្មីសន្លាង បំពាក់បច្ចេកវិទ្យាវៃឆ្លាត និងប្រព័ន្ធអ៊ីនធឺណិតថែមទៀត។
សុនខពណ៌សប៉ុនឆ្កែពិត «aibo» ចេះងក់ក្បាល និងបក់កន្ទុយ ពេលក្រោកពីដំណេកពេលវាត្រូវបានយកចេញពីប្រអប់រាងសំបុកកូននាងនៅក្នុងពិធីខួបកំណើតមួយឯក្រុងតូក្យូ។
ឆ្កែយន្ដប្រវែង ៣ តឹក មានទាំងស្លឹកត្រចៀក និងកែវភ្នែកធំៗ ផលិតឡើងពីបច្ចេកវិទ្យាទំនើបចុងក្រោយ អាចបង្ហាញពីអារម្មណ៍ច្រើនសណ្ឋាន។ Aibo ក៏បំពាក់សេនស័រជាច្រើន កាមេរ៉ា និងមីក្រូហ្វូន ព្រមទាំងបង្កើនលទ្ធភាពប្រព័ន្ធអ៊ីនធឺណិត។
ម្ចាស់អាចលេងជាមួយសម្លាក់យន្ដតាមការបញ្ជាពីចម្ងាយលើស្មាតហ្វូន និងថែមទាំងអាចបង្រៀនតិចនិកពីការិយាល័យនូវជំនាញប្រមាញ់ដើម្បីសម្ដែងឲ្យម្ចាស់បានឃើញពេលវិលត្រឡប់មកផ្ទះវិញ។
វាបង្កើតទំនាក់ទំនងដោយការប្រាស្រ័យទាក់ទងជាមួយមនុស្ស ហើយពេលវាមិនត្រូវបានមនុស្សបញ្ជាលេងញឹកញាប់ វានឹងបែរទៅរកអ្នកមានបំណងចង់នែបនិត្យវិញ។
អ្វីដែលឆ្កែយន្ដបានរៀនត្រូវបានរក្សាទុកក្នុងកម្មវិធី Cloud ដូច្នេះ អាកប្បកិរិយារបស់វាអាចត្រូវបានរក្សាទុកទោះអង់ចងចាំខូចខាតក៏ដោយ។ រូបភាពដែលវាថតក៏អាចប្រើសម្រាប់ចែករំលែកបន្ដបានដែរ។
ប៉ុន្ដែឆ្កែយន្ដ aibo ដ៏ទំនើបនេះក៏មិនថោកដែរ គឺវាមានតម្លៃ ៣០០០ ដុល្លារជាមួយសេវាកម្មមួយកញ្ចប់រយៈពេល ៣ ឆ្នាំ៕