«​ស្ពាន​ត្សឹបាសា​» ជា​ជម្រើស​ភាសា​សម្រាប់​ឈ្មោះ​ជា​ផ្លូវការ​នៃ​រចនាសម្ព័ន្ធ​សំណង់​ដ៏ធំ តំណាង​ឲ្យ​មិត្តភាព​រវាង​កម្ពុជា និង​ជប៉ុន​។ «​ស្ពាន​» ជា​ភាសា​ខ្មែរ រីឯ​ភាសា​ជប៉ុន វិញ​គេ​ហៅថា «​ត្សឹបាសា​» ដែល​មាន​ន័យ​ថា «​ស្លាប​»​។ ស្ពាន​ដែល​គេ​រង់ចាំ ជាយូរ​មក​ហើយ​នៅ​ទីបំផុត​ត្រូវ បាន​សម្ពោធ​ឲ្យ​​ប្រើប្រាស់​​ជា​ផ្លូវការ​នៅ​ថ្ងៃ​នេះ​។ រូប​សណ្ឋាន ឆើតឆាយ​​របស់​ស្ពាន ធ្វើឲ្យ យើង​នឹក​ឃើញ​ដល់​បក្សី​មួយ​គូ ដែល​បើក​ស្លាប​ដ៏ធំ​របស់​វា ហាក់បី​ដូចជា​វា​កំពុង​តែ​ហោះហើរ​នៅលើ​មេឃ​។