លោក មឿន ញាណ ការីនិពន្ធរបាយការណ៍ពិសេសនៃកាសែតភ្នំពេញ ប៉ុស្តិ៍ បានជួបជាមួយអ្នកស្រី នូវ សំបូរ នាយកគ្រប់គ្រងទូទៅ របស់ភោជនីយដ្ឋាន Khéma La Poste ដើម្បីពិភាក្សាអំពីផ្នត់គំនិត និងសេវាកម្មមួយចំនួន។
ក្រុមហ៊ុន Thalias Hospitality Group បានបើកភោជនីយដ្ឋានប្រណីតៗជាច្រើនរួមទាំង Topaz និងភោជនីយដ្ឋានម្លិះផងដែរ។ តើភោជនីយដ្ឋានខេម៉ា (Khéma ) ស្ថិតក្នុងប្រភេទចំណាត់ថ្នាក់មួយណាទៅ?
Topaz និងម្លិះ គឺជាភោជនីយដ្ឋានលំដាប់កំពូលក្នុងប្រទេសកម្ពុជា។ សម្រាប់ Khéma La Poste (ខេមាគឺ ខុសពីគេ។ យើងផ្តោតសំខាន់ទៅលើអតិថិជនដែលមានប្រាក់ចំណូលកណ្តាល និងខ្ពស់ ដោយបម្រើនូវអាហារដ៏ល្អអស្ចារ្យ ព្រមទាំងមានការតុបតែងយ៉ាងប្រណីត និងមានសេវាកម្មដ៏ល្អជាមួយនឹងតម្លៃសមរម្យទៀតផង។
យើងទើបតែចាប់កំណើតបាន៣ឆ្នាំប៉ុណ្ណោះ ប៉ុន្តែយើងនឹងបើកសាខាទី៣ នៅខេត្តសៀមរាបនាពេលឆាប់ៗខាងមុខនេះ។
តើភោជនីយដ្ឋានខេម៉ាមានបម្រើម្ហូបអាហារប្រភេទណាខ្លះ?
យើងបម្រើអាហារភាគច្រើនតាមបែបលោកខាងលិច ពិសេសអាហារឆ្ងាញ់ៗរបស់បារាំង ប៉ុន្តែយើងក៏មានអាហារបែបជនជាតិអាស៊ីផងដែរ ដូចជាអាម៉ុក គុយទាវ និងញ៉ាំស្វាយជាដើម។
ខេម៉ា មិនគ្រាន់តែជាកន្លែងសម្រាប់ទទួលទានអាហារនោះទេ តែវាក៏ជាកន្លែងលក់អាហារបរទេសដូចជាឈីស សាច់សម្រាប់ធ្វើម្ហូប (charcuterie) នំប៉័ង និងនំពីហាងនំរបស់ខ្លួនផ្ទាល់ និងស្រារបស់យើងផ្ទាល់ផងដែរ។ អាហារទាំងនេះភាគច្រើនយើងធ្វើដោយខ្លួនឯង ហើយរាល់ផលិតផលនាំចូលរបស់យើងទាំងអស់សុទ្ធតែឆ្លងកាត់ការជ្រើសរើស និងត្រួតពិនិត្យគុណភាពដោយថ្នាក់ដឹកនាំរបស់យើងផ្ទាល់ ដែលភាគច្រើនពួកគាត់សុទ្ធតែជាចុងភៅចំណានៗតែម្តង។
តើមុខម្ហូបមានតម្លៃយ៉ាងដូចម្តេច?
អតិថិជនបច្ចុប្បន្នមិនខ្លាចនឹងការចំណាយលើអាហារដែលមានគុណភាពខ្ពស់នោះទេ។
យ៉ាងណាមិញ បើគិតដល់ទីតាំង និងការតុបតែងរបស់យើង តម្លៃដែលយើងបានដាក់គឺមានភាពទាក់ទាញយ៉ាងខ្លាំង។ អ្នកអាចញ៉ាំមី Spaghetti គ្រឿងសមុទ្រដែលមានតម្លៃ ១០ដុល្លារ ឬសាច់មាន់អាំងជាមួយស្រាបែបបារាំង (coq au vin) ជាមួយតម្លៃត្រឹមតែ ៨ដុល្លារប៉ុណ្ណោះ។ អាហារដែលថ្លៃបំផុតរបស់យើង គឺត្រឹមតែ ១៥ ដុល្លារតែប៉ុណ្ណោះ។
តើអ្នកគិតថាមុខម្ហូបមួយណាដែលជាអាហារប្រចាំហាងរបស់ខេម៉ា?
ខ្ញុំអាចនិយាយថា វាជាមុខម្ហូបសាច់គោអាំង Steak-frites Café de Paris។ ម្ហូបនេះមានស្ទេកសាច់គោដ៏គួរឲ្យចង់ញ៉ាំ ដែលមានទឹកប៊័រស្រោចពីលើយ៉ាងត្រឹមត្រូវ និងមានដំឡូងចៀន ដែលយើងធ្វើដោយខ្លួនឯងបន្ថែមក្បែរស្ទេកនោះតែម្តង ហើយមានតម្លៃខ្ទង់តែ ៩++ ដុល្លារតែប៉ុណ្ណោះ។
មុខម្ហូបនេះត្រូវបានច្នៃប្រឌិតឡើងពីហាងកាហ្វេ Café de Paris នៅទីក្រុងប៉ារីស ដែលជាកន្លែងគេសួរអ្នកមួយសំណួរពេលអ្នកចូលទៅហាងនោះថា ៖ ចង់បានឆៅ មធ្យម ឬឆ្អិន? វាជាមុខម្ហូបតែមួយគត់ដែលមនុស្សជាច្រើនឈរតម្រង់ជួររាប់ម៉ោងដើម្បីបានទទួលទាន។
តើភោជនីយដ្ឋាននេះបើកដំណើរការពីថ្ងៃណាដល់ថ្ងៃណា ហើយមានសេវាអ្វីខ្លះ?
យើងបើកទ្វារជារៀងរាល់ថ្ងៃ គឺចាប់ពីម៉ោង៦ព្រឹក ដល់ម៉ោង១០យប់ ហើយមានបម្រើអាហារពេលព្រឹក ថ្ងៃត្រង់ ពេលរសៀល និងអាហារពេលល្ងាច។ យើងមានក្តីមោទនៈជាមួយនឹងការផ្តល់ជូននូវការពិសាអាហារពេលព្រឹកបែបប៊ូហ្វេដែលមានតម្លៃ ១០.៩០++ ដុល្លារ ដែលរួមមានមុខម្ហូបទាំងអស់ក្នុងម៉ឺនុយអាហារពេលព្រឹក រួមទាំងទឹកផ្លែឈើស្រស់ តែ និងកាហ្វេ ចាប់ពីម៉ោង ៦ព្រឹកដល់ម៉ោង ១១ ព្រឹក ចាប់ពីថ្ងៃចន្ទដល់ថ្ងៃសុក្រ និងរហូតដល់ម៉ោង ៣ រសៀលនៅថ្ងៃចុងសប្តាហ៍ និងថ្ងៃសម្រាកបុណ្យជាតិ។ ប្រសិនបើអ្នកមិនចង់ញ៉ាំច្រើនទេនោះ អ្នកអាចហៅម្ហូប à la carte ក៏បាន។
នៅពេលរសៀល យើងមានបម្រើតែអាហារណាដែលរសជាតិឈ្ងុយឆ្ងាញ់ជាមួយនំ scone នំខេក ឬនំផ្អែម ឬនំផ្អែមតិចៗ និងមានបម្រើតែ Harney & Sons ដ៏ឆ្ងាញ់ពិសាជាមួយនឹងតម្លៃត្រឹមតែខ្ទង់៦++ដុល្លារប៉ុណ្ណោះ។
រៀងរាល់ថ្ងៃអង្គារ និងថ្ងៃព្រហស្បតិ៍ យើងមានកម្មវិធីស្រា និងឈីសពេលល្ងាច (Wine & Cheese Evenings) ដែលភ្ញៀវអាចពិសាស្រា ឈីស សាច់ និងបន្លែច្រើនមុខ ព្រមទាំងមីផាស្តា និងបង្អែមដោយសេរី ចាប់ពីម៉ោង ៦ ល្ងាចដល់ម៉ោង៨យប់ ជាមួយនឹងតម្លៃត្រឹមតែ ២០++ ដុល្លារតែប៉ុណ្ណោះ។
តើភោជនីយដ្ឋានខេម៉ា មានកៅអីសម្រាប់ទទួលភ្ញៀវបានប៉ុន្មាននាក់?
យើងអាចទទួលស្វាគមន៍ភ្ញៀវបានចំនួន ១២៦នាក់ បើគិតទាំងពីរជាន់ ហើយមានកន្លែងសម្រាប់ធ្វើពិធីផ្សេងៗ ដែលអាចស្វាគមន៍ភ្ញៀវបានដល់ទៅ ១៥០ នាក់។
យើងក៏មានបន្ទប់ទទួល ទានអាហារដាច់ដោយឡែកពីគ្នាចំនួន ៤ សម្រាប់អ្នកដែលចង់ពិសាកន្លែងផ្សេងពីអ្នកដទៃ។ អ្វីដែលកាន់តែអស្ចារ្យទៅទៀតនោះ មិនថាអ្នកចង់ធ្វើពិធីធំៗ ឬការណាត់ជួបគ្នាញ៉ាំអាហារដ៏រ៉ូមែនទិកជាមួយគូស្នេហ៍នោះទេ គឺយើងអាចបម្រើបានយ៉ាងល្អឥតខ្ចោះ៕