Search form

Login - Register | FOLLOW US ON

Logo of Phnom Penh Post newspaper Phnom Penh Post - តើ​អ្នក​ស្គាល់ MoneyMinded ហើយ​ឬ​នៅ​?

Content image - Phnom Penh Post

តើ​អ្នក​ស្គាល់ MoneyMinded ហើយ​ឬ​នៅ​?

ការ​យល់​ដឹង​អំពី​វិស័យ​ហិរញ្ញវត្ថុ គឺជា​មូលដ្ឋាន​គ្រឹះ​ក្នុង​ការ​ពង្រឹង​លើ​ការ​បង្កើន​សក្តានុពលភាព​នៃ​វិស័យ​ហិរញ្ញវត្ថុ និង​ជួយ​ឲ្យ​មហាជន​អាច​ធ្វើ​ការ​សម្រេច​ចិត្ត​បាន​ល្អ​ជាមួយ​នឹង​ទឹក​ប្រាក់​របស់​ពួក​គេ។ ហើយ​វា​ក៏​ត្រូវការ​ពេល​យូរ​ដើម្បី​ពង្រឹង​​ឲ្យ​សហគមន៍​កាន់​តែ​មាន​ភាព​ល្អ​ប្រសើរ និង​ធ្វើ​ឲ្យ​សេដ្ឋកិច្ច​មាន​និរន្តរភាព​។

វិស័យ​ហិរញ្ញវត្ថុ​បាន​ដើរ​តួនាទី​យ៉ាង​សំខាន់​ក្នុង​ការ​លើក​កម្ពស់​ចំណេះដឹង​អំពី​វិស័យ​ហិរញ្ញវត្ថុ​ ដោយ​ជា​បឋម​មាន​គោល​បំណង​ផ្តោត​លើ​ប្រជាជន​ខ្មែរ ដែល​ខ្វះខាត​ចំណេះ​ដឹង​ត្រឹម​ត្រូវ ឬ​អ្នក​ដែល​ងាយ​នឹង​ទទួល​បាន​ព័ត៌មាន​មិន​ផ្លូវ​ការ​និង​គ្រឹះស្ថាន​ហិរញ្ញ​ដែល​មិន​សូវ​មាន​កេរ​ឈ្មោះ​ល្បី​។

បញ្ហា​មួយ​ដែល​ប្រជាជន​កម្ពុជា​ភាគ​ច្រើន​ជួប​ប្រទះ ពិសេស​អ្នក​ដែល​កំពុង​ជួប​បញ្ហា​ភាព​ក្រីក្រ​នោះ ​គឺ​ការ​ជាប់​បំណុល​ជា​បន្ត​បន្ទាប់​ដែល​ធ្វើ​ឲ្យ​បំណុល​ជាន់​បំណុល​ក៏​ព្រោះ​តែ​កម្ចី​រយៈពេល​ខ្លី ដើម្បី​យក​ទៅ​ដោះ​បំណុល​មួយ​ទៀត​។​ នេះ​គឺជា​វដ្ត​ដំណើរ​មិន​ចេះ​ចប់​ ដែល​ធនាគារ​ជាតិ​នៃ​កម្ពុជា កំពុង​ខិតខំ​ប្រឹង​ប្រែង​ក្នុង​ការ​ផ្លាស់​ប្តូរ​ដោយ​ធ្វើ​យ៉ាង​ណា​ឲ្យ​យុវជន​ចាប់​ផ្តើម​ទទួល​បាន​ព័ត៌មាន​អំពី​ផ្នែក​ហិរញ្ញវត្ថុ​តាំងពី​វ័យ​ក្មេង​ទាំង​ចំណេះដឹង និង​ចំណេះ​ធ្វើ ដើម្បី​បញ្ចៀស​ពី​បញ្ហា​ធ្លាក់​ខ្លួន​ក្នុង​បំណុល​។

ការ​យល់​ដឹង​អំពី​គ្រោះថ្នាក់​បណ្តាល​មក​ពី​ប្រាក់​កម្ចី គឺជា​គន្លឹះ​មួយ​ក្នុង​ចំណោម​គន្លឹះ​ជាច្រើន​របស់​កម្មវិធី MoneyMinded របស់​ធនាគារ ANZ Royal​។

ចាប់​ផ្តើម​ដំណើរ​ការ​ក្នុង​ខែ​តុលា​ឆ្នាំ​២០១៥ កម្មវិធី​នេះ​ធ្វើ​ការ​ផ្តល់​ចំណេះ​ដឹង​ផ្នែក​ហិរញ្ញវត្ថុ​ដល់​មនុស្ស​វ័យ​កណ្តាល និង​មាន​គោលបំណង​ក្នុង​ការ​បណ្តុះ​បណ្តាល​នូវ​ជំនាញ​គ្រប់គ្រង ​ដើម្បី​បង្កើន​ការ​យល់​ដឹង​ទាំង​សម្រាប់​បុគ្គល និង​គ្រួសារ​។

អ្នក​សម្រប​សម្រួល​កម្ម​វិធី​នេះ​បាន លើក​ឡើង​ អំពី​ការ​ភ័ន្តុ​ច្រឡំ​ជា​ទូទៅ​មួយ៖ «​ខ្ញុំ​មិន​ដឹង​ថា លុយ​ខ្ញុំ​ទៅ​ណា​អស់​ទេ​»​។

Content image - Phnom Penh Post

បញ្ហា​នេះ​ក៏​កើត​មាន​ទៅ​លើ​គ្រួសារ​ដែល​បើក​សហគ្រាស​ខ្នាត​តូច និង​កណ្តាល​(SMEs) ផង​ដែរ​។ បញ្ហា​នេះ​កើត​មាន​ដោយ​សារ​តែ​ការ​មិន​យល់​ដឹង​អំពី​ប្រភព​ នៃ​លំហូរ​ប្រាក់​ចេញ​របស់​ខ្លួន ដែល​ធ្វើ​ឲ្យ «​លុយ​ដែល​រក​បាន​ទាំង​ប៉ុន្មាន​ ត្រូវ​បាត់​បង់​ទៅ​វិញ​» ហើយ​ធ្វើ​ឲ្យ​គោល​ដៅ​ដែល​បាន​គ្រោង​ទុក​មិន​ទទួល​បាន​ជោគជ័យ​។

ជា​ផ្នែក​មួយ​របស់​កម្មវិធី MoneyMinded របស់​ធនាគារ ANZ បាន​ធ្វើ​ការ​ជំរុញ​ឲ្យ​អ្នក​ចូលរួម​ចាប់​ផ្តើម​ដោយ​គូស​បង្ហាញ​ឲ្យ​បាន​ច្បាស់​ពី​គម្រោង​របស់​ខ្លួន និង​គោលដៅ​ ដែល​អាច​សម្រេច​បាន​ជាមួយ​នឹង​ការ​ដាក់​ចំណុច​បញ្ចប់​ឲ្យ​បាន​ច្បាស់ (​នរណា​ក៏ដោយ ក៏​អាច​បាក់​ទឹក​ចិត្ត និង​លែង​មាន​ការ​ប្តេជ្ញា​ដែរ ​ប្រសិន​បើ​ពួក​គេ​ទៅ​រត់​ម៉ារ៉ាតុង ហើយ​គ្មាន​ចំណុច​បញ្ចប់​នោះ​»​។

ជា​ញឹក​ញាប់​ការ​ខ្វះខាត ឬ​ការ​ដែល​មិន​មាន​គោល​ដៅ​ដែល​អាច​វាស់​ស្ទង់​បាន​នោះ​បង្ក​ទៅ​ជា​ការ​ភ័យ​ខ្លាច​នឹង​បរាជ័យ ហើយ​កាត់​បន្ថយ​នូវ​កម្រិត​នៃ​ការ​ប្តេជ្ញា​របស់​ខ្លួន​ក្នុង​ការ​បង្កើន​ការ​យល់​ដឹង​អំពី​ផ្នែក​ហិរញ្ញវត្ថុ​។

វិធី​មួយ​ដែល​អ្នក​គ្រប់គ្នា​អាច​ចាប់​ផ្តើម​ក្រឡេក​មើល​ទៅ​ស្ថេរភាព​ហិរញ្ញវត្ថុ​របស់​ខ្លួន​បាន​នោះ «​តើ​លុយ​របស់​ខ្ញុំ​ទៅ​ណា​?» ហើយ​ត្រូវ​បែង​ចែក​ឲ្យ​បាន​ច្បាស់​​ លាស់​រវាង​តម្រូវការ និង​ការ​ចាយ​វាយ​ដែល​​មិន​ចាំបាច់ ដើម្បី​រៀន​អំពី​ការ​គ្រប់​គ្រង​លំហូរ​ចេញ​នៃ​ប្រាក់​របស់ខ្លួន​។ ចំណេះ​ដឹង​ផ្នែក​នេះ​អាច​ជួយ​ឲ្យ​យើង​គ្រប់គ្រង​ការ​ចំណាយ​ផ្ទាល់​ខ្លួន​បាន​។

ការ​ដែល​ចេះ​សន្សំ​ប្រាក់​ក៏​អាច​ចូលរួម​ធ្វើ​ឲ្យ​យើង​ច្បាស់​ក្នុង​ចិត្ត​ជា​ជាង​ភាព​ស្រពិច​ស្រពិល​មិន​ច្បាស់លាស់​។ ភាគ​ច្រើន​នោះ គឺជា​ជំហាន​ដំបូង និង​ជា​ជំហាន​ដ៏​សំខាន់​ក្នុង​ការ​បែរ​មក​យល់​ដឹង​អំពី​ហិរញ្ញវត្ថុ​ផ្ទាល់​ខ្លួន​សម្រាប់​មនុស្ស​ជាច្រើន ហើយ​វា​ជម្រុញ​ឲ្យ​មាន​ការ​គ្រប់គ្រង​ការ​ចាយ​វាយ​បាន​ល្អ​ជាង​មុន មាន​ការ​ជឿជាក់​ខ្លាំង​ជាង​មុន និង​អាច​យល់ពី​ការ​គ្រប់គ្រង​ហិរញ្ញវត្ថុ កម្រិត​នៃ​ការ​​សន្សំ​មាន​ភាព​ល្អ​ប្រសើរ និង​កាត់​បន្ថយ​បំណុល​ព្រមទាំង​ធ្វើ​ឲ្យ​គេ​ចេះ​ដាក់​គោល​ដៅ​ជីវិត​និង​រៀបចំ​គម្រោង​សម្រាប់​ពេល​អនាគត​ផង​ដែរ​។

ទីបំផុត គឺ​ការ​ប្តេជ្ញា​។ ប្តេជ្ញា​ហើយ​ប្តេជ្ញា​ទៀត ក្នុង​ការ​អនុវត្ត​ន៍​ឲ្យ​បាន​។

ស្តាប់​ទៅ​វា​អាច​មិន​មាន​ន័យ​ស៊ី​ជម្រៅ ប៉ុន្តែ​កង្វះខាត​នៃ​ការ​ប្តេជ្ញា​នឹង​នាំ​ឲ្យ​អ្នក​ធ្លាក់​ទៅ​ដល់​ចំណុច​សូន្យ​វិញ ហើយ​ឲ្យ​អ្នក​បរាជ័យ​ក្នុង​ការ​សម្រេច​គោល​ដៅ​ខ្លួន​។

ការ​ផ្លាស់​ប្តូរ​ឥរិយាបថ និង​អត្តចរិត​មិន​មែន​ជា​អ្វី ដែល​អ្នក​ដទៃ​ត្រូវ​ប្រាប់​យើង​នោះ​ទេ ប៉ុន្តែ​វា​ជា​ដំណើរ​មួយ​នៃ​ការ​យល់​ដឹង​ដោយ​ខ្លួន​ឯង និង​ការ​ស្គាល់ពី​ខ្លួន​ឯង​ផង​ដែរ​។ មាន​តែ​ពេល​នោះ​​ទេ ​ទើប​ហិរញ្ញវត្ថុ​អ្នក​អាចមាន​ស្ថេរភាព​ដោយ​ផ្លាស់ប្តូរ​ស្ថានភាព​ដ៏​លំបាក​លំបិន​របស់​បុគ្គ​ល​ម្នាក់​ឲ្យ​មាន​ស្ថេរភាព​ហើយ​ភាគ​ច្រើន​នោះ គឺ​ធ្វើ​ឲ្យ​មាន​ការ​រីកចម្រើន​តែ​ម្តង​។

ពិត​ប្រាកដ​ណាស់ វា​ត្រូវ​តែ​មាន​ការ​ខិតខំ​ប្រឹង​ប្រែង​ចូលរួម​ពី​អ្នក​ដែល​នៅ​ក្នុង​វិស័យ​ហិរញ្ញវត្ថុ ដើម្បី​សម្រេច​ឲ្យ​បាន​នូវ​លទ្ធផល​ដែល​មាន​និរន្តរភាព ហើយ​នៅ​ធនាគារ ANZ យើង​កំពុង​តែ​មាន​ការ​ចាប់​ផ្តើម​ដ៏​ល្អ​ដោយ​យើង​បាន​បណ្តុះ​បណ្តាល​អ្នក​ចូលរួម​ដល់​ទៅ ៨០០​នាក់ រួច​មក​ហើយ​ចាប់ពី​តាំងពី​កម្មវិធី​នេះ​ត្រូវ​បាន​បង្កើត​ឡើង​ដំបូង​ក្នុង​ឆ្នាំ​២០១៥​។

អំពី​ Money Minded

ធនាគារ​ ANZ បាន​ចាប់​ផ្តើម​កម្មវិធី MoneyMinded នេះ ដែល​ជា​កម្មវិធី​អប់រំ​អំពី​ចំណេះដឹង​ផ្នែក​ហិរញ្ញវត្ថុ​សម្រាប់​មនុស្ស​វ័យ​កណ្តាល​ក្នុង​ឆ្នាំ​ ២០០៣​។ រាប់​ពី​ពេល​ដែល​ធនាគារ ANZ បាន​ចាប់​ផ្តើម​កម្មវិធី MoneyMinded នេះ​ក្នុង​ទីផ្សារ​ចំនួន ​២១ ក្នុង​ចំណោម​ទីផ្សារ ៣៤​ មក កម្មវិធី​នេះ​បាន​បណ្តុះ​បណ្តាល​មហាជន​បាន ៣៦០ ០០០​ នាក់ ដែល​បាន​ធ្វើ​ឲ្យ​កម្មវិធី​នេះ​ក្លាយជា​កម្ម​វិធិ​ ដែល​ត្រូវបាន​គេ​ផ្សព្វផ្សាយ​យ៉ាង​ទូលំ​ទូលាយ​បំផុត​ក្នុង​ចំណោម​ប្រភេទ​កម្ម​វីធី​អប់រំ​បែប​នេះ​នៅ​ក្នុង​តំបន់​អាស៊ី​-ប៉ាស៊ីភិក​។

នៅ​ប្រទេស​កម្ពុជា កម្មវិធី​ MoneyMinded ត្រូវ​បាន​សម្ភោធ​ឡើង​ជា​លើក​ដំបូង​ក្នុង​ខែ​តុលា​ឆ្នាំ​ ២០១៥ ហើយ​ចាប់​តាំង​ពី​ពេល​នោះ​មក​បាន​បណ្តុះ​បណ្តាល​អ្នក​ចូលរួម​ច្រើន​ជាង​៨០០​នាក់​ដោយ​ឥត​គិត​ថ្លៃ​៕

0

Comments

Please, login or register to post a comment