Search form

Login - Register | FOLLOW US ON

Logo of Phnom Penh Post newspaper Phnom Penh Post - ព័ត៌មាន​ទាក់ទង​ជាមួយ​ បច្ចេកវិទ្យា​ព័ត៌មាន និង ​ទូរគមនាគមន៍​ក្នុង​ត្រី​មាស​នេះ

Content image - Phnom Penh Post
រដ្ឋ​មន្ត្រី​ក្រសួង​ប្រៃសណីយ៍ និង​ទូរគមនាគមន៍ ផ្តល់​ពាន​រង្វាន់ CICTA17 ដល់​ក្រុម​ម្ចាស់​ជយភាភី​ប្រចាំ​ឆ្នាំ​នេះ។ រូបថត សហការី

ព័ត៌មាន​ទាក់ទង​ជាមួយ​ បច្ចេកវិទ្យា​ព័ត៌មាន និង ​ទូរគមនាគមន៍​ក្នុង​ត្រី​មាស​នេះ

ជា​ធម្មតា​អំឡុង​ត្រី​មាស​នេះ​មិន​មែន​ជា​ត្រីមាស​ដែល​មាន​ភាព​មមាញឹក​បំផុត​សម្រាប់​វិស័យ​បច្ចេកវិទ្យា​ពត៌មាន និង​ទូរគមនាគមន៍ (ICT) នៅ​ក្នុង​ប្រទេស​កម្ពុជា​នោះ​ទេ យ៉ាង​ណា​មិញ​ក្នុង​រយៈពេល​៣​ខែ​ក្រោយ​នេះ គេ​សង្គេត​ឃើញ​មាន​ការវិវឌ្ឍ​ដ៏​គួរ​ឲ្យ​ចាប់​អារម្មណ៍​មួយ​ចំនួន​។

អ្វី​ដែល​គួរ​ឲ្យ​កត់​សម្គាល់​ជាង​គេ​នោះ គឺ​ការ​ចេញ​ផ្សាយ​របស់​ធនាគារ​ជាតិ​របស់​ប្រទេស​កម្ពុជា អំ​ពីបទ​ប្បញ្ញត្តិ​ថ្មី​គ្រប់គ្រង​ទៅ​លើ​ការ​ផ្តល់​អាជ្ញាប័ណ្ណ​ទៅ​ដល់​អ្នក​ផ្តល់​សេវាកម្ម​ទូទាត់​ប្រាក់ ស្រប​ទៅ​នឹង​វិស័យ​បច្ចេកវិទ្យា​ហិរញ្ញវត្ថុ ដែល​កំពុង​តែ​រីក​ចម្រើន​ខណៈ​ពេល​ដែល​ក្រុម​អ្នក​ច្នៃប្រឌិត​មួយ​ចំនួន​អាច​ទទួល​បាន​ដើម​ទុន​ចាំបាច់​ដើម្បី​សម្រេច​បាន​នូវ​គំនិត​អាជីវកម្ម​ទាក់ទង​នឹង​បច្ចេកវិទ្យា​របស់​ពួក​គេ​។

ថ្ងៃ​ទី​២៤ ខែ​ឧសភា

យោង​តាម​ការស្រាវជ្រាវ​ថ្មី​បាន​ឲ្យ​ដឹងថា​កម្ពុជា​អាច​បន្ថែម​ប្រាក់​ចំនួន​៣២០​លាន​ដុល្លារ​បន្ថែមទៀត​ដល់​សេដ្ឋកិច្ច​ក្នុង​រយៈពេល​១០​ឆ្នាំ​ខាង​មុខ​នេះ ដែល​ក្នុង​រយៈពេល​នេះ​កម្ពុជា​អាច បង្កើន​ពន្ធ​លើ​ប្រាក់ចំណូល​២៤​លាន​ដុល្លារ ប្រសិន​បើ​វា​បញ្ចុះតម្លៃ​ពន្ធ​លើ​បច្ចេកវិទ្យា​ព័ត៌មាន និង​ទូរគមនាគមន៍​។

យោង​តាម​ការសិក្សា​មួយ​ដែល​ធ្វើឡើង​ដោយ​មូលនិធិ​បច្ចេកវិទ្យា​ព័ត៌មាន និង​ការច្នៃប្រឌិត (ITIF) ដែលមាន​មូលដ្ឋាន​នៅ​ទីក្រុង​វ៉ាស៊ីនតោន​បាន​ឲ្យ​ដឹងថា ប្រទេស​កម្ពុជា​អាច​បង្កើន​ផលិតផល​ក្នុងស្រុក​សរុប​របស់​ខ្លួន​បាន​ជិត​១​ភាគរយ​នៅ​រយៈពេល​ទសវត្សរ៍​ក្រោយពី​កំណើន​ទឹកប្រាក់​៣២០​លាន​ដុល្លារ​ទៅក្នុង​វិស័យ​សេដ្ឋកិច្ច​បើ​សិន​ជា​កម្ពុជា​យល់ព្រម​បាន​អនុម័ត​កិច្ច​ព្រម​ព្រៀង​បច្ចេកវិទ្យា​ព័ត៌មាន​(ITA)​។

លោក Stephan Ezell អនុប្រធាន ITIF និង​ជា​អ្នក​និពន្ធ​ដឹក​នាំ​ធ្វើ​របាយការណ៍​នេះ​បាន​និយាយថា ៖ «​ប្រសិនបើ​ប្រទេស​កម្ពុជា​ចូលរួម​ជាមួយ​កិច្ច​ព្រម​ព្រៀង​បច្ចេកវិទ្យា​ព័ត៌មាន អាជីវកម្ម និង​អ្នក​ប្រើ​ប្រាស់​ក្នុង​ប្រទេស​នេះ​នឹង​ប្រើ​ផលិតផល​បច្ចេកវិទ្យា​បន្ថែមទៀត​ដោយ​សារ​តែ​វា​មាន​តម្លៃ​ទាប​ជាង​មុន​ខណៈ​ពេល​ដែល​មាន​ការ​ចូល​ប្រឡូក​កាន់តែ​ជ្រាល​ជ្រៅ​នៅ​ក្នុង​ខ្សែចង្វាក់​តម្លៃ​សកល​សម្រាប់​ការផលិត​បច្ចេកវិទ្យា​ទូរគមនាគមន៍​ព័ត៌មានវិទ្យា​»​។

លោក​បន្ត​ថា ការ​ធ្វើ​បែប​នេះ​នឹង​ជំរុញ​កំណើន​សេដ្ឋកិច្ច​ដ៏​គួរ​ឲ្យ​កត់​សម្គាល់​សម្រាប់​ប្រទេស​កម្ពុជា ហើយ​នៅ​ក្នុង​ពេល​ដដែល​នេះដែរ​ប្រទេស​នេះ​អាចបង្កើត​ចំណូល​ពន្ធ​ថ្មី​ដែល​ជួយ​កាត់​បន្ថយ​ការ​ខាត​បង់​ពន្ធ​។

«​សរុប​មក​ភាព​រីក​ចម្រើន​ដែល​បាន​មក​ពី​ការ​ចូលរួម​ក្នុង​កិច្ច​ព្រម​ព្រៀង​នេះ គឺមាន​ផល​ប្រយោជន៍​លើ​អនាគត​សេដ្ឋកិច្ច​របស់​ប្រទេស​កម្ពុជា​ច្រើន​ជាង​ចំណូល​ពន្ធ​ដែល​ប្រទេស​នេះ​អាច​បាត់បង់​ទៅ​ទៀត​»​។

ថ្ងៃទី​២៩ ខែឧសភា​

អ្នក​ឈ្នះ​ពានរង្វាន់​កម្មវិធី​អ្នក​ច្នៃ​ប្រឌិត​វ័យ​ក្មេង SmartStart (SmartStart Young Innovator Program) ត្រូវបាន​ប្រកាស​ដែល​ក្នុង​នោះ​មាន​ប្រាំ​ក្រុម ដែល​ត្រូវ​បាន​គេ​ផ្តល់​ថវិកា និង​ការ​គាំទ្រ​ក្នុង​ការ​នាំ​យក​គំនិត​អាជីវកម្ម​ដែល​ទាក់ទង​នឹង​បច្ចេកវិទ្យា​របស់​ពួក​គេ​លើ​ទីផ្សារ​ជាក់ស្តែង​។

អំឡុង​ពេល​នៃ​ការ​ប្រកួត​ប្រជែង​រយៈពេល​៣​ខែ​ដែល​រៀបចំ​ដោយ​ក្រុមហ៊ុន​ទូរគមនាគមន៍​ក្នុង​ស្រុក Smart Axiata បាន​ចាប់​ផ្តើម​ជាមួយ​ក្រុម​ចំនួន ៣០​ក្រុម កាលពី​ក្នុង​ខែកុម្ភៈ​។

អ្នក​ចូលរួម​វគ្គ​ផ្តាច់ព្រ័ត្រ​ចំនួន​១៥​នាក់ បាន​ឡើង​បង្ហាញ​គំនិត​របស់​ពួកគេ​ទៅ​គណៈកម្មការ​ដែលមាន​គ​ម្រោ​ង​ល្អ​បំផុត​ចំនួន​ប្រាំ​ក្នុងនោះ​នឹង​ទទួលបាន​ថវិកា​ចំនួន​៤,០០០​ដុល្លារ និង​សេវាកម្ម​បណ្តុះបណ្តាល​រយៈពេល​៦​ខែ​បន្ថែមទៀត​។

ក្រុម​ដែល​ទទួល​ជ័យជម្នះ​ទាំង​ប្រាំ​ក្រុម​នោះបាន​លើកឡើង អំពី​សេចក្តីត្រូវការ និង​ឱកាស​អាជីវកម្ម​នៅក្នុង​ឧស្សាហកម្ម​ជាច្រើន​ដូចជា Gosoccer ដែលជា​វេទិកា​សម្រាប់​ការ​កក់​នូវ​ទីលាន​លេង​បាល់ទាត់​ (Futsal) ទំហំ​តូច និង​មធ្យម នៅ​រាជធានី​ភ្នំពេញ​។

Spare សេវាកម្ម​ដែល​ផ្តល់​ទំនាក់ទំនង​ត​ភ្ជាប់​អ្នក​ជួល​ជាមួយ​ភ​តិកៈ និង Prestige Gift ជា​ក្រុមហ៊ុន​ដែល​ផ្តល់ជូន​នូវ​ការពិគ្រោះ​យោបល់​ពី​កាដូ និង​ផ្តល់ជូន​ការ​ដឹក​ជញ្ជូន​។ ក្រុម​ដែល​ទទួលបាន​ជយលាភី​ចំនួន ២​ទៀត គឺ Be-First កម្មវិធី​សិក្សា​ភាសា​ខ្មែរ និង​កម្មវិធី​សុភមង្គល​ដែលជា​វេទិកា​ម៉ៅការ​សេវា​កម្មរៀប​អាពាហ៍​ពិពាហ៍​សព្វ​គ្រប់​។

ថ្ងៃទី​២៦ ខែមិថុនា​

ធនាគារ​ជាតិ​បានចេញ​បទបញ្ជា​ថ្មី​មួយ​ដែល​គ្រប់គ្រង​លើ​ការផ្តល់​អាជ្ញាប័ណ្ណ​ដល់​អ្នកផ្តល់​សេវាកម្ម​ទូទាត់​ទឹកប្រាក់ (PSPs) ដែល​តម្រូវ​ឲ្យ​ក្រុមហ៊ុន​ទាំងអស់​ដែល​ផ្តល់ សេវាកម្ម​តាម​អ៊ិន​ធឺ​ណេ​ត​ដើម្បី​ទទួលយក​ការទូទាត់​ប្រាក់​អេឡិចត្រូនិក​ឲ្យ​មាន​ដើមទុន​យ៉ាងតិច ២​លាន​ដុល្លារ ដែល​នេះ​ជា​ជំហាន​ដើរទៅ​មុខ​មួយ​ក្នុង​គោលបំណង​បង្កើន​ស្ថិរភាព​នៃ​វិស័យនេះ និង​ជំរុញ​ឲ្យ​មានការ​រួម​បញ្ចូល​គ្នា​នៃ​ក្រុមហ៊ុន​តូចៗ​នៅក្នុង​វិស័យនេះ​ផងដែរ​។

Content image - Phnom Penh Post
ការ​ពេញ​និយម​នៃ​ការ​ប្រើប្រាស់​ទូរស័ព្ទ​ឆ្លាត​វែ​ជាមួយ​បណ្តាញ​ទំនាក់​ទំនង​សង្គម​ផ្សេងៗ។

សេចក្តី​ប្រកាស​មួយ​ដែល​ត្រូវ​បាន​ចុះ​ហត្ថលេខា​ដោយ​លោក ជា ចាន់តូ ជា​ទេសាភិបាល​ធនាគារ​ជាតិ​នៃ​កម្ពុជា (NBC) កាលពី​ថ្ងៃទី​១៤ ខែមិថុនា និង​បានចេញ​ផ្សាយ​កាលពី​ថ្ងៃទី​២០ ខែ​មិថុនា បាន​បញ្ជាក់​ថា PSPs ទាំងអស់​នៅ​ក្នុង​ប្រទេស​កម្ពុជា ត្រូវ​តែ​មាន​អាជ្ញាប័ណ្ណ​ពី​ធនាគារជាតិ​នៃ​កម្ពុជា ដើម្បី​បន្ត​ការធ្វើ​អាជីវ​កម្មបាន​។

ក្រុមហ៊ុន​ដែល​ទទួល​បាន​អាជ្ញាប័ណ្ណ​ហើយ​ត្រូវបាន​តម្រូវ​ឲ្យ​បង្ហាញ​ពី​ដើម​ទុន​ចុះបញ្ជី​អប្បបរមា​ចំនួន​៨​ពាន់​លាន​រៀល (​ប្រហែល​២​លាន​) និង​ដាក់​ប្រាក់​៥​ភាគរយ​នៃ​ដើមទុន​ដែល​បាន​បង់ហើយ​នៅ​ធនាគារជាតិ​នៃ​កម្ពុជា​។

អាជ្ញាប័ណ្ណ PSP មាន​សុពលភាព​រយៈពេល​៦​ឆ្នាំ ដោយ​ត្រូវ​បង់ថ្លៃ​អាជ្ញាប័ណ្ណ​ប្រចាំឆ្នាំ​២០​លាន​រៀល (៥,០០០​ដុល្លារ​) នេះ​បើ​យោង​តាម​សេចក្តី​ប្រកាស​។​

​បទ​ប្បញ្ញត្តិ​ថ្មី​នេះ​មាន​គោលដៅ​ចង់​ឲ្យ​ភាគី​ទី​បី (TPPs) មាន​អភិបាលកិច្ច​ល្អប្រសើរ​ជាង​មុន ភាគី​ទី​បី​នេះ​ដើរ​តួ​ជា​អន្តរការី​ក្នុងការ​បំពេញ​ប្រតិបត្តិ​ការទូទាត់ និង​ឆ្លុះបញ្ចាំង​ពី​ការរីកចម្រើន​យ៉ាង​ឆាប់​រហ័ស​នៃ​ដំណោះស្រាយ​ហិរញ្ញវត្ថុ​តាម​បច្ចេកវិទ្យា​។

ថ្ងៃទី ២៨ ខែ មិថុនា​

ក្រុមហ៊ុន​យក្ស​ទូទាត់​ប្រាក់​អន្តរជាតិ Visa គឺជា​ក្រុមហ៊ុន​ហិរញ្ញវត្ថុ​អន្តរជាតិ​ដំបូង​គេ ដែល​ប្រកាស ពី​ដំណោះស្រាយ​ទូទាត់​ប្រាក់​នៅ​ប្រទេស​កម្ពុជា​សម្រាប់​កូដ​ឆ្លើយតប​រហ័ស ឬ​កូដ QR ដែលមាន​រាង​ការ៉េ​មាន​ភិ​កសែ​ល​ពណ៌​ខ្មៅ និង​ស ដែល​ត្រូវ​បាន​រចនា​ឡើង​ដើម្បី​ឲ្យ​កាមេរ៉ា​ស្មាត​ហ្វូន​អាន​បាន​ហើយ​កំពុងតែ​ចាប់ផ្តើម​លេចមុខ​ឡើង​នៅ​ទីកន្លែង​លក់រាយ​នានា​នៅ​ទូទាំង​រាជធានី​។

ក្រុមហ៊ុន​នេះ​កំពុង​រៀបចំ​ដាក់​ដំណើរការ mVisa នៅក្នុង​ប្រទេស​កម្ពុជា និង​ប្រទេស​ចំនួន​១០​ផ្សេងទៀត​នៅ​ទូទាំង​ពិភពលោក​។ នេះ​បើតាម​ការ​ពន្យល់​ប្រាប់​របស់​អ្នក​នាំ​ពាក្យ​ម្នាក់​ដែល​បាន​និយាយថា វេទិកា​ទូទាត់​កូដ QR នឹង​អាច​ឲ្យ​ឈ្មួញ និង​អតិថិជន​ប្រើប្រាស់​បាន​តាមរយៈ​ធនាគារ​ក្នុងស្រុក ដែល​បាន​ចូលរួម​ក្នុង​ប្រតិបត្តិការ​នេះ នៅ​ប៉ុន្មាន​ខែ​ខាង​មុខ​នេះ​។

លោក​ស្រី​បន្ត​ថា ៖ «​យើង​រំពឹង​ថា ធនាគារ​មួយចំនួន​នៅ​កម្ពុជា នឹង​ចាប់ផ្តើម​ផ្តល់​សេវា​កម្មនេះ​ដំបូងបង្អស់​នៅ​ត្រីមាស​ទី​៣​នៃ​ឆ្នាំនេះ​»​។

mVisa នឹង​ចូល​ឈ្មោះ​ក្នុង​បញ្ជី​នៃ​ក្រុមហ៊ុន​ទូទាត់ QR ដែល​កំពុងតែ​រីក​ចម្រើន​នៅក្នុង​ប្រទេស​កម្ពុជា ដែល​រួមមាន​កម្មវិធី​ស្មាត​ហ្វូ​ន បង្កើត​ឡើង​ដោយ​ធនាគារ​អេស៊ីលីដា ដែលជា​ធនាគារពាណិជ្ជ​កម្ម​ធំ​ជាង​គេ​របស់​ប្រទេស​កម្ពុជា និង​ក្រុមហ៊ុន PiPay ដែលជា​កម្មវិធី​ស្មាត​ហ្វូន​ថ្មី​មួយ​ទូទាត់​តាម​ប្រព័ន្ធ​ឌីជីថល​តាម​រយៈ​ស្មាត​ហ្វូន​។

ថ្ងៃទី​២១ ខែ​កក្កដា ឆ្នាំ​២០១៧

ក្រសួង​ប្រៃសណីយ៍ និង​ទូរគមនាគមន៍ ផ្តល់​ពានរង្វាន់ ICT

​កាលពី​ថ្ងៃ​ទី​២១ ខែ​កក្កដា ឆ្នាំ​២០១៧ មាន​ពិធី​ប្រគល់​ពាន​រង្វាន់​បច្ចេកវិទ្យា​គមនាគមន៍ និង​ព័ត៌មាន​កម្ពុជា​ឆ្នាំ​ ២០១៧ (CICTA17) ដែល​រៀបចំ​ឡើង​ដោយ​ក្រសួង​ប្រៃសណីយ៍ និង​ទូរគមនាគមន៍ សហការ​ជាមួយ​វិទ្យាស្ថាន​ជាតិ​ប្រៃ​សណីយ៍​ទូរគមនាគមន៍​បច្ចេក​វិទ្យា​ទូរគម​នាគមន៍ និង​ព័ត៌មាន (NIPTICT) និង​ប្រតិបត្តិ​ករ​ដទៃ​ទៀត​។

ជា​លទ្ធផល​មាន​សមិទ្ធផល App សម្រាប់​ប្រើប្រាស់​ជាមួយ​ទូរស័ព្ទ​ដៃ​ឆ្លាត​វៃ​មួយ​ចំនួន​ត្រូវបាន​លោក ត្រាំ អ៊ីវតឹក រដ្ឋ​មន្ត្រី​ក្រសួង ប្រៃសណីយ៍ និង​ទូរគមនាគមន៍ ផ្តល់​ជា​មេដាយ ដូចជា ទី​១ ពានរង្វាន់​មេដាយមាស បាន​ទៅ​ក្រុម JAILBREAK The Game បង្កើត​ឡើង​ដោយ​Direct Play ដែល​នេះ​ជា​ហ្គេម សម្រាប់​លេង​តាម​ទូរស័ព្ទ​ដែល​បាន​រចនា​ឡើង​បន្ទាប់ពី​ខ្សែ​ភាពយន្ត​ខ្មែរ មាន​ចំណងជើង​ថា Jailbreak​។

កំណត់ត្រា​របស់ Game នេះ គឺ​តែ​ក្នុង​រយៈពេល​៤៨​ម៉ោង បន្ទាប់ពី​ការដាក់​បង្ហាញ​ហ្គេម​នេះ​បានទទួល​ការ​ដោន​ឡូត​រហូត​ដល់​២០K ហើយ​បច្ចុប្បន្ន​មាន​អ្នកលេង​ហ្គេម​ជាង​១០៤K​។

ទី២​ពាន​រង្វាន់​មេដាយ​ប្រាក់ បាន​ទៅ Bong Pheak បង្កើត​ឡើង​ដោយ Open Institute​។ Bong Pheak គឺជា​សេវាកម្ម​ការងារ​ដែល​បាន​បើក​ដំណើរការ​នៅ​ខែតុលា​ឆ្នាំ​២០១៦ ដែល​ដាក់​បង្ហាញ​នូវ​ការងារ​គ្មាន​ជំនាញ និង​ការងារ​ប្រើ​ជំនាញ​តិចតួច​។

Bong Pheak នឹង​ធ្វើ​ការ​ផ្សព្វផ្សាយ​ការងារ​តាម​អ៊ី​ន​ធើ​ណេ​ត និង​តាម​រយៈ​សំឡេង​ដោយ​ស្វ័យប្រវត្តិ​ដែល​បញ្ជូន​ទៅ​ឱ្យ​កម្មករ​សក្តានុពល​តាម​រយៈ​ការហៅ​ទូរស័ព្ទ ដោយមាន​អ្នកតាមដាន​តាមរយៈ​ហ្វេស​ប៊ុក​ចំនួន​ ១០០,០០០​ នាក់​រួចហើយ ហើយក៏​បាន​បង្ហាញ​អំពី​តម្រូវការ​ការងារ​ចំនួន​៦,០០០​កន្លែង ក្នុង​រយៈពេល​៧​ខែ ដែល​នាំ​ឱ្យ​មាន​បេក្ខជន​ដាក់ពាក្យ​ចំនួន​៤,០០០​នាក់​។

ទី​៣ មេដាយ​សំរឹទ្ធិ បាន​ទៅ​ក្រុម​រៀបចំ​ប្រព័ន្ធ​ចុះបញ្ជី​រថយន្ត​ស្វ័យប្រវត្តិ​ដោយ​ក្រសួង​សាធារណការ និង​ដឹកជញ្ជូន ៖ ប្រព័ន្ធ​ថ្មី​នេះ​អនុញ្ញាត​ឱ្យ​ពលរដ្ឋ​ចុះឈ្មោះ​រថយន្ត​របស់​ពួកគេ​តាមរយៈ​កម្មវិធី​អន​ឡាញ ដែល​អាច​សន្សំសំចៃ​ពេលវេលា និង​ថវិកា និង​លុបបំបាត់​ជា​លំដាប់​នូវ​ការបង់ប្រាក់​ក្រៅ​ផ្លូវការ​។

ការ​ចុះ​ឈ្មោះ និង​ការទូទាត់​ប្រាក់​ត្រូវបាន​ធ្វើឡើង​តាម​ប្រពន្ធ័​អ៊ី​ន​ធើ​ណេ​ត​។ រយៈពេល​មួយ​ឬ​ពីរ​ថ្ងៃ​ក្រោយមក ប្រជាពលរដ្ឋ​អាច​ទទួលបាន​ប័ណ្ណ​សម្គាល់​យានយន្ត និង​ស្លាក​លេខ​។

ថ្ងៃទី​៣ ខែសីហា​

​យោង​តាម​ការ​ស្រាវជ្រាវ​របស់ Public Invest Research បាន​ឲ្យ​ដឹងថា ក្រុមហ៊ុន​ទូរគមនាគមន៍​ម៉ាឡេស៊ី​ឈ្មោះ Axiata Group ទំនងជា​នឹង​បែងចែក​ភាគហ៊ុន​ក្នុង​ប្រតិបត្តិ​ការដែល​ទទួល​បាន​ផល​ចំណេញ​ច្រើន ដែល​ក្នុង​នោះ​មាន​ក្រុមហ៊ុន​បុត្រ​សម្ព័ន្ធ Smart នៅ​កម្ពុជា​ផងដែរ ខណៈ​ក្រុមហ៊ុន​នេះ​ត្រូវបាន​គេ​ព្យាករ​ថា មានការ​ធ្លាក់ចុះ​ចំណូល​ប្រចាំឆ្នាំ​ចំនួន​៧​ភាគរយ សម្រាប់​ឆ្នាំ​២០១៧​នេះ​។

ការិយាល័យ​ស្រាវជ្រាវ​របស់​ធនាគារ​វិនិយោគ​សាធារណៈ Berhad នៃ​ប្រទេស​ម៉ាឡេស៊ី (PIBB) បានកត់សម្គាល់​នៅក្នុង​របាយ​ការណ៍​មួយ​នៅ​សប្តាហ៍​នេះ​ថា ការ​អនុវត្ត​របស់​ក្រុមហ៊ុន Axiata ត្រូវ​បាន​ទាញ​ទម្លាក់​ដោយ​ប្រតិបត្តិការ​នៅក្នុង​ស្រុក និង​សាខា​នៅ​សិង្ហ​បុរី និង​ឥណ្ឌា​។

ការ​សិក្សា​នេះ​បាន​និយាយ សំដៅ​ទៅ​ការ​បំប្លាស់​ប្តូរ​ផែនការ​នៅក្នុង​ខែកក្កដា ដែល​ពេលនោះ ក្រុមហ៊ុន​នេះ​បាន​បញ្ឈប់​នូវ​ការ​លក់​នៃ​ភាគហ៊ុន​របស់​ខ្លួន​នៅក្នុង M1 នៃ​ប្រទេស​សិង្ហ​បុរី​។

ការ​សិក្សា​នោះ​បញ្ជាក់​ថា ៖ «​យើង​ជឿ​ជាក់​ថា Axiata ទំនង​ជា​ដក​ភាគហ៊ុន​របស់​ខ្លួន​ចេញពី​ទីតាំង ដែល​ទទួល​បាន​ចំណូល​ច្រើន​ដូចជា នៅ​ប្រទេស​ស្រីលង្កា កម្ពុជា និង​ឥណ្ឌូនេស៊ី ដើម្បី​បង្កើន​មូលនិធិ​សម្រាប់​ការ​ចំណាយ​មូលធន​នា​ពេល​អនាគត និង​កាត់​បន្ថយ​ការ​ខ្ចី​ប្រាក់​បន្ទាប់ពី​ការ​លុប​ចោល​ផែនការ​បោះបង់​ចោល M1»​។

កាលពី​ខែ​ឧសភា ក្រុមហ៊ុន Axiata បាន​លក់​ភាគហ៊ុន​ចំនួន​១០​ភាគរយ នៅក្នុង​ក្រុមហ៊ុន Smart ទៅ​ឲ្យ​ក្រុមហ៊ុន​ជប៉ុន Mitsui Co., Ltd. ក្នុង​តម្លៃ ៦៦​លាន​ដុល្លារ​។

ក្រុមហ៊ុន Axiata បាន​ឲ្យ​ដឹង​នៅ​ពេល​នោះ​ថា ការលក់​នេះ​ជា​យុទ្ធសាស្ត្រ​មួយ ដែល​នៅតែ​ផ្តល់​ឲ្យ​ក្រុមហ៊ុន Axiata រក្សាបាន​ភាគហ៊ុន ៨២,៥០​ភាគរយ នៅ​ក្រុមហ៊ុន Smart ហើយ​បាន​បង្កើន​តម្លៃ​របស់​ក្រុមហ៊ុន​នេះ​រហូតដល់​៧២៤​លាន​ដុល្លារ បើសិនជា​គិត​ទៅលើ​សាច់ប្រាក់​ដែល​ទទួលបាន​ពី​ភាគលាភ​។

អ្នក​នាំ​ពាក្យ​របស់​ក្រុមហ៊ុន Axiata បាន​ប្រាប់​ភ្នំពេញ​ប៉ុស្តិ៍​តាម​អ៊ីមែល​ថា ៖ «​ការគ្រប់គ្រង​ផលប​ត្រ គឺជា​ការ​ពិចារណា និង​ប្រតិបត្តិការ​អាជីវកម្ម ធម្មតា​មួយ​ហើយ​ជា​ការ​អនុវត្ត​មួយ​ដ៏​ល្អ​ការ​កាន់​កាប់​ក្រុមហ៊ុន និង​ក្រុម​ប្រតិបត្តិការ​ដូច​ជា​ក្រុមហ៊ុន Axiata»​។

លោក​បន្ត​ថា ៖ «​ទោះជា​យ៉ាងណា​ក្រុមហ៊ុន Axiata មិន​មាន​គម្រោង​ចាកចេញ​ពី​ក្រុមហ៊ុន​មូល​បត្រ​ណាមួយ​របស់ខ្លួន​ឡើយ​។ យើង​គឺជា​អ្នក​វិនិយោគ​យូរ​អង្វែង ហើយ​យើង​ធ្វើ​ប្រតិបត្តិការ​នៅតាម​សាខា​របស់​យើង សាខា​ខ្លះ​យើង​ខ្លះ​បាន​ធ្វើ​ប្រតិបត្តិការ​អស់​ជាង ២០​ឆ្នាំ​មកហើយ​»៕

0

Comments

Please, login or register to post a comment

ព័ត៌មានពាក់ព័ន្ធ