រាជធានី​ភ្នំពេញ គឺ​មិន​មែន​ត្រឹម​តែ​ជា​មជ្ឈមណ្ឌល​សេដ្ឋកិច្ច​ពាណិជ្ជកម្ម​ប៉ុណ្ណោះ​ទេ ប៉ុន្តែ​ទីក្រុង​នេះ​ក៏​ជាទី​ប្រជុំ​ទៅ​ដោយ​មូលដ្ឋាន​​គ្រឹះ​នៃ​ធនធាន​ធម្មជាតិ និង​វប្បធម៌​ផងដែរ សម្រាប់​ជា​មូលដ្ឋាន​គ្រឹះ​នៃ​ប្រវត្តិសាស្ត្រ​វិញ​ ទីក្រុង​ដែល​ស្ថិត​នៅ​លើ​ដីសណ្តរ​នៃ​ទន្លេ​ធំៗ​៤​ជួប​ប្រសព្វ​គ្នា​នេះ គឺ​ពោរពេញ​ដោយ​​សំណង់​ប្រវត្តិសាស្ត្រ​ជា​ច្រើន​សម័យ បន្សល់​ទុក​តាំង​ពី​មួយ​ពាន់​ឆ្នាំ​មុន រាប់​រយ ឆ្នាំ​ចុង​ក្រោយ និង​បន្ត​ដោយ​សំណង់​ខ្ពស់ៗ ​កប់​ពពក​នា​សម័យ​បច្ចុប្បន្ន​នេះ​ដែល ​កំពុង​រីក​ចម្រើន​គួរ​ឲ្យ​កត់សម្គាល់​។