Search form

Login - Register | FOLLOW US ON

Logo of Phnom Penh Post newspaper Phnom Penh Post - វិស័យ​ធនាគារ ​កំពុង​ធ្លាក់​ចុះ ​ដោយ​មាន​ប្រាក់​ចំណូល​ត្រឡប់​មក​វិញ ​តិច​តួច​ណាស់

Content image - Phnom Penh Post
អតិថិជន​មួយ​រូប​កំពុង​ទទួល​យក​សេវា​កម្ម​របស់​ធនាគារ​មួយ​នៅ​ភ្នំពេញ។ ហុង មិនា

វិស័យ​ធនាគារ ​កំពុង​ធ្លាក់​ចុះ ​ដោយ​មាន​ប្រាក់​ចំណូល​ត្រឡប់​មក​វិញ ​តិច​តួច​ណាស់

របាយការណ៍​ថ្មី​មួយ​បាន​រក​ឃើញ​ថា ភាគច្រើន​នៃ​ធនាគារ​ពាណិជ្ជកម្ម​ចំនួន ៤០ នៅ​ក្នុង​ប្រទេស​កម្ពុជា មាន​ការ​ខ្វះខាត​នៅ​ក្នុង​វិសាលភាព និង​ប្រសិទ្ធភាព​ដែល​ត្រូវ​ការ​ក្នុង​ការ​រក​ប្រាក់​ចំណូល​ដើម្បី​ទទួល​បាន​វិញ​ពី​ការ​វិនិយោគ​បាន​ច្រើន​សម្រាប់​ភាគ​ទុ​និក​នីមួយៗ​ដោយមាន​ធនាគារ​ជាច្រើន​សឹងតែ​មិន​មាន​លទ្ធភាព​ក្នុងការ​ទូទាត់​ចំណាយ​ប្រតិបត្តិការ​ផ្ទាល់​ខ្លួន​នោះ​ផង​។

ក្រុមហ៊ុន​វិនិយោគ​ដែល​មាន​មូលដ្ឋាន​នៅ​ទីក្រុង​ភ្នំពេញ​ឈ្មោះ Mekong Strategic Partners (MSP) បាន​ឲ្យ​ដឹង​ក្នុង​ការ​ពិនិត្យ​ឡើង​វិញ​នូវ​វិស័យ​ធនាគារ​នៅ​កម្ពុជា​នាពេល​ថ្មីៗ​នេះ​ថា បើទោះបី​ជា​មាន​កំណើន​ប្រាក់​ចំណូល និង​ប្រាក់​ចំណេញ​គួរ​ឲ្យ​កត់សម្គាល់​ក៏​ដោយ ក៏​ធនាគារ​មាន​ភាព​រីក​លូត​លាស់​លើ​​សមត្ថភាព ក្នុង​ការ​កាត់​បន្ថយ​ការ​ចំណាយ​តិចតួច​បំផុត​។

ក្នុង​ករណី​នេះ គេ​បាន​កត់​សម្គាល់​ថា ខណៈ​ពេល​ដែល​ប្រាក់​ចំណូល​ធនាគារ​បាន​កើន​ឡើង​ជា​មធ្យម២២​ភាគរយ ក្នុង​មួយឆ្នាំ​ក្នុង​រយៈពេល​មួយ​ទសវត្សរ៍​ចុងក្រោយ​នេះ និង​ប្រាក់​ចំណូល​១៩​ភាគរយ ក្នុង​មួយឆ្នាំ ការ​ចំណាយ​ក៏បាន​កើនឡើង​ស្រប​ជាមួយ​នឹង​កម្រិត​រីកចម្រើន​នេះ​ផងដែរ​ហើយ​ស្ថានភាព​ប្រហាក់​ប្រហែល​គ្នា​នេះ​បាន​លុបបំបាត់​នូវ​លទ្ធភាព​រកប្រាក់​ចំណេញ​នៃ​ធនាគារ​មួយ​ចំនួន​។

របាយការណ៍​នេះ​បាន​បន្ត​ឲ្យ​ដឹង​ថា​ ៖ «​ដោយ​សារ​តែ​ភាព​ទ្រឹង​នៃ​លទ្ធភាព​រក​ផល​ចំណេញ​នេះហើយ បាន​ជា ចំណូល​ត្រឡប់មកវិញ​នៃ​ភាគហ៊ុន សម្រាប់​ធនាគារ​នៅ​កម្ពុជា​នៅ​តែ​ជាប់គាំង​ចន្លោះ​ពី១១​ ទៅ​១២​ភាគរយ ដែល​នេះ​ជា​ចំនួន​ដែល​​តិចជាង​តម្លៃ​ដើម​ទុន​សម្រាប់​ធនាគារ​ទាំង​នេះ​ទៅ​ទៀត​»​។

MSP បាន​ប៉ាន់​ស្មាន​ថា ការ​ចំណាយ​ដើម​ទុន​ជាក់ស្តែង​សម្រាប់​ប្រតិបត្តិការ​ធនាគារ​នៅ​កម្ពុជា មាន​យ៉ាង​ហោច​ណាស់​​ ក៏១៥​ភាគរយ​ដែរ ហើយ​ប្រហែល​ជា​ខ្ពស់​ដល់​ថ្នាក់ ​១៨​ ភាគរយ​ ឯ​ណោះ​ដែល​នាំ​ឲ្យ​មាន​ចំណូល​ជា​អវិជ្ជមាន​សម្រាប់​ភាគ​ទុនិក​ធនាគារ​ជាច្រើន។

របាយការណ៍​នេះ​ធ្វើ​ឡើង​បន្ទាប់ពី​ការ​ស្រាវជ្រាវ​របស់ MSP ចេញ​ផ្សាយ​កាលពី​៣​ឆ្នាំ​មុន ដែល​បាន​លើក​ឡើង​ថា ធនាគារ​ភាគច្រើន​ក្នុង​ចំណោម​ធនាគារ​នៅ​កម្ពុជា កំពុង​តែ​មាន​ដំណើរ​ការ​មិន​សូវ​ល្អ​ដោយ​មានតែ​ធនាគារ​ចំនួន ៥ ប៉ុណ្ណោះ ដែល​បាន​ប្រកាស​អំពី​ប្រាក់​ចំណេញ​លើ​ភាគហ៊ុន (ROE) ខ្ពស់ជាង ១៥ ​ភាគរយ នៅ​ឆ្នាំ​ ២០១៣ និង ប្រាក់​ចំណេញ​លើ​ភាគហ៊ុន​ជា​មធ្យម​នៅ​ក្នុង​វិស័យ​នេះ គឺ​នៅ​កម្រិត​ត្រឹម ៦​ភាគរយ​តែ​ប៉ុណ្ណោះ​។

កាល​នោះ MSP បាន​បង្ហាញ​ថា​ ៖ «បើ​ធនាគារ​ទាំង​នេះ​មិន​មាន​ការ​កើន​ឡើង​នូវ ROE របស់​ពួកគេ​ទេ ពួកគេ​នឹង​មិន​អាច​បង់ប្រាក់​កម្រិត​ឥណទាន​ដែល​យើង​​រំពឹងថា នឹងមាន​នៅក្នុង​ប្រទេស​កម្ពុជា​នៅ​ថ្ងៃ​អនាគត គឺ​ពី ១៥​ទៅ​២០​ភាគ​រយ [​ក្នុង​មួយឆ្នាំ​] ដោយ​មិន​ស្នើសុំ​ម្ចាស់​ភាគហ៊ុន​សម្រាប់​មូលធន​បន្ថែម​នោះ​​ទេ​។ ស្ថានការណ៍​នេះ នឹងធ្វើ​ឲ្យ​ពួក​គេ​​​ធ្លាក់ចុះ​ជាខ្លាំង​នៅក្នុង​ចំណែក​ទីផ្សារ ពួក​គេ​អាច​នឹង​មិន​មាន​ឈ្មោះ​បោះ​សំឡេង ឬ​មិន​ត្រូវ​បាន​គេ​ទទួល​ស្គាល់ ឬ​នឹង​​បង្កើន​ការ​រំខាន​ដល់​ភាគ​ទុនិក ដែល​ត្រូវ​រក​ដើមទុន​មក​ផ្គត់ផ្គង់​ច្រើន​ទៅៗ​»។

នៅ​ក្នុង​របាយការណ៍​ចុង​ក្រោយ​បំផុត​របស់​ខ្លួន MSP មិន​បាន​ទូទាត់ ROE តាម​ធនាគារ​នីមួយៗ​នោះ​ទេ ប៉ុន្តែ​បាន​កត់​សម្គាល់​ថា ក្រៅពី​ធនាគារ​ដែល​មាន​ការ​អនុវត្ត​ ជាប់​ចំណាត់​ថ្នាក់​ល្អ​ដូច​ជា​ធនាគារ​អេស៊ីលីដា ធនាគារ ABA និង​ធនាគារ​កាណាឌីយ៉ា «​ផល​ចំណេញ​សរុប​តិចតួច​កំពុង​ត្រូវ​បាន​ទាញ​ទម្លាក់​ចុះ​ដោយ​ ធនាគារ​តូចៗ ដែល​ត្រូវការ​ការផ្លាស់ប្តូរ​យុទ្ធ​សាស្ត្រ​ដ៏​សម្បើម​មួយ​ដើម្បី​រកបាន​ប្រាក់​ចំណេញ​ឲ្យ​បាន​ច្រើនជាង​នេះ​»​។

ខណៈ​ពេល​ដែល MSP បាន​កំណត់​ហេតុផល​មួយ​ចំនួន​ដែល​នាំ​ឲ្យ​មាន​ការ​អនុវត្ត​ទាប​ដូចជា​ការ​គ្រប់គ្រង​មិនល្អ​និង​ការ​ប្រកួត​ប្រជែង​មានការ​កើនឡើង បញ្ហា​ដែល​ធំ​ជាង​គេ​នៅ​ក្នុង​នោះ គឺ​កង្វះ​មាត្រ​ដ្ឋាន​នៃ​ធនាគារ​នីមួយៗ​។

របាយ​ការណ៍​ដដែល​នេះ​បាន​ឲ្យ​ដឹង​ថា ​៖ «​ធនាគារ​ភាគ​ច្រើន ដែល​បើក​ដំណើរ​ការ​នៅ​កម្ពុជា មាន​ភាព​ខ្វះខាត​ផ្នែក​មាត្រដ្ឋាន ហើយ​ការ​ខ្វះខាត​នេះ​នឹង​រឹតតែ​យ៉ាប់យ៉ឺន​ថែម​ទៀត​ដោយ ការ​ដាក់​កម្រិត​អប្ប​បរមា​លើ​មូលធន​ថ្មី​»​។

ធនាគារ​ជាតិ​នៃ​កម្ពុជា​បាន​ផ្តល់​ឱកាស​ដល់​ធនាគារ​ពាណិជ្ជកម្ម​រហូត​ដល់​ខែ​មីនា​ ឆ្នាំ​ ២០១៨ ដើម្បី​បង្កើន​ដើម​ទុន​ដែល​បាន​បង់​ហើយ​របស់​ខ្លួន​ដោយ​យ៉ាង​ហោច​ណាស់​មាន ៧៥​ លាន​ដុល្លារ​ពោល​គឺ​កើន​ឡើង​ទ្វេ​ដង​ពី​តម្រូវ​ការ​កាលពីមុន​។ កម្រិត​ដើម​ទុន​អប្បបរមា​ថ្មី​សម្រាប់​ក្រុមហ៊ុន​បុត្រ​សម្ព័ន្ធ​នៃ​ធនាគារ​បរទេស​មាន​កម្រិត​វិនិយោគ​ត្រូវ​បាន​កំណត់​ទាប​ជាង​នេះ​បន្តិច គឺ​ត្រឹម​ ៥០​ លាន​ដុល្លារ​។

ខណៈ​ពេល​ដែល MSP បាន​ប៉ាន់​ស្មាន​ពី​មុន​ថា ធនាគារ​នឹង​ត្រូវ​ការ​កម្ចី​យ៉ាង​ហោច​ណាស់ ​១៥០​ លាន​ដុល្លារ ដើម្បី​ទទួល​បាន​ប្រាក់​ចំណេញ​គ្រប់គ្រាន់​ដើម្បី​សម្រេច​បាន​ផល​ចំណេញ​វិជ្ជមាន​សម្រាប់​ភាគ​ទុនិក​របស់​ពួក​គេ តែ​ជាមួយ​នឹង​តម្រូវ​ការ​ដើម​ទុន​កាន់​តែ​ខ្ពស់​រួម​ទាំង​ការ​កាត់​បន្ថយ​អត្រា​ការ​ប្រាក់​និង​ការ​កើន​ឡើង​នូវ​ការ​ចំណាយ​លើ​បុគ្គលិក​ផងដែរ​នោះ MSP ឥឡូវ​នេះ​បាន​ប៉ាន់​ស្មាន​ថា ធនាគារ​នឹង​ត្រូវ​ការ​ច្រើន​ជាង​នេះ​ទ្វេដង​។

របាយ​ការណ៍​ដដែល​បាន​ឲ្យ​ដឹង​ទៀត​ថា ​៖ «​នៅ​កម្រិត​ដើម​ទុន​នេះ ធនាគារ​នឹងត្រូវ​ការ​បញ្ជី​កម្ចី​យ៉ាង​ហោច​ណាស់​ក៏៣៥០​លាន​ដុល្លារ និង​ប្រហែល​ជា ៤០០ ​លាន​ដុល្លារ​ទៀតផង ដើម្បី​បង្កើត​ប្រាក់​ចំណេញ​បាន​គ្រប់គ្រាន់​ដើម្បី​សម្រេច​បាន ROE ពី១៥​ភាគរយ ឬ​ច្រើន​ជាង​នេះ​»​។ ធនាគារ​ដែល​មាន​ផលបត្រ​ឥណទាន​ទាប​ជាង​នេះ​នឹង​ព្យាយាម​តស៊ូ​ដើម្បី​បង្កើត​ប្រាក់​ចំណេញ​ក្នុង​ចំនួន​មួយ​ដែល​អាច​ទទួល​យក​បាន»។

របាយការណ៍​ក៏បាន​កត់​សម្គាល់​ថា បច្ចុប្បន្ន​មាន​តែ​ធនាគារ​ចំនួន​១​ភាគ៣​ប៉ុណ្ណោះ​នៅ​កម្ពុជា ដែលមាន​ទំហំ​បញ្ជី​កម្ចី​ធំ​ជាង៣៥០​លាន​ដុល្លារ ហើយ​ធនាគារ​តូចៗ ជាច្រើន​ទទួលរង​ពី​ «​តារាង​តុល្យការ​ខ្ជិល​» និង​មាន​អត្រា​ជំពាក់​ប្រាក់​ធនាគារ​ទាប​ជាង​ប្រាក់​ហ៊ុន​។​

អត្រា​រវាង​ប្រាក់​ហ៊ុន និង​ការ​ចង​ការ​ប្រាក់​ជា​មធ្យម​នៅ​ក្នុង​វិស័យ​ធនាគារ​ដែលជា​រង្វាស់​នៃ​ទ្រព្យ​សម្បត្តិ​ដែល​បែងចែក​ដោយ​ភាគហ៊ុន គឺ​ខុស​គ្នា​តែ​៥​ដង​ប៉ុណ្ណោះ ខណៈ​ដែល​ធនាគារ​ដែល​មាន ROE ល្អ​មាន​កម្រិត ៧ ​ទៅ ​៨ ដង​ឯណោះ​»៕

0

Comments

Please, login or register to post a comment