វិស័យ​បច្ចេកវិទ្យា​ព័ត៌មានវិទ្យា​បាន​រីកចម្រើន​យ៉ាង​ខ្លាំង​នាអំឡុង​ចុង​ទសវត្សរ៍​ចុង​ក្រោយ​នេះ​ការ​វិវឌ្ឍ​ផ្នែក​ចំណេះដឹង​របស់​យុវជន​កម្ពុជា​ក៏​បាន​ជួយ​ផ្តល់​ជា​អត្ថប្រយោជន៍​ពី​បណ្តាញ​បច្ចេកវិទ្យា​តាមរយៈ​ការ​បង្កើត​កម្មវិធី​ថ្មីៗ​ហៅថា APP រួច​ដាក់​បញ្ចូល​ទៅ​ក្នុង​គេហទំព័រ​ផ្ទុក​ទិន្នន័យ​កម្មវិធី ដើម្បី​ឲ្យ​អ្នក​ប្រើប្រាស់​ទូរស័ព្ទ​ដៃ​ឆ្លាតវៃ​អាច​ដោនឡូត​យក​ទៅ​ប្រើប្រាស់​តាម​តម្រូវការ​ជាក់ស្តែង ឧទាហរណ៍​ក្រុម​យុវជន​កម្ពុជា​ទើប​បាន​បង្ហាញ​សមិទ្ធផល​ថ្មីៗ​របស់​ខ្លួន​ដូចជា Tesjor, Osjar, និង​ចុងក្រោយ​គឺ Sokhakrom App ក្នុង​គោលបំណង​ចូលរួម​​ក្នុង​ការ​រក​ដំណោះស្រាយ​នៅ​ក្នុង​វិស័យ​សុខាភិបាល​នៅ​ក្នុង​ប្រទេស​កម្ពុជា​។