.jpg)
Reshma Saujani កវីនិពន្ធសៀវភៅ Girls Who Code ដែលបង្រៀនថ្នាក់សរសេរភាសាកំព្យូទ័រក្នុងកម្មវិធីសិក្សានៅរដូវក្តៅមួយក្នុងទីក្រុងញូវយ៉ក។ រូបភាពពីសៀវភៅ Girls Who Code
ខណៈដែលយើងកំពុងស្ថិត នៅពាក់កណ្តាលកម្មវិធី Computer Science Education Week តើមានអ្វីដែលល្អប្រសើរសម្រាប់សៀវភៅរបស់ក្មេងៗថ្មីៗ ដែលនិយាយអំពីការសរសេរភាសាកំព្យូទ័រ? ដូចដែលអ្នកអាចនឹងដឹងមកហើយ ការវិភាគពាក្យ គឺជាការបញ្ជាឲ្យកំពុងកំព្យូទ័រធ្វើអ្វីមួយដែលវាយល់ និងអាចធ្វើតាមបាន។
«Secret Coders» ដែលសរសេរដោយ Gene Luen Yang និងគូរបង្ហាញដោយ Mike Holmes គឺជាសៀវភៅប្រលោមលោកតភាគមានរូបក្រាហ្វិកអំពីមិត្តភក្តិ ៣នាក់ ដោយពួកគេរៀនអំពីភាសាកំព្យូទ័រមួយ ដែលត្រូវបានគេបំភ្លេចចោលស្ទើរទាំងស្រុង និងការព្យាយាមជួយពិភពលោកពី បញ្ញវន្តកំព្យូទ័រដ៏ឆ្កូតលីលាម្នាក់។ សៀវភៅទី ៤ ឈ្មោះ «Robots & Repeats» ត្រូវបានបោះពុម្ព កាលពីខែតុលា ហើយសៀវភៅបន្ទាប់នឹងចេញខែមីនាខាងមុខនេះ។
នៅក្នុងរឿងនេះតាំងពីដើមមក គឺសិស្សចំនួន ៣នាក់ ដែលបានចូលរៀននៅសាលាឯកជនដ៏ចម្លែកមួយ បានរកឃើញនូវអាថ៌កំបាំងមួយចំនួនរបស់សាលានេះដោយរៀនអំពីវិធីសរសេរភាសាកំព្យូទ័រ។ អ្នកអានក៏ត្រូវបានលើកទឹកចិត្តឲ្យអនុវត្តតាមផ្នត់គំនិតនេះដែរ។
Yang បានថ្លែងប្រាប់ Kids Post ថា លោកបានជ្រើសរើស Logo ជាភាសាកំព្យូទ័រសម្រាប់សៀវភៅតភាគនេះដោយសារតែហេតុផលមួយចំនួន។ ទី១ ដោយសារតែវាជាអ្វីដែលលោកបានរៀនដំបូងគេ ហើយលោកក៏មានភាពភ្ញាក់ផ្អើលដោយអ្នកដែលបានសរសេរសៀវនេះឡើង និងវិធីដែល Logo «ស្ថិតនៅចំកណ្តាលរវាងពិភពភាសាកំព្យូទ័រ និងពិភពសិល្បៈ»។
លោកថ្លែង ដោយបន្តថា៖ «ហើយវាជារឿងពិតដែលភាសានេះត្រូវបានគេបំភ្លេចចោលវាបាននាំឆ្ពោះទៅរកអាថ៌កំបាំងរបស់វា»។
លោក Yang បានថ្លែងថា លោកបានដាក់ឈ្មោះតួឯកថា «Hopper» ដើម្បីរំលឹកដល់លោកស្រី Grace Murray Hopper ដែលជាបុគ្គលដ៏សំខាន់មួយរូបក្នុងប្រវត្តិសាស្ត្ររបស់វិទ្យាសាស្ត្រកំព្យូទ័រ។
ឈុតសៀវភៅ Secret Coders៖ Robots & Repeats ដោយ Gene Luen Yang និង Mikes Holmes និយាយអំពី Eni, Josh and Hopper, ជាមិត្តភក្តិ ៣រូប ដែលស្រឡាញ់ការសរសេរភាសាកំព្យូទ័រ។ រូបភាពដោយ Macmillan
អ្នកស្រីបានធ្វើពាក្យ «bug» ក្លាយជាពាក្យមួយដែលគេនិយមប្រើបំផុតនៅពេលមានបញ្ហាជាប់គាំងក្នុងការដំណើរការកម្មវិធី និងបានបង្កើតកម្មវិធីវិភាគពាក្យដំបូងគេហៅថា compiler។ compiler គឺជាកម្មវិធីមួយដែលបកប្រែពាក្យ និងលេខទៅជាភាសាប្រើនិមិត្តសញ្ញាចំនួន២ ដែលកំព្យូទ័រអាចយល់បាន។
ក្នុងអំឡុងពេលស្រាវជ្រាវដំបូងៗសម្រាប់សៀវភៅតភាគនេះ Yang បានយល់ថា «ការសរសេរភាសាកំព្យូទ័រត្រូវបានចាត់ទុកជាការងាររបស់ស្ត្រី»។ មនុស្សធ្លាប់តែគិតថា គ្រឿងបន្លាស់របស់កំព្យូទ័រជាផ្នែកដ៏សំខាន់បំផុត។ ពួកគេហាក់បីដូចជាមិនខ្វល់អំពីរឿង software ហើយឲ្យស្ត្រីជាអ្នកគ្រប់គ្រងវាវិញ។ ឥឡូវនេះ យើងបានគិតខុសពីរឿងនេះ ប៉ុន្តែជាលទ្ធផលគំនិតជាច្រើនដែលយើងគិតអំពីវិទ្យាសាស្ត្រកំព្យូទ័រត្រូវបានបង្កើតឡើងដោយស្ត្រីដូចជាលោកស្រី Grace Hopper»។
អ្នកនិពន្ធរូបនោះថ្លែងថា កីឡាករបាល់បោះ Chris Bosh មកពី National Basketball Association បានជម្រុញទឹកចិត្តឲ្យ Yang បង្កើតតួអង្គ Eni ដែលជាមិត្តជិទស្និតរបស់ Hopper។ «គាត់គឺជាមនុស្សម្នាក់ដែលរួមបញ្ចូលនូវពិភពនៃកីឡា និងពិភពនៃការអប់រំ»។
Yang បានធ្វើជាគ្រូបង្រៀនផ្នែកវិទ្យាសាស្ត្រកំព្យូទ័រថ្នាក់វិទ្យាល័យអស់រយៈពេល១៨ឆ្នាំមកហើយ ហើយលោកបានឃើញនូវការដាក់ងារឲ្យក្មេងៗថា ជាកីឡាករ ឬជាមនុស្សដែលងប់នឹងការសិក្សា។ Bosh និង Eni មិនមែនជាមនុស្សដែលងាយឲ្យគេដាក់ងារបានទេ។ ពួកគេមានចំណុចគួរឲ្យចាប់អារម្មណ៍ជាច្រើន។
ជាមួយនឹងសៀវភៅតភាគ «Secret Coders» លោក Yang ថ្លែងថា លោកសង្ឃឹមថា អ្នកអាននឹងមានទទួលបានអារម្មណ៍រំភើបអំពីការសរសេរកម្មវិធីកំព្យូទ័រដូចរូបលោកដែរ។ «ពេលខ្លះការសរសេរភាសាកំព្យូទ័រហាក់ដូចជាវេទមន្តដូច្នេះដែរ។»
Secret Coders និពន្ធដោយ Gene Luen Yang ដែលបានបង្រៀនផ្នែកវិទ្យាសាស្ត្រកំព្យូទ័រអស់រយៈពេល១៨ឆ្នាំ។ សៀវភៅទី៤ ក្នុងបណ្តាសៀវភៅតភាគរបស់លោកបានចេញកាលពីខែតុលា។ រូបភាពដោយ Macmillan
សម្រាប់តែនារីប៉ុណ្ណោះ
Reshma Saujani ដែលបានសរសេរសៀវភៅថ្មីមួយក្បាលមានចំណងជើងថា «Girls Who Code» សម្រាប់កុមារអាយុចាប់ពី ១០ឆ្នាំឡើងទៅ។ វាបង្ហាញពីរបៀបដែលថា ការសរសេរភាសាកំព្យូទ័រអាចជារឿងមួយសប្បាយ និងមានអត្ថប្រយោជន៍។
អ្នកនាងពន្យល់នូវផ្នត់គំនិត និងពាក្យបច្ចេកទេសគន្លឹះតាមវិធីមួយដែលងាយស្រួលយល់។ បន្ថែមពីលើការគោរពសរសើរដល់ស្ត្រីដែលបានរកឃើញនូវរបកគំហើញសំខាន់ៗក្នុងវិទ្យាសាស្ត្រកំព្យូទ័រនោះ Saujani បានរួមបញ្ចូលនូវបទសម្ភាសន៍ជាមួយស្ត្រីនានា ដែលធ្វើការក្នុងផ្នែកសរសេរ និង បង្កើតគេហទំព័រ និងកម្មវិធីលើទូរស័ព្ទដៃ ក៏ដូចជាស្ត្រីដែលជាអ្នកជំនាញក្នុងវិស័យដូចជាមនុស្សយន្ត ភាពយន្តគំនូរចលនា និងវិស័យបង្កើតវីដេអូហ្គេមផងដែរ។
AN HOUR OF CODE
មួយម៉ោងសម្រាប់សរសេរ Code
អ្នកអាចរីករាយជាមួយកម្មវិធី Computer Science Education Week (Dec. 4-10) ដោយចូលរួមក្នុងវគ្គសរសេរភាសាកំព្យូទ័រ។
សិក្ខាសាលាច្រើនជាង ១ សែនកម្មវិធីនៅទូទាំងពិភពលោកត្រូវបានគ្រោងទុកដើម្បីចូលរួមលើកកម្ពស់ដល់វគ្គ «Hour of Coding» សម្រាប់សិស្សគ្រប់ទីកន្លែង។
សូមចូលទៅកាន់គេហទំព័រ hourofcode.com/us/learn សម្រាប់វីដេអូបង្រៀនអំពីវគ្គ Hour of Code (មាន ៤៥ភាសា សម្រាប់ជ្រើសរើស) និងព័ត៌មានអំពីព្រឹត្តិការណ៍ដែលនៅជិតអ្នកផងដែរ៕
Abby Mcganney Nolan
The Washington Post
