Search form

Login - Register | FOLLOW US ON

Logo of Phnom Penh Post newspaper Phnom Penh Post - FORTE ឈាន​មុខ​គេ​ក្នុង​ការ​បង្ហាញ​ពី​សារៈសំខាន់​របស់​សេវា​ធានា​រ៉ាប់រង

Content image - Phnom Penh Post

FORTE ឈាន​មុខ​គេ​ក្នុង​ការ​បង្ហាញ​ពី​សារៈសំខាន់​របស់​សេវា​ធានា​រ៉ាប់រង

ពលរដ្ឋ​កម្ពុជា​កាន់​តែ​ច្រើន​ឡើងៗ​កំពុង​មាន​ការ​យល់​ដឹង​កាន់​តែ​ច្បាស់​ថា សេវា​ធានា​រ៉ាប់រង​មាន​តួនាទី​យ៉ាង​សំខាន់​ក្នុង​ជីវិត​របស់​ខ្លួន។ ប្រសិន​បើ​ក្រុមហ៊ុន​អ្នក​ជា​ក្រុម​ហ៊ុន​ធានា​រ៉ាប់រង​មួយ​ឈាន​មុខ​គេ​ក្នុង​ប្រទេស​អ្នក​អាច​និយាយ​បាន​ថា ក្រុមហ៊ុន​របស់​អ្នក​កំពុង​ដើរ​តួនាទី​យ៉ាង​សំខាន់​មួយ​ក្នុង​ការ​បង្ហាញ​ឲ្យ​ឃើញ​ថា សេវា​ធានា​រ៉ាប់រង​ពិត​ជា​សំខាន់​ខ្លាំង​កម្រិត​ណា។

ក្នុង​ឆ្នាំ 2015 ក្រុមហ៊ុន​ធានា​រ៉ាប់​រង Forte ត្រូវ​បាន​ទទួល​ស្គាល់​ដោយ​សមាគម​ធានា​រ៉ាប់រង​កម្ពុជា​ថា ជា​ក្រុមហ៊ុន​ឈាន​មុខ​គេ​ក្នុង​ឧស្សាហកម្ម​ធានា​រ៉ាប់រង​ទូទៅ​ដែល​មាន​ចំណែក​ទីផ្សារ​រហូត​ដល់ 45,3%។

សម្រាប់​ឆ្នាំ 2016 ក្រុមហ៊ុន​ត្រូវ​បាន​ផ្តល់​រង្វាន់​ជ័យ​លាភី​ចំនួន​បី​ពី​ទស្សនាវដ្តី​ល្បី​លំដាប់​ថ្នាក់​អន្តរជាតិ Global Banking & Finance Review ដែល​រង្វាន់​ជ័យលាភី​ទំាង​នោះ​មាន​ដូចជា ក្រុមហ៊ុន​ធានា​រ៉ាប់រង​ទូទៅ​ល្អ​ផ្តាច់​គេ​ក្រុមហ៊ុន​ដែល​មាន​ផលិតផល​ធានា​រ៉ាប់រង​ទូទៅ​មាន​ភាព​ច្នៃ​ប្រឌិត​ខ្ពស់​បំផុត​និង​ជ័យលាភី​ជា​ក្រុមហ៊ុន​ដែល​ផ្តល់​សេវា​បម្រើ​អតិថិជន​ឆ្នើម។

នេះ​ជា​សក្ខីភាព​បញ្ជាក់​ថា Forte ជា​ក្រុមហ៊ុន​ធានា​រ៉ាប់រង​ទូទៅ​ធំ​ជាង​គេ​បំផុត​នៅ​កម្ពុជា​ដែល​មាន​បទ​ពិសោធ​យូរ​ឆ្នាំ​ក្នុង​ប្រតិបត្តិ​ការ​អាជីវកម្ម​របស់​ខ្លួន​ដោយ​ចាប់​ផ្តើម​ជា​ក្រុមហ៊ុន​ជើងសារ​ធានា​រ៉ាប់រង​ក្នុង​ឆ្នាំ 1998 Forte បាន​វិវត្ត​ខ្លួន​ក្លាយ​ជា​ក្រុមហ៊ុន​ធានា​រ៉ាប់រង​ទូទៅ​ធំ​ជាង​គេ​និង​បាន​ពង្រីក​ទៅ​តាម​បណ្តា​ខេត្ត​មួយ​ចំនួន​ដូចជា​សៀមរាប បាត់ដំបង កំពង់ចាម និង​ខេត្ត ព្រះសីហនុ។

សម្រាប់​លោក Charles Cheo នាយក​ប្រតិបត្តិ​ក្រុមហ៊ុន​ វា​ជា​មោទនភាព​ដ៏​ធំធេង​បំផុត​ដែល​ក្រុមហ៊ុន​ត្រូវ​បាន​ទទួល​ស្គាល់​អំពី​សាវតារ​សមិទ្ធផល​និង​សេវាកម្ម​ផ្សេងៗ​។ ប៉ុន្តែ​ជ័យលាភី​ពាន​រង្វាន់​ក៏​ដូចជា ការ​ទទួល​ស្គាល់​ទាំង​នេះ​គ្រាន់​តែ​ជា​ផ្នែក​មួយ​ប៉ុណ្ណោះ​នៃ​ទស្សន​វិស័យ​និង​បេសកកម្ម​របស់ Forte ដែល​ផ្តោត​សំខាន់​ទៅ​លើ​ការ​កសាង​ទំនុក​ចិត្ត​ពី​អតិថិជន​និង​ចូលរួម​ពង្រីក​វិស័យ​ធានា​រ៉ាប់​រង​នេះ​ឲ្យ​កាន់​តែ​មាន​សក្តានុពល​បន្ថែម​ទៀត។

លោក Charles បាន​ថ្លែង​ថា “យើង​បាន​និង​កំពុង​ទទួល​ជោគជ័យ​ជាច្រើន​នៅ​លើ​វិថី​ដែល​បាន​ឆ្លង​កាត់​កន្លង​មក​ ប៉ុន្តែ​វា​នៅ​មាន​ផ្លូវ​ដ៏​សែន​វែង​ឆ្ងាយ​សម្រាប់​ធ្វើ​ដំណើរ​និង​ការងារ​ជាច្រើន​ទៀត​ដែល​ត្រូវ​បំពេញ​ ប្រសិន​បើ​យើង​ចង់​ឲ្យ​មនុស្ស​គ្រប់​គ្នា​ទទួល​ស្គាល់​ថា សេវា​ធានា​រ៉ាប់រង​ពិត​ជា​ផ្តល់​នូវ​ការ​ការពារ​លើក​កម្ពស់​ជីវភាព​រស់​នៅ​និង​ធ្វើ​ឲ្យ​ពួក​គាត់​ទទួល​បាន​នូវ​ភាព​ស្ងប់​ចិត្ត​នោះ។” លោក​បន្ត​ទៀត​ថា “គោល​ដៅ​របស់​យើង​ គឺ​កែប្រែ​នូវ​ផ្នត់​គំនិត​របស់​សាធារណជន​មក​លើ​វិស័យ​ធានា​រ៉ាប់រង​និង​បន្ត​ចូល​រួម​ចំណែក​អភិវឌ្ឍ​វិស័យ​នេះ។”

ដើម្បី​ឲ្យ​សម្រេច​បាន​នូវ​ទិស​ដៅ​និង​គោល​បំណង​ទាំង​អស់​ខាង​លើ​នោះ ចំពោះ​លោក Charles គឺវា​ត្រូវ​ពឹង​ផ្អែក​ទៅ​លើ​កត្តា​ធំៗ​ចំនួន​ពីរ​របស់ Forte ៖កត្តា​ធនធាន​មនុស្ស​និង​កត្តា​យុទ្ធសាស្រ្ត។

លោក​បាន​ថ្លែង​បញ្ជាក់​ថា “ភាព​ជោគ​ជ័យ​របស់ Forte មិន​មែន​អាស្រ័យ​តែ​លើ​កត្តា​អតិថិជន​តែ​មួយ​ប៉ុណ្ណោះ​ទេ​កត្តា​ធនធាន​មនុស្ស​ក៏​ជា​កម្លាំង​ចលករ​ដ៏​សំខាន់​ផងដែរ។ ក្រុមហ៊ុន​របស់​យើង​ខ្ញុំ​មាន​ធនធាន​មនុស្ស​ដែល​មាន​ជំនាញ​ប្រកប​ដោយ​វិជ្ជាជីវៈ​និង​បទ​ពិសោធ​ខ្ពស់​ដែល​តែងតែ​បន្ត​អភិវឌ្ឍ​ខ្លួន​ឯង​ឥត​ឈប់ឈរ​ ហើយ​បាន​រួម​ចំណែក​បំពេញ​ការងារ​ផ្ដល់​សេវា​កម្ម​ប្រកប​ដោយ​គុណភាព​ខ្ពស់​បំផុត​ដើម្បី​ជួយ​យើង​ឲ្យ​សម្រេច​បាន​នូវ​បេសកកម្ម​ដូច​បាន​រៀប​រាប់​ខាង​លើ។”

ក្រៅពី​បុគ្គលិក​ដែល​មាន​ការ​ប្ដេជ្ញា​ចិត្ត​ខ្ពស់​យុទ្ធសាស្ត្រ​ក្រុមហ៊ុន Forte ក៏​បាន​ដើរ​តួនាទី​យ៉ាង​សំខាន់​ក្នុង​កិច្ច​អភិវឌ្ឍ​វិស័យ​ធានា​រ៉ាប់រង​នៅ​កម្ពុជា​ផងដែរ។ ក្រុមហ៊ុន​ត្រូវ​បាន​ទទួល​ស្គាល់​និង​មាន​បទ​ពិសោធ​ជាច្រើន​ក្នុង​ការ​រៀប​ចំ​នូវ​យុទ្ធសាស្រ្ត​ផ្សេងៗ ដើម្បី​បំពេញ​តម្រូវ​ការ​របស់​អតិថិជន ក៏​ដូចជា​អភិវឌ្ឍន៍​វិស័យ​នេះ។ ជាក់​ស្តែង​យើង​តែងតែ​ឈាន​មុខ​ក្នុង​ការ​ដាក់​ចេញ​នូវ​ផលិតផល​សេវា​ធានា​រ៉ាប់រង​ដែល​មាន​ភាព​ច្នៃ​ប្រឌិត​និង​ពង្រីក​ទីផ្សារ​ផលិតផល​សេវា​ធានា​រ៉ាប់រង​ដែល​មាន​ស្រាប់​ឲ្យ​កាន់​តែ​មាន​ភាព​ទូលំ​ទូលាយ។

លោក​ក៏​បាន​មាន​ប្រសាសន៍​ថា “គ្រប់​សេវា​ធានា​រ៉ាប់រង​ដែល​មាន​ស្រាប់​និង​សេវា​ធានា​រ៉ាប់រង​ថ្មីៗ គឺ​ផ្តោត​សំខាន់​ទៅ​លើ​ការ​ពង្រឹង​បែបបទ ទាមទារ​និង​ល្បឿន​ដោះស្រាយ​សំណង​ ក៏​ដូចជា ធានា​ឲ្យ​បាន​ថា ផលិត​ផល​ទាំង​នោះ​នឹង​ការពារ​អតិថិជន​ពី​ហានិភ័យ​ផ្សេងៗ។” លោក​ក៏​បាន​បន្ថែម​ទៀត​ថា “Forte នៅ​តែ​បន្ត​ធ្វើ​ការ​សិក្សា​ស្រាវជ្រាវ​ឥត​ឈប់​ឈរ​លើ​តម្រូវ​ការ​ទីផ្សារ​ក្នុង​ស្រុក ដើម្បី​ផ្ដល់​នូវ​សេវា​ធានា​រ៉ាប់រង​ដែល​ប្រកប​ដោយ​គុណ​តម្លៃ​ភាព​ច្នៃ​ប្រឌិត​និង​សេវា​បម្រើ​អតិថិជន​ប្រកប​ដោយ​ស្តង់ដា​ខ្ពស់។”

បុព្វលាភ​ដែល​ក្រុមហ៊ុន Forte ទទួល​បាន​គឺ​មាន​ការ​កើន​ឡើង​ជា​រៀង​រាល់​ឆ្នាំ​ដែល​ឆ្លើយតប​ទៅ​នឹង​ការ​រីក​ចម្រើន​ក្នុង​វិស័យ​នេះ​ផង​ដែរ។ សម្រាប់​រយៈពេល​ជាង​ប្រាំ​ឆ្នាំ​ចុង​ក្រោយ​នេះ​វិស័យ​ធានា​រ៉ាប់រង​ទូទៅ​នៅ​កម្ពុជា​មាន​ការ​លូត​លាស់​ខ្លាំង​ដោយ​កំណើន​ពី 24,8 លាន​ដុល្លារ​ក្នុង​ឆ្នាំ​2010 ដល់ 61,6 លាន​ដុល្លារ​ក្នុង​ឆ្នាំ 2015។ បុព្វ​លាភ​សរុប​នៅ​កម្ពុជា​សម្រាប់​សេវា​ធានា​រ៉ាប់​រង​ទូទៅ​បាន​កើន​ពី 53 លាន​ដុល្លារ​ក្នុង​ឆ្នាំ 2014 ដល់ 61,6 លាន​ដុល្លារ​ក្នុង​ឆ្នាំ 2015 ខណៈ​ដែល​បុព្វលាភ​សម្រាប់​សេវា​ធានា​រ៉ាប់រង​អគ្គិភ័យ​បាន​កើន​ឡើង 35% ពោល​គឺ​រហូត​ដល់ 24,5 លាន​ដុល្លារ។

សម្រាប់ Forte ការ​រីក​ចម្រើន​នេះ​ជា​ការ​ឆ្លុះ​បញ្ចាំង​ឲ្យ​ឃើញ​ថា​មនុស្ស​ជាច្រើន​កំពុង​ទទួល​បាន​នូវ​ការ​ការពារ​ពី​សេវា​ធានា​រ៉ាប់រង។

លោក Charles បាន​បញ្ជាក់​ជា​ចុង​ក្រោយ​ផង​ដែរ​ថា “យើង​សូម​ធ្វើ​ការ​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះ​កំណើន​នៃ​ការ​គាំទ្រ​របស់​ប្រជាជន​កម្ពុជា​លើ​ឧស្សាហកម្ម​ធានា​រ៉ាប់រង​ដែល​នេះ​ស​បញ្ជាក់​ឲ្យ​ឃើញ​ពី​ការ​ទទួល​ស្គាល់​នូវ​សារៈសំខាន់់​របស់​សេវា​ធានា​រ៉ាប់រង​ក្នុង​ការ​ផ្ដល់​ជូន​នូវ​សុវត្ថិភាព​ការ​ការពារ។ សេវា​ធានា​រ៉ាប់រង​មិន​ត្រឹម​តែ​ផ្ដោត​លើ​ការ​ជួយ​សង្គ្រោះ​ឬ​ការ​សន្សំ​ប៉ុណ្ណោះ​ទេ ប៉ុន្តែ​សំខាន់​ជាង​នេះ​ទៅ​ទៀត​នោះ គឺ​ការ​យក​ចិត្ត​ទុក​ដាក់​ចំពោះ​មនុស្ស​ជា​ទី​ស្រឡាញ់​និង​ការ​ត្រៀម​ទុក ដើម្បី​បង្ការ​ជា​មុន​ នៅ​ពេល​មាន​ហេតុ​ការណ៍​ផ្សេងៗ​កើត​ឡើង​ដោយ​យថាហេតុ។”

0

Comments

Please, login or register to post a comment

ព័ត៌មានពាក់ព័ន្ធ