ក្នុង​នាម​មន្ត្រី​រាជការ​របស់​រាជរដ្ឋាភិបាល​ចាប់ពី​ថ្នាក់​អនុប្រធាន​នាយកដ្ឋាន​ឡើង​ទៅ​គឺ​ភ្ញាក់​ពី​ដេក​ឡើង​មិន​ទាន់​ទេ​ត្រូវ​គិតគូរ​តែ​ពី​រឿង​ចុះ​ពង្រឹង​មូលដ្ឋាន​ច្រើន​ជាង​ការងារ​រាជការ​នៅ​ក្នុង​ការិយាល័យ​របស់​ខ្លួន​ទៅ​ទៀត​អ្នក​ខ្លះ​ចុះ​មូលដ្ឋាន​ចុង​សប្តាហ៍​ហើយ​ពេល​ខ្លះ​ក្នុង​សប្តាហ៍​ក៏​ចុះ​ទៀត​ឡើង​ចង់​ភ្លេច​មុខ​ប្រពន្ធ និង​កូន​ទៅ​ហើយ​។ នេះ​គឺជា​បញ្ជា​ពី​ថ្នាក់​លើ​តៗ​គ្នា​ដោយ​យល់​ឃើញ​ថា​វា​ជា​សកម្មភាព​ពង្រឹង​អំណាច​បក្ស​ចុះ​ម្តងៗ​មាន​អ្នក​ហែហម​យ៉ាង​គគ្រឹក​គគ្រេង​ដូច​ហែ​កឋិន​ទាន​អស់​ថវិកា​ជាច្រើន​ទាំង​ចំណាយ​ការ​ហូបចុក ស្នាក់​នៅ សាំង​ចាក់​រថយន្ត​ផង អំណោយ​ផង រៀបចំ​បាយ​ទឹក​ជូន​អ្នក​ចូលរួម​ផង...​។​ល​។