ការ​លេង​បែប​បន្លំ​មែន តាម​បែប​បុរាណ ឬ​ក៏​តាម​សម័យ​កាល​ក្តី ដូច​ជា ការ​បន្តុះ​បង្អាប់​បែប​បុគ្គល​ណា​ម្នាក់​ដែល​មាន​អំណាច​តិច​ជាង​ខ្លួន តាម​រយៈ​ការ​មើល​ងាយ​ពណ៌​សម្បុរ ស-ខ្មៅ ជាតិ​សាសន៍ ខ្ពស់-តឿ សក់​ក្រញាញ់-សក់​ត្រង់ ភ្នែក​តឹង-ភ្នែក​លាន អា​ខ្ទើយ ការ​ជេរ​ត្រកូល​គ្នា ឬ​ក៏​ហៅ​ឈ្មោះ​ឪពុក​ម្តាយ​គ្នា ការ​ដៀម​ដាម​ផ្លូវ​ភេទ ឯ​ខ្លះ​ទៀត និយាយ​បែប​ផ្លែ​ផ្កា​ចំអក​ទៅ​បុគ្គល​ចំៗ ដែល​ធ្វើ​ឲ្យ​គេ​ឈឺ​ចាប់ ខឹង​សម្បា​ដូច​ជា ដៀល​ថា អាភ្លើ អាល្ងើ អាល្ងង់ មិន​ដឹង​ខ្យល់​អី ឬ​ក៏​ការ​បញ្ចេញ​អាការ​បែប​រើស​អើង​តាម​រយៈ​ទឹក​មុខ​មើល​លើ​មើល​ក្រោម​ដែល​ទាក់​ទង​ទៅ​នឹង​ភាព​ក្រីក្រ​ចំណេះ​ដឹង ឬ​ភាសា ខ្លះ​ទៀត ក៏​ការ​បញេញ​កាយ​វិការ គំរាម​កំហែង​បុគ្គល​ផ្ទាល់ ឬ​ក៏​តាម​ការ​ផ្ញើ​សារ និង​រូបភាព តាម​រយៈ​ទូរស័ព្ទ ហ្វេសប៊ុក អ៊ីមែល ធ្វីធើរ​ជាដើម ដែល​ធ្វើ​ឲ្យ​គេ​ឈឺ​ចាប់។