ខ្ញុំ​បាន​តាម​ដាន​ព័ត៌មាន​ស្តីពី​ការ​ប្រឡង​មធ្យម​សិក្សាទុតិយ ភូមិ​ជា​រៀង​រាល់​ឆ្នាំ​យ៉ាង​យក​ចិត្ត​ទុក​ដាក់។ កាល​ពី​ខែ​កក្កដា ឆ្នាំ​២០១១ ខ្ញុំ​សរសេរ​អត្ថបទ​ជា​មតិ​ផ្ទាល់​ខ្លួន​មួយ​ដែល​ចេញ​ផ្សាយ​ដោយ​កាសែត​បរទេស​ក្នុង​ស្រុក​ ដែល​កាល​នោះ​ខ្ញុំ​លើក​ពី​ការ​ខក​បំណង​និង​អស់​សង្ឃឹម​យ៉ាង​ខ្លាំង​ចំពោះ​គុណភាព​នៃ​ការ​ប្រឡង​មធ្យម​សិក្សាទុតិយភូមិ​ ដែល​មាន​ភាព​មិន​ប្រក្រតី​រីករាល​ដាល​ពេញ​ប្រទេស ពាក់ព័ន្ធ​ទៅ​នឹង​ការ​ស៊ី​សំណូក និង​ការ​បើក​ចម្លង​របស់​សិស្ស។